.
.

وعليكم والسلام ورحمة الله وبركاته ،


يا صباح الورد والعسل ،


وانا بعد راح ادخل في الرد مباشرة



العروض موجودة من زمان

من أيام التسويق الموجود في المنتديات

سواء بكتابة موضوع عن فندق او قولوا لهم جاي عن طريقي وهكذا

وفي النهاية يتفاجأ الواحد إنه الفندق عادي أو في منطقة بعيدة لكن تم تسويقه بشكل ممتاز للأسف


وحاليا في السناب وغيره من وسائل التواصل الإجتماعي ، نفس الأمور اللي كانت في السابق








الفكرة بإختصار شديد كالتالي :


من هي الفئة المستهدفة :

كل واحد ما يحب يتعب نفسه سواء بالبحث والتقصي والسؤال والقراءة

أو ربما ما عنده القدرة على التخطيط والقراءة ويقول خليني أروح معاهم وأريح راسي.



أسعار العروض :

وهذي هي مربط الفرس ، وهذه المعلومات مؤكدة ،

بغض النظر عن التكلفة ،

البعض ياخذ فائدة من 350-500 ريال فقط على كل شخص

لكنه يعتمد على الكثرة عشان يستفيد ( زي نظام نوكيا )


والبعض يستهدف طبقة معينة تدفع ( زي شغل آبل )

ولذلك ما يهمه العدد بقدر نوعية الناس اللي راح يجونه




في حال تواجد وسيط ، بين المشهور والعميل ، تأكد ان السعر راح يزيد ،

لإنه المكتب يبي حقه ( وبعضهم طماعين جدا ) والمعلن يبي حقه كذلك





أختم بشيء بسيط جدا

وهي النصيحة اللي ذكرناها سابقا وراح نكررها لاحقا بإذن الله ،

القراءة والترتيب المسبق ، سواء هنا او هناك او من أي مصدر هي الأهم

وهي برأيي تمثل أكثر من نصف المتعة وتصل إلى 3/4 الرحلة

وصدقني مع الوقت ، راح تعرف الأسعار وتقدر تحكم بنفسك هل العروض جيدة أم لا ؟

هل الفندق مبالغ في سعره أم لا ؟







طولت عليكم

لكن بحياتي كلها

ما شفت مثل عروض الكويت

مجنوووووونة

وبلاااااش


انا في أحد القروبات السياحية وفيه أخوان لنا من جميع الدول السياحية

عروض تركيا من الكويت غير

أحيانا الشخص ، طيران وسكن لمدة أسبوع بأقل من 1500 ريال !!!







شكرا تحذيرك

وبارك الله فيك