21-11-2017, 11:42 AM
|
#3 |
مراقبة العرب المسافرون
تاريخ التسجيل : Dec 2014 رقم العضوية : 148 الدولة : الشرقيه الجنس : انثى المشاركات : 2,045
| أوسـمـة: عشقي السفر |
كل الاوسمة:1 (more»)
| | 
 |
السلام عليكم ورحمة الله وبركاته
وعليكم السلام ورحمه الله وبركاتو
حياك الله مميزنا بو حسن
اخواني اهل الامارات
عندنا مناسبه عايله في الامارات في عجمان
بالتوفيق
نفكر ناخذ رحلة اسبوع للامارات
للان لم يتم الحجز لان يهمني اشوف الميزانيه بالاول
طبعا الرحلة لشخصين وممكن تصير لاربع بالغين
ان ربي راد
وقت مناسب وجو مناسب
بتكون من 17-23 ديسمبر 2017
تقسيم الايام
من 17-21 في دبي
من 21-23 في عجمان
عجمان عندنا مناسبه فيه
في منتجع سراي كولكشن
اسئلتي
ايش رايكم فيه المنتجع ؟
هل فيه حولين المنتجع مطاعم وخدمات او لا
عشان اقرر احجز اقامة شامله ام لا ؟
كيف العشاء والغداء فيه ممتاز او لا ؟
هل فيه خدمة الصالون النسائي في المنتجع او لا
افكر اخلي الاقامة شامله فيه ولااخرج من الفندق
للاسف ماعندي خلفيه عن المنتجع لكن التقييم عنه مرتفع والاراء جيده لكن بخصوص الصالون ماعندي خلفيه واذا فيه فاعتقد الاسعار راح تكون مرتفعه بسبب كونه بمنتجع انصحك تبحث عن صالون حول المنتجع
اربع ايام دبي
افكر اخذ فندق اقتصادي بسبب ان اغلب وقتنا بيكون برا بما ان الاجواء حلوه بدبي
لقيت فندق
اسمه بريمير ان واحة سيليكون دبي
الفندق جيد جدا وقريب من القريه العالميه والسوق الصيني لكنه بعيد عن مركز دبي وايضا يحكمك تواجد السياره فاذا بتاجر سياره خلك عليه اما اذا بتستخدم التكسي فمن وجهت نظري استاجر سياره و خذ لك فندق بالبرشا
وذلك بسبب
اولا الخدمات كلها حولك اي شي تحتاجه باي وقت تنزل مشي
ثاني القرية العالميه تفتح الساعه 3 ونص يعني عندك وقت حر من الصباح الى هالوقت ومافي اي شي حولك لازم سياره حتى الغدا خياراتك بتكون جدا محدوده
ثالثا السوق الصيني حتى لو قضيت فيه يوم كامل هو يغلق ابوابه الساعه 10 المسا بعدها بترجع الفندق وماحولك شي
رابعا باليوم الحر كل شي بعيد
هذا رايي وبتلقى بالبرشا خيارات كثير اقتصاديه
مين جربه وكيف الفندق ؟
المسافه بينه وبين القرية العالمية 15 دقيقة
والمسافة بينه وبين السوق الصيني 10 دقائق
اذا عندكم اقتراحات اخرى للفنادق اعطوني فنادق مجربه اقتصاديه بدبي
اذا قررت استاجار سياره وتغيير الفندق انا بالخدمه ارشحلك كذا فندق
الاماكن المقصودة للزيارة
القرية العالميه هل يكفيها يوم او يومين ؟
صراحه انا احس انه يوم مايكفيها اذا بتشتري وتتفرج بروقان وتعطي كل قسم وقته وتستمتع بالعروض المسرحيه الحيه يومين ممتاز
وجهت نظري تسكن بالبرشا والصباح تروح سيتي ووك وتدخل القرين بلانت الى وقت القريه العالميه
واليوم الثاني اختارلك احد شواطئ دبي واقضي النهار فيها مثل كايت بيتش او الجي بي ار او مرسا دبي وبعدها الى القرية العالميه
وكم رسوم دخولها ؟
15 درهم للشخص
وهل تستاهل الزيارة او لا ؟
شهادتي فيها مجروحه اعشق القريه العالميه وعيالي بعد اخلي زيارتي لدبي باخر السنه بسببها
السوق الصيني بخصص له يوم واحد لان في شخصين يعزوا عليا طلبوا اغراض وبتكون تخر يوم بدبي قبل لااروح عجمان ؟
السوق الصيني الان في له مبنييان مبنا 1 ومبنى جديد 2 متجاورين طبعا ابدا بالاول برايي هو الافضل والسوق يفتح من10 الصبح الى10 المسا
مطاعم المبنا الثاني افضل من الاول لان هي عالميه ومعروفه اقصد المطاعم السريعه يعني افطر زين لان المبنى الاول بس سناك وعصاير
وبعد السوق الصيني اختار لك مجمع وسترخي فيه وانصحك تتوجه لدبي مول وتدخل من جهة النافوره اقضي السهره هناك حتى تبعد عن زحمة المول
باقي يوم وين تقترحوا اروحه ؟ بنفس المنطقة
ابغي فندق قريب من ذي المكانين ويكون نظيف وافطاره ممتاز ؟
مكان قريب منهم مافي الا مدينه الملاهي المغلقه الIMG ادفانشر
ممكن تخلي هاليوم في شاطئ من الشواطئ وبعدها فيستفال سيتي وبعدين رحله بحريه من جهة الخور لكن نصيحه اختار الرحله اللي تكون من ضمنها مرور على قناة دبي المائيه الجديده راح احط لك خيارات
ثلاث مرات رحت دبي ولا قدرت اروح منطقة الخور وسمعت ان فيها جوله عشاء او شي كذا هل الجولة حلوة وهل العشاء مناسب او لا ؟
ابشر بالخير احط لك الخيارات وتوجد ايضا رحلات بالمارينا لكن خلك على الخور اقرب للفندق
منطقة مول سيتي سنتر دبي كم يبعد عن الفندق اعلاه
تعتبر قر يبه نسبيا لانك بتجيها من شارع سريع بعيد عن زحمة دبي لكن المرديف سيتي سنتر اقرب ثم فيستفال سيتي ثم منطقه السيتي سنتر
وشكرا لكم
العفو اخوي احنا بالخدمه
أرسلت بواسطة iPhone بإستخدام Tapatalk | | رديت فوق وبالنسبه للفنادق اللي تعتبر قريبه من القريه العالميه وسعرها معقول
تم الإرسال من SM-G935F باستخدام Tapatalk
 
التعديل الأخير تم بواسطة عشقي السفر ; 21-11-2017 الساعة 01:05 PM |
|  |
11الاعجاب
العرض الشجري
المواضيع المتشابهه 
