لندن .. غلاها يزاحم أشواقي - الصفحة 3

الايمان · 11-01-2018, 08:16 AM

اقتباس : المشاركة الأصلية كتبت بواسطة فارس من خيال

ماشاء الله امووون من طفولتك تزورين لندن ومانشوف لك تقارير عنها >>>
من العنوان وابيات الشعر في المقدمة يبدو ان لندن غير مع اموون

البداية جميلة ولندن أجمل من عيون الخبيره والمراقبة اموووون

ننتظر زحام الاشواق وغلا لندن

المتابع رقم 5

رقم 5 من الاوائل
حياك الله نورت التقرير

آخـــرفـــرصـــة, فارس من خيال, فارس الجبيل و 3 آخرون معجبون بهذا.

توبليرون · 11-01-2018, 02:13 AM

المقدمه ابداااع اشلون الاجزاء
امووون من الصور تشوقنا للندن
يلا متابعين معاج كل خطوه لسفرتج الممتعه
الصور اتهبل صرتي حرييفه
يلا متابعين لا تطولين علينا

الايمان, آخـــرفـــرصـــة, أبو مهاب و 5 آخرون معجبون بهذا.

الايمان · 11-01-2018, 08:17 AM

اقتباس : المشاركة الأصلية كتبت بواسطة توبليرون

المقدمه ابداااع اشلون الاجزاء
امووون من الصور تشوقنا للندن
يلا متابعين معاج كل خطوه لسفرتج الممتعه
الصور اتهبل صرتي حرييفه
يلا متابعين لا تطولين علينا

والله يا ام حسين انتو اللي شجعتوني اسوي التقرير
ان شاءالله يعجبكم

آخـــرفـــرصـــة, أبو مهاب, فارس من خيال و 4 آخرون معجبون بهذا.

الايمان · 11-01-2018, 09:24 AM

الحمدلله كانت الاجراءات في المطار جدا سهلة

خذينا تاكسي للفندق
الساعه في توقيت لندن 11 صباحا لما وصلنا الفندق قالوا استلام الغرفة الساعه 2 الظهر
حطينا اغراضنا وطلعنا نشتري خطوط تلفون

رحنا كوستا نشرب فلات وايت

اسم الفندق

The Leonard Hotel

سعر الليله (95دينار كويتي )
حجزنا على مدح واحد من الاصدقاء قال لنا ممتاز والاثاث كلاسيكي على الطراز الفكتوري وموقعه خلف الكمبرلاند

رجعنا للفندق واستلمنا الغرفة

هذا اللوبي على الطراز الكلاسيكي

بصراحة انصدمت لما دخلت الغرفة الاثاث قديم ولونه غامق حسيت بالكابة دقيت عليهم قلت لهم بغير الغرفة قالولي في غرفة لونها احمر غامق متوفره قلت خلاص خلوني على الكحلي
استسلمنا للامر الواقع وقلنا كلها يومين ومسافرين

أبو مهاب, فارس من خيال, آخـــرفـــرصـــة و 14 آخرون معجبون بهذا.

الايمان · 11-01-2018, 09:37 AM

بعد ما حطينا الاغراض وصلينا رحنا الاجورد رود نتغداطبعا لازم شاورما رنوش

بعد الشاورما اللذيذ رحنا للاكسفورد

في كشك يبيع عصاير فريش روعه

ودايما اختار عصير english rose

انتهى يومنا الاول في لندن

أبو مهاب, فارس من خيال, آخـــرفـــرصـــة و 17 آخرون معجبون بهذا.

الايمان · 11-01-2018, 08:55 AM

صباح / مساء يوم السفر
السبب الرئيسي للسفرة هو الراحة والاستجمام بسبب كثرة انشغالنا انا وزوجي في الدوامات والاعمال الخارجية حبينا ناخذ اجازة قصيرة ونسافر طبعا لفينا العالم واحنا قاعدين بالكويت

واقترحت عليه نروح لندن في البداية رفض لكني اقنعته نروح ويندرمير ( منطقة البحيرات ) lake distric
رحت لهذه المنطقة عام 2003مرينا عليها فقط ماسكننا فيها
وكان اقتراحي نأجر سيارة ونسكن فيها الحمدلله وافق على طول

طبعا بديت البحث مو في قوقل سالت ام حسين وابرار ومنال لانهم زاروها بالصيف وعندهم فكرة عنها
ترتيب الرحلة
المدة أسبوع من 2017/10/12 الى 2017/10/19.
على طيران الكويتيه التذاكر على درجة رجال الاعمال (busniness)
سعر التذكرة الوحده (590دينار كويتي)
حياكم الله برحلتي الى عاصمة كل شي جميل

موعد اقلاع الطيارة الساعه 6 الصبح

المطار فاضي

الشيك ان الخاص لركاب الدرجة الاولى ورجال الاعمال

بعدها رحنا لقاعه دسمان ننطر الاقلاع

بعض الصور عن القاعة

غرفة مخصصه للاطفال

البوفيه

ركن الاجهزة الالكترونية

اعلنوا عن طيارتنا

الاقلاع

اختار فيلم

المنيو

هذا الحلو مع الكابتشينو

بدت ملامح معشوقتي تبين

آخـــرفـــرصـــة, أبو مهاب, فارس من خيال و 15 آخرون معجبون بهذا.

آخـــرفـــرصـــة · 11-01-2018, 09:31 AM

سمعت أن الخطوط الكويتية بدأت تتغير للافضل مؤخرا
اخر مرة جربتها في عام 2010
ويندرمير وجهة جميلة و رايقة
بانتظار وين سكنتوا و كيف كان انطباعك عنها

ما يقصرون السفيرات دايم

أبو مهاب, فارس من خيال, الايمان و 5 آخرون معجبون بهذا.

الايمان · 11-01-2018, 12:25 PM

اقتباس : المشاركة الأصلية كتبت بواسطة آخـــرفـــرصـــة

سمعت أن الخطوط الكويتية بدأت تتغير للافضل مؤخرا
اخر مرة جربتها في عام 2010
ويندرمير وجهة جميلة و رايقة
بانتظار وين سكنتوا و كيف كان انطباعك عنها

ما يقصرون السفيرات دايم

الخطوط الكويتيه باعت كل طياراتها القديمة وشرت اسطول جديد
والخدمة ولا اروع من جميع الجهات طاقم المضيفين وتقديم الاكل على الطيارة ان شاءالله يستمرون على هذا المستوى
ويندرمير رائعه ولهذا السبب كنت ادور على تقريرك قبل سفرتي لكن للاسف ماحصلته
السفيرات ماقصروا معاي بالمعلومات لكن عطوني معلومة غلط وهقوني فيها
راح اذكرها اذا وصلت ويندرمير ان شاءالله

فارس الجبيل, أبو مهاب, توبليرون و 5 آخرون معجبون بهذا.

أبو مهاب · 11-01-2018, 09:52 AM

صباح النشاط أموووون

ما شاء الله باين تقرير دسم

شاورما مروش قصدك مو رنوش

مطعم مروش اللبناني الي عالزاوية صح

اليوم الأول (قهوة وكروسان وحلى وشاورما وعصير) عليكم بالعافية

فارس من خيال, آخـــرفـــرصـــة, الايمان و 5 آخرون معجبون بهذا.

الايمان · 11-01-2018, 12:29 PM

اقتباس : المشاركة الأصلية كتبت بواسطة أبو مهاب

صباح النشاط أموووون

ما شاء الله باين تقرير دسم

شاورما مروش قصدك مو رنوش

مطعم مروش اللبناني الي عالزاوية صح

اليوم الأول (قهوة وكروسان وحلى وشاورما وعصير) عليكم بالعافية

هلاوالله ابو مهاب
صباح الورد اليوم الشغل خفيف بالدوام قلت استغل الوقت وانزل التقرير
المطعم اسمه رنوش وحاطه صورته محل صغير جدا
مروش يكون على الزاويه وكبير وايد
مشتاقتين للقهوه والكرواسان اللندني

Sent from my SM-G925F using Tapatalk

فارس الجبيل, أبو مهاب, توبليرون و 6 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضعت في اول يوم في لندن ؟	استبرق	بوابة بريطانيا	9	12-07-2018 08:47 AM
الافضل البقاء في لندن او لندن + مانشستر	q8ok	اوروبا	5	05-03-2016 01:54 AM
استفسار بسيط بخصوص المصروف اليومي في لندن .. الى خبراء لندن !!	omar1987	اوروبا	7	05-10-2015 09:28 PM