ابو كيان كلمة منحرج منك تكفى لا اسمعها مره ثانية و اسأل عن كل شي تبغاه واذا افتكرت شي كنت ناسيه او استجد شي بعد اسأل عنه اهم شي لا تسافر من المدينة الا و انت مرتب جدلك كامل

نرجع لموضوعنا


بس للتوضيح فقط يابو كيان


بالي ارخص من بونشاك بكثير و ما فيه مقارنه اذا قارنت الفنادق اللي جزيرة بالي بنفس مستوى الفنادق الموجودة في بونشاك

نجي نحسب لك تكلفة بالي بالنسبة لك

عندك ثلاث فنادق مقترحه

الفندق الاول اسمه بنتانج كوتا سعره مع الافطار 135 ريال لليوم ( انا دائماً اسكن فيه بعائلتي)

الفندق الثاني اسمه ايدين كوتا بدون فطور 85 ريال ومع افطار 108 ريال لليوم

الفندق الاخر منتجع على البحر اسمه دسكفري كارتيكا سعره 271 ريال مع افطار

انا اعرف ان اول سؤال تفكر فيه هل هي نظيفه وهل هي امنه انا اقولك نظيفه جداً وامنه جداً واحترام وتعامل راقي تصنيفهم 4 نجوم اما دسكفري فهو 5 نجوم

تكلفة الطيران

من جاكرتا الى بالي التكلفة للشخصين تبدا 289 ريال ذهاب فقط ويرتفع على حسب اختيار التوقيت

من بالي الى باندونج التكلفة للشخصين تبدا من 298 ريال ويرتفع السعر على حسب اختيار التوقيت

من باندونج الى بونشاك سيارة تكلف حوالي 200 ريال

بس حبيت اوضح لك يابو كيان والا الجدول والرحلة القرار الاول والاخر لك احنا نساعدك في الترتيب والتوضيح فقط الاعتماد يبقى عندك طال عمرك


نرجع للجدول مره اخرى

بونشاك و بوقور جنب بعض من بونشاك الى بوقور 30 دقيقه بس يعني تقدر تسكن بونشاك وتروح بوقور وترجع لذلك انا اشوف انك ما غيرت كنك ساكن في منطقة وحدة وغيرت الفندق فقط لذا اقترح عليك اذا استبعدت بالي تقسم جدولك كذا

5 ايام بونشاك

4 ايام باندونج

1 يوم جاكرتا


او

1 يوم جاكرتا

5 ايام بونشاك

3 ايام باندونج

1 يوم جاكرتا

انا افضل الجدول الاول لكن وصولك يوم السبت وهذا يوافق اجازة نهاية الاسبوع كذلك الاحد اجازه المشكلة في هذا الموضوع ان الطريق الى بونشاك في نهاية الاسبوع مزدحم مره ما انصحك تروح ربما تقضي اغلب اليوم وانت تتنظر في السيارة لذك اقترحت الجدول الثاني وفيه حل اخر هو انك تذهب الى باندونق تريح يوم الوصول في جاكرتا و في الصباح تذهب الى باندونق بالقطار حتى لا تقع في الزحام وكذا يصير الجدول بهذه الطريقة


4 ايام باندونج

5 ايام بونشاك

1 يوم جاكرتا


في انتظارك