اليوم الخامس 21/12/2014


اليوم كان مفتوووح لانه اخر يوم لنا في ديزني ومن باجر بنروح باريس

فقررنا نشتري كل اللي نبيه نلعب ونسكر جناطنا



اول شي رحنا البارك










تذكرت مكان ما رحناله


اللي اهو





هذا القسم اللي محددته


وكان فاضي مافي زحمه






بيت الاشباح



بعد ما لعبنا طلعنا نشتري بعض الاشياء




بس دشينا وصورنا وطلعنا






وبعد جم ساعه ولمن صار وقت الغدا اخترنا هالمطعم احب الباستا عنده .. صاير مقابل سموول وورلد



الدووور مو طبيعي زحممممه ..لانه كان وقت الغدا والادهى والامر ممنوع حجز طاوله تنطر طلبك يخلص بعدين تقعد على طاوله




وقفنا بالدور اكثر من ساعه علشان بيتزا وباستا


اهم عندهم اسلوب غريب وغبي بالطلب .. شفته باكثر من مطعم حتى في ماكدونالدز .. تطلب وتنطر طلبلك يخلص وبعدين اللي وراك يطلب وهالشي يعطل الدور .. وياخذ وقت

المفروض يسوون مكان للطلب ومكان للاستلام


المهم طولنا والاطفال نامو


وبعدين وصل دورنا











خلصنا الحمدلله

قلنا نروح الاستديو ..














رحنا لعبه مظله الجنود الدور ما يقارب الساعه .. واللعبه 30 ثانيه وتخلص



بس عشان الشباب يستانسووون






مشكلتهم وااايد بطيئين بادخال الناس وترتيبهم وااايد يسبب زحمه زياده


..

طلعنا نبي نرد الفندق لانه لاااازم ارتب الجنط


هذا المحل فيييه كل المنتجات اللي داخل تقريبا .. اللي ما لحق يشتري يشتري من هني

وفيه تاكس فري تقدر تاخذه من هني بعد




طبعا كل واحد منا يضيع بعالم بروووحه داخل المحل ونتلاقى عند الكاشيير










كان قريب المغرب نطرنا الصلاه صلينا


والحين الخطه شنو ؟؟؟


احنا بنروح باريس ومن باريس لامستردام بالقطار ولنا عوده ديزني اخر الرحله

فما ابي اشيل جنط كثيره مالها داعي لانه تنقلنا بالقطار


حطيت الاغراض اليديده كلها بالجنط صارو 3 جنط تقريبا وسحبناهم من دريم كاسل لي ماجك سيركس .. يم بعض مو بعاد


وحطيتهم بالمخزن مال ماجيك سيركس على اساس انه اخر بعد اسبوع تقريبا رادين لهم







عطونا مفتاح المخزن وحطينا جناطنا






الحين بس صار معانا جنطتين كبار ووحده صغيره نوديهم معانا باريس وامستردام بس فيهم ملابسنا اللي بنلبسهم ونقطهم ما نبيهم




ومن ماجيك سيركس استقلينا الباص ورحنا البارك مره ثانيه


والى ...






صار ادماااااان مو طبيعي









وبعدها الى راتاتولي .. الوقت كان متاخر بيسكرون بعد ساعه تقريبا ومافي فاست باس بس فيه دووور ..




من اول يوم وصلنا وولدي الكبير يبي يركب هذي اللعبه بس وااايد دور ماعندنا وقت وغير جذي ولدي الصغير مايدخلونه ..

طبعا عندهم دوور اقل للسنقل رايد بس هم مايدخلونه بروحه لانه قالولي صغير على انه يدخل بروحه




ان شالله هالسنه اذا رحت تكون زحمتهم اقل ويركب


خلصنا خلاص ...

رحنا الفليج نتعشى ونحلي



















وصلنا للاخر وتعشينا في مطعم الساندويشات اللي ذكرته من قبل





وانتهى يومنا



ومن باجر بنروح باريس

تقرير رائع واجواء حماسية

ماشاء الله عليكم هذا هو اللعب اللي بجد من اول ماتفتح

كل عام وانت بخير الله يخليكم لبعض

شكرا لك
الحين لما حطيت الشناط هل كان في خزن ام مستودع مفتوح كل واحد يحط شناطه ويمشي

راتاتولي زحمتها غير طبيعية الساعه ١١ يخلص الفاست باس لليوم كامل

ناطرين جزء باريس

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

بانتظار جزء باريس

اختي الغاليه

تقرير شتوي رهيب واجواء رائعه

تفاصيل ممتعه ومفيده

تقريرك حبيته كثير وخاصه انه بالشتاء اللى انا احب السفر فيه وخاصه بهالوقت

اليوم السادس 22/12/2014



اليوم موعدنا نروح باريس .. مده الاقامه بباريس يوم ونص بس

كنا حاجزين من النت سياره تاخذنا من دريم كاسل الى فندق كاليفورنيا في الشانز ... الساعه 10

لكن ..


نطرنا ونطرنا ونطرنا وما وصلت السياره

واحد من الرسيبشن اتصل عالشركه وتفاهم معاهم قالوله ان السياره بالطريق
ونطرنا لي 11 وماوصلت

كلمهم مره ثانيه قالوله ان السياره كانت عندها توصيله من المطار لي ديزني والمفروض انه هذي السياره نفسها تاخذنا من ديزني لي الشانز بس السايق تعطل بالمطار وعلشان جذي للحين ما وصل لنا وكاهو يايلكم بالدرب

جان نقولهم لا خلاص مانبي ناخذ سياره من الفندق ملينا واحنا ننطر

وكنسلنا منهم


جهزولنا سياره الفندق وانطلقنا الى باريس الحب









بالطريق

الجو جمييل والخضره ترد الروووح























حتى بانت معالم الشانز ...



















محد معطي قدر حق هالماركه غيري






























يا حب يا حب










حتى وصلنا الفندق ...


الفندق بشارع داخلي متفرع من الشانز وقريب من محطه جورج 5



اللوبي

صغير وشكله شقق


كل الغرف تطل هني






جوله على مانخلص من الجيك ان




الفندق اغلب سكانه عرب واللي يشتغلون عرب


المهم شنو صار


احنا كنا حاجزين عن طريق مكتب بالكويت

يقول الموظف انه بالحجز مو ذاكرين انه معاكم طفلين والغرفه مايصير تاخذونها لازم تدفعون 250 علشان نعطيكم الغرفه الاكبر


تناقش معاهم زوجي انه هذي غلطت الوكيل مو غلطتنا لانه قايلين لهم معانا طفلين وانه مانبي سرير اضافي ولا ريوق

اصررر الموظف انه ندفع ودفعنا



كان موظف الاستقبال عربي

حاول يكرمنا وقالنا روحو البار اخذو قهوه او مشروب بارد ببلاش


دخلنا البار ولا اللي يشتغل عربي بعد






انا مستغربه شلون يسقي الخمر عربي مسلم ؟؟

المهم اخذنا قهوه وصعدنا الغرفه



يعني دفعنا زياده بس هم الغرفه صغيره


اول شي ممر





غرفه النوم












الحمام (يكرم القارئ)




المفاجأه السعيده

الحمام فيه شطااااف




حطينا اغراضنا .. صلينا .. و انطلقنا ......




الى الشانز






اول شي رحنا monoprix


نشتري بعض الخفايف






تمشينا لين وصلنا لي الاكشاك اللي تقام فتره الكريسماس .. فيها بعض الاكل .. الاكسسوارات .. الملابس










طلبنا بطاط ... غدانا ..






شوي بدت تظلم الدنيا .. وانا ابي اوصل لي شارع سانت هونور .. ابي محل هناك ولاااازم اشتري منه





الاطفال شافو هذا وقالو نبي نركب .. شايفينه في فلم السنافر 2 ...






بس الطوابيرر طوييييله وانا لازم اوصل المحل قبل لا يسكر



اقتنعو انه دور طويل وماكو وقت ورضووو






برج ايفيل






وقفنا نصور .. ولا هذا اللي يجي ويوقف معانا يصور .. حتى ولدي الصغير لاف ويهه بالصوره مستغرب من اللي وقف معانا








ويبي يورو بعد ... من قالك تعال





ولازم نصور مع السيارات









واخيييرا وصلنا سانت هونور ... منطقه الماركات




والحمدلله وصلنا قبل تسكيره المحل بربع ساعه ... ما اخترت على راحتي بس المهم شريت






رجعنا الشانز


تمشينا


ايس سكيتنق











اخذنا عشى خفيف من بول كافيه ورجعنا الفندق


زوج راح الرسبشن وكان في واحد فرنسي سأله اذا مكتب السفريات كلموهم لانه زوجي كلمهم بخصوص الغرفه

لكنه اتضح مايدري شي عن الموضوع .. طق بالكمبيوتر .. جان يقول انه مافي شي ذاكرينه عن المبلغ اللي دفعتوه او تغيير الغرفه


الظاهر ومابي احط بذمتي ... باقووونا


ولد الحلال رد لنا فلوسنا 250 يورو


وبس



من شباك الغرفه

ماشاااااء الله
متابعين

باريس ما تحلى إلا بالشتا

شنو اسم الفندق اللي سكنتوا فيه في باريس ؟