اهلا وسهلا فيك اخي العزيز ان شاءالله تكون سفره حلوه ومميزه
وترجع باالسلامه ان شاءالله بخصوص اسطنبول اسكن في سركجي
افضل لك وأمن للعائله مكان مريح وجميع الخدمات بجوراك وخذلك
يومين في بورصه ويوم اجعله زياره لمنطقه سبنجه لأنها بعيده وتاخذ
تقريبا نصف يوم فيها تستطيع حجزها عن طريق الفندق او الباصات الخارجيه
والصرف عادي ماتفرق وان فرقت ماتجي 50 او 100 ريال يعني ماتستاهل التعب
اول يوم الوصول راح تكون متعب من السفر ارتاح فيه في الفندق وان تبغا تتمشا
بجوار الفندق يغنيك عن كل شي من مطاعم او اسواق او بحر خاصه في فندق
يورو ستار وتقدر تجرب الترين او القطار بجوار الفندق تذهب الي مسجد السلطان احمد
بعده روح ع بورصه وخذلك يومين والباقي خليه في اسطنبول وان في يوم فاضي احجز
ع مدينه سبانجه من الصباح الي المغرب ولو تاخذ سياره خاصه نصف يوم افضل واريح لك
وللعائله واحذر من التكاسي لا تطلب عداد في اي مشوار حاول تعرف قيمه المشوار
وكاسر معاه وقبل تسلم الفلوس انتبه تاكد كم اعطيته وان حصل لك شي صور التاكسي بجوال
وان شاءالله اني افدتك واي خدمه انا تحت امرك في اي شي