مساعده ياخبراء تركيا

ابو زياد2013 · 09-05-2018, 11:59 AM

السلام عليكم ورحمة الله وبركاته

اخواني واخواتي خبراء تركيا ودي بمشورتكم ورئيكم بجدولي الغير مرتب

السفر حيكون من القصيم للكويت بتاريخ 20/6/2018 برا والسكن باحد الفنادق القريبه للمطار ياليت ترشحولي فندق حلو ويسمح لوقوف السياره لحد ما ارجع

في تاريخ 21/6/2018 السفر من الكويت لاسطنبول مطار صبيحه الدولي وحيكون الوصول بمشيئة الله 8.15 صباحا

وتم حجز من الخطوط التركية من مطار صبيحه لانطاليا والاقلاع من اسطنبول 9.35 صباحا هل الوقت كافي بين الرحلتين

تم حجز يومين في فندق THA LAND OF LEGENDS ارض الاساطير لمدة يوين وفندق ديلفين بلاس ليومين
هل المسافة طويلة بين الفندقين
وودي اعرف ايش المناطق اللي تستاهل الزيارة في اطاليا
وارغب باستأجار سياره لاني ناوي 25/6 نطلع لاسطنبول بالسياره وش رايكم ماهي المناطق اللي تحتاج الوقوف فيها محتار بالحجز في بورصة كم يوم تحتاج وازمير لانها على الطريق وايش الفنادق الحلوة هناك وهل احتاج حجزها من اقودا او اذا وصلنا حجزن
وهل فيه مدن تحتاج الوقوف فيها يوم يومين

وبعدها ابكمل لاسطنبول والى الآن ماحجزت ايش الفنادق الحلوة هناك وايش الاماكن السياحية اللي تستاهل الزيارة

مع العلم ان وقت اقلاعي من اسطنبول للكويت في 3/7/2018 والوقت 11 بالليل هل فيه اماكن حول مطار صبيحه نضيع وقتنا قبل الاقلاع

وش رايكم بالجدول والوقت

محب الطبيعة · 09-05-2018, 01:36 PM

اولا رحلة موفقة وترجع بالسلامة باذن الله
ثانيا الوقت بين الرحلتين جدا قريب ما اظن يمديك
نصيحة غير الوقت وافضل شئ يكون من 3 الى 4 ساعات بين الرحلتين
وبالتوفيق

Abu Muataz و عشقي السفر معجبون بهذا.

ماجد القطري · 09-05-2018, 02:53 PM

السلام عليكم ورحمة الله وبركاته

وعليكم السلام و رحمة الله و بركاته

تاريخ 21/6/2018 السفر من الكويت لاسطنبول مطار صبيحه الدولي وحيكون الوصول بمشيئة الله 8.15 صباحا

وتم حجز من الخطوط التركية من مطار صبيحه لانطاليا والاقلاع من اسطنبول 9.35 صباحا هل الوقت كافي بين الرحلتين

الوقت جدا حرج لو اي تاخير في الطيارة خلاص انتهى وبما ان الطيران مختلف يعني بتاخذ الشنط من السير وعلى طول تدور على الطيران الداخلي و البوابه اي تاخير انتهى الموضوع وتكون في قلق دائم لو فيه رحلات ابعد شوي افضل

المشكله انك ما تترك مجال لوضع اقتراحات لانك تكتب حجزت و عملت فلا مجال نذكر لك لو عمل كذا و كذا لان الفندقين في نفس المنطقة ويبعدون عن بعضهم ربع ساعة تقريبا

وودي اعرف ايش المناطق اللي تستاهل الزيارة في اطاليا

فيها مناطق كثيره وتحتاج بحث مثل السواحل و الانهار و الشلالات ومغامرات الرافتنج وتلفريك

وارغب باستأجار سياره لاني ناوي 25/6 نطلع لاسطنبول بالسياره وش رايكم ماهي المناطق اللي تحتاج الوقوف فيها محتار بالحجز في بورصة كم يوم تحتاج

المسافة بين انطاليا و اسطنبول كبيرة ممكن تاخذها على عدة مدن و الطريق سالك و مريح جدا ومناظر خلابه ولكن ضع في الاعتبار المسافة كبيره في حدود 900 على ما اظن
يوم و اليوم التالي انت في بورصة

وازمير لانها على الطريق وايش الفنادق الحلوة هناك وهل احتاج حجزها من اقودا او اذا وصلنا حجزن

وهل فيه مدن تحتاج الوقوف فيها يوم يومين

مدن تركيا كلها حلوه وممتعه ومتنوعه

اسطنبول ماعندي خبره عنها للاسف

ابو زياد2013 · 09-05-2018, 04:39 PM

شكرا على التفاعل السريع لكن اعتمدة على كلام بعض الاخوان هنا
اللي يقول ختم الجوازات واستلام الامتعه ماياخذ وقت طويل

Abu Muataz · 09-05-2018, 05:10 PM

اقتباس : المشاركة الأصلية كتبت بواسطة ابو زياد2013

شكرا على التفاعل السريع لكن اعتمدة على كلام بعض الاخوان هنا
اللي يقول ختم الجوازات واستلام الامتعه ماياخذ وقت طويل

السلام عليكم و رحمة الله و بركاته ...
معليش أخوي أبو زياد في مطارات تركيا ..أو اي من المطارات الدولية لا تعتمد على كلام يقولون
لأته في أغلب الأحيان يكون زحام و خصوصاً أنك رايح في الصيف موسم أجازة ....

و بالنسبة للجدول من وجهة نظري الشخصية .. بصراحة الجدول مضغوط جداً و فيه تنقلات كثيرة
و على سبيل المثال .. تغيير الفنادق في الفترات القصيرة مزعج لأنه ما عند الأ 4 أيام و بتغير فندقين !!

على العموم أتمنى لك برحلة سعيدة ...

عشقي السفر · 09-05-2018, 10:55 PM

اقتباس : المشاركة الأصلية كتبت بواسطة ابو زياد2013

شكرا على التفاعل السريع لكن اعتمدة على كلام بعض الاخوان هنا
اللي يقول ختم الجوازات واستلام الامتعه ماياخذ وقت طويل

الخوان هنا ماقصرو

وانا حسب متابعتي للبوابه مافي مره احد من الاحوان نصح بان يكون الفرق بين الرحلتين اقل من ثلاث ساعات نعم الامور في الجوازات سلسه ولكن بدون رحلة مواصله لان فيها شيل العفش والانتقال لبوابة الرحله الداخليه وهذا ياخذ وقت لو كان الرحله المواصله حاجزه مباشره يعني مايحتاج تستلم الشنط يعني حجزك من الكويت الى انطاليا واسطنبول ترنزيت من البدايه ممكن نقول يمدي اذا نت لحالك من غير اطفال لكن حجزين مختلفين واستلم شنط وانتقل وسلم شنط ما يكفي

اولا انطاليا في وقت الصيف تكوون حاره ويفظل سكنها في اسهر غير الصيف

وثانيا مثل ماقالو الاخوان اربع ايام ماتسوى تنتقل ببن فندقين زنفس المنطقه يعني ماراح يتغير كثير

الجدول برايي متعب شوي حتى اذا كنتو شباب هي من البدايه لو تسنلم السياره من مطار اسطنبول وتتنقل بين ارياف الى ان تصل الى انطاليا وترجع اسطنبول بالسياره طبعا كرحلة استكشاف شبابيه وجهة نظر

تم الإرسال من SM-G935F باستخدام Tapatalk

Abu Muatazمعجبون بهذا.

ابو زياد2013 · 10-05-2018, 08:26 AM

الف شكر لتفاعلكم
خفت صراحه بعد ماقريت ردودكم وقدرت ولله الحمد تغيير الرحله من اسطنبول لانطاليا

كانت الرحلة القديمه 9.35 غيرتها الى 11.30 والوصول 12.45 لانطاليا وكلفتني تقريبا 115 ريال قيمة التغيير

لكن الرجعه من انطاليا لاسطنبول بالسياره ايش المناطق اللي تستاهل الجلوس فيها يوم يومين لان اللي يبقى من بعد مانطلع من انطاليا 8 ايام واسطنبول اتوقع 3 او 4 ايام تكفي وش رايكم مع العلم الرحله انا وزوجتي واولادي 3 منهم رضيع

بوصلووح · 10-05-2018, 08:39 AM

تقدر من انطاليا تمر على مدينة افيون ثم اسكيشهير ثم بورصة ثم اسطنبول
و كلها مدن جميلة تستحق الاستكشاف

او من انطاليا تمر على باموكالي وجبل القطن ثم الى ازمير و ماجاورها ثم إلى بورصة ثم اسطنبول

Abu Muatazمعجبون بهذا.

Abu Muataz · 10-05-2018, 08:57 AM

اقتباس : المشاركة الأصلية كتبت بواسطة ابو زياد2013

الف شكر لتفاعلكم
خفت صراحه بعد ماقريت ردودكم وقدرت ولله الحمد تغيير الرحله من اسطنبول لانطاليا

كانت الرحلة القديمه 9.35 غيرتها الى 11.30 والوصول 12.45 لانطاليا وكلفتني تقريبا 115 ريال قيمة التغيير

لكن الرجعه من انطاليا لاسطنبول بالسياره ايش المناطق اللي تستاهل الجلوس فيها يوم يومين لان اللي يبقى من بعد مانطلع من انطاليا 8 ايام واسطنبول اتوقع 3 او 4 ايام تكفي وش رايكم مع العلم الرحله انا وزوجتي واولادي 3 منهم رضيع

السلام عليكم و رحمة الله و بركاته ...
أحسن شئ سويته أخوي أبو زياد أنك عدلت موعد رحلة المواصلة علشان يكون عندك وقت كافي لأنتقال ما بين صالة القدوم الدولي و المغادرة الداخلية .... ..
بالنسبة لأماكن التوقف ما بين أنطاليا وأسطنبول .. أن شاء الله يفيدونك الأخوان المجربين .. و أنت حاول تبحث في النت عن أماكن التوقف على الطريق بين أنطاليا و أسطنبول ... و حط في بالك أنك قبل توصل أسطنبول لازم تتوقف في بورصة ..المنطقة جميلة ما تتفوت ...

بالتوفيق ...

الفراهيديمعجبون بهذا.

ماجد القطري · 10-05-2018, 10:57 AM

الحمد لله غيرت الحجز و هذا الشي ممتاز جدا

من انطاليا تطلع اكسي شهر

Eskişehir

خمس ساعات

ثم بورصة
وتتفرج فيها الجبل و المدينة و غيرها

من الممكن بعدها تطلع على سابانجا تجلس فيها يوم او بحسب ما تريد
ويبقى طريق بسيط الى اسطنبول

Abu Muatazمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعده يا خبراء تركيا	ابو زياد2013	تركيا	5	07-05-2018 09:02 AM
محتاج مساعده لشهر عسل في فرنسا 🇫🇷 فزعتكم ياخبراء فرنسا 🇫🇷	MrSaleh	بوابة فرنسا	10	07-12-2017 12:21 AM
النجددددددده هيلب مي ياخبراء تركيا	سما الحكمي	تركيا	8	17-05-2017 08:01 PM
مساعده للتخطيط 16 يوم بشمال تركيا	noura911	تركيا	3	21-08-2016 09:45 AM
ممكن مساعده ياخبراء ماليزيا قبل السفر	مسافر121	ماليزيا	15	02-09-2015 03:17 PM