ممكن. تساعدوني. يااااساتذتي. الكرام.

أبولجيـن فهد · 30-05-2018, 01:27 AM

اقتباس : المشاركة الأصلية كتبت بواسطة عشقي السفر

انا لا ضد ان اسافر لبلد دون حجز الفنادق خصوصا لما تكون عيله ومعك اطفال ورضيع او لا تحدد جدولك للرحله وايضا في موسم الصيف الذي يعتبر موسم الذروه في السفر

اعتبره ضرب من الجنون مع حترامي الكبير لك

تم الإرسال من SM-G935F باستخدام Tapatalk

لاجدل يامشرفتنا واختنا العزيزة ولكنها سوالف بين الاصدقاء

انا قلت نصا :

الخلاصه خططي واحجزي اول ماتنزلي ليلتين بكوالامبور وهناك خططي لرحلتك

لم اقل انزلي بعشوائيه
(واعلم ان مااحد راح يسمعني من اخواني الخلايجه )

فنحن مالنا الا درب من سبقونا هههههه

سيدتي هناك دائما امور وسط .. لاتهمل نفسك وتطب انت وبزرانك بدون حجوزاتك
وايضا لاتسبت نفسك وتحشر جدولك كأنك رايح للحج (منى عرفه مزدلفه الخ )

(الله يشرف مكه ) ههههههههه

وودي اقول حاجه جميله بس لاتهاوشوني

والله ان نظامنا يالخلايجه فيه بيوت ناس مفتوحه على الله ثم عليه

حنا بالعربي حقين صرف فلوس وفلوس وفلوس بالهبل

(وهذا الامر ليس ذكاء ابدا )

وين مارحنا لدوله حركنا السواقين والمرشدين ونجدع قروشنا بشكل غريب

لاتقولي اني غلطان انا لي سنين بالسفر ووسط الاصدقاء والزملاء والناس

في الدول العربيه نحن المخلوقات الوحيده اللي تعطي الخدامه فلوس تدبر امورنا
وفي الدول العربيه (الخليجي ) هو الكائن الفقري الوحيد في العالم اللي يدبره (سواق تكسي) تقل ماله عيون ولا يعرف يتصرف

وقصص النصب والاستغلال على قفا من يشييل ..
للعلم مافيه سائح (كافر اوربي) يكتب ( خدعني راعي تكس بمراكش)

ونعود لشرق اسيا

يمرني عشرات من الزملاء والاصدقاء موجهين لماليزيا واندونيسيا يسألون عن

(مترجمين ) وكأنه رايح بيناقش معهم الاوضاع السياسيه في القرن الافريقي

بماليزيا يودونهم حدائق مافيها الا الخنافس السوداء
ويسمونها سياحه

(بس لان الخلايجي مايعرف يغير .. )

نفس نظام صديقه كوالا بيننانج حديقه زهور فراوله و و و )

ولانقول اننا اذكياء الربع حقين شركات السياحه شغالين باكيجات

والباكيجات ماعامرها الا حنا يالخلايجه .. يصمم بك برنامج ببوكنج
ويسوي حجز باير ايشيا ويرتبها بـ 4000 وياخذ منك 6000 وتشكره

على الرحله السعيده

::::
يمرني شباب معه جوال بخمس الاف يحجز له مصري بالمكتب اقوله

طيب يااخي قبل تدفع شيك بقوقل ماب موقع فندقك يمكن انه جادعك بعيد
يقول يارجال ضبطني ودفعت له امس (مافيه طب)

وبعدها بثللاث اسابيع يجي يشتم ويلعن وان الفندق كان مقلب

او وسط حاره او بطرف الديره يروح بـ 20 ويجي له بـ 20

مافينا طب ابد ياعمه .. لكن انتم صح

:::::::::::
انسوا كلامي والله اني ماقلته الا لأبين موقفي واشرح لسموك انا ليش
اقول ان الشخص اذا جلس بعاصمه اي دوله ليلتين وريح يقدر بجلسه

قوقل عشرين دقيقه يخطط الـ خمس الايام القادمه وين بيروح وكيف يروح

وطبعا مع قراءاته السابقه عن البلد بيكون مكون فكره عامه ..
لكن رزق الناس من بعضها

احترامي وتقديري لكم

اخوكم ابولجين فهد ذات منتصف ليلة اربعاء جميله

آخـــرفـــرصـــة, عشقي السفر و Abu Muataz معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممكن تساعدوني في البحث عن شقه	ام احمداني	بوابة امريكا	4	02-05-2018 10:09 AM
انا الان في لوزيرن ممكن تساعدوني	مسافره والجو غيم	بوابة سويسرا	1	02-07-2017 01:13 AM
ممكن تساعدوني بطريقة الدفع	moona	بوابة بريطانيا	2	20-08-2016 02:01 PM
ممكن تساعدوني؟ (فيزا استراليا )	noor-muscat	فيزا دول اخرى	3	23-01-2016 03:21 PM
ممكن تساعدوني	ام لافندر	بوابة اندونيسيا	2	01-01-2016 08:56 PM