وعليكم السلام ورحمة الله وبركاته والشهر مبارك عليم جميعا والله يتقبل طاعتكم ,,,
بتكلم عن اللي يسافر مع عائلته (مثل وضعي ) فالسفر يتاح غالبا وقت الاجازات المدرسية وهي تكون مدة محددة وبما اننا طالعين نريح وننبسط فهامش انك تغامر بأجازتك وفلوسك احسها مغامره فاشلة ( يمكن تصير خسارة وقت وفلوس ) فأفضل اروح لجهة معروفة وانبسط فيها ومايمنع اني استكشف المنطقة المحيطة بنفسي بس يبقى اكيد عندي اماكن حلوه ... بس اني اغامر بسفرة عشان ممكن تطلع زينه وممكن لا ( احسه تصرف مو منطقي بالنسبة لي ) ... وبالنهاية المكان اللي راحوا له الناس قبلي واعجبني يظل مكان ووجهة جديده لي .. اللي انا اوافق عليه هو اني مااكرر المكان بدون هدف معين والا اذا التكرار له مبرر فما فيه مانع ...الهدف الاساسي من السفر عند كثيرين هو ( المتعه والراحه ) وعدم التخطيط الجيد للسفر كثير ماتكون عواقبه وخيمه ويضيع الوقت ماتدري وين تروح ويفوت على المسافر اماكن حلوه يمكن تكون في متناول يده بس ماكان يدري عنها ... وحتى الحجز المبكر والغير مسترد للفنادق احس فيه نسبة ذكاء وحسن تصرف وادارة ماليه جيده ... وش المشكلة اذا حجزت بدري في وقت الرخص واخذت لي اماكن سكن جيده بسعر منافس وحددت ايام بقائي في المدن اللي بروح لها ... افضل من اني اكون زبون كاونتر !! وماادري وين بروح ... ادارة الوقت والميزانية موضوع مهم في نجاح السفر وعدمه خاصة للأسر وخاصة بعض الاماكن تحتاج حجز من بدري لكثرة الحجوزات عليها وعدم توفرها اذا تأخرت في الحجز للفترة اللي تبيها ...

الموضوع جدا حلو ومثير للأهتمام ومعرفة اراء الناس وخبراء السفر ... فشكرا لك عليه