لاصحاب الخبره والذوق : كيف اوزع 15 يوم على بوكيت و بوركاي وبالي وبونشاك ؟

سيف ابو كيان · 01-06-2018, 03:57 PM

السلام عليكم ورحمة الله وبركاته
اللهم صلي وسلم وبارك على نبينا محمد

للامانه الى قبل يومين كان سفرتي انا وام العيال الى اندونيسياء
وبسبب ظرف معين وبقدرة قادر تحولت السفره الى شبابيه والمدام بتعين عند اهلها ❤😂
والخيره فيما اختاره الله

وبحكم ان السفره شبابيه 3 اشخاص
وبما انها اول سفره لشرق اسياء
قررت اني ((اخذ من كل بستان ورده))🌹🌹🌹

وبفضل الله ثم بفضل خبرتكم وتجربتكم بحاول اجمع بين 3 دول

فالسوال اللي يحتاج اجاله منكم :

- مدة السفره 15 يوم
- الدول والمدن اللي راح ازورها
1- بوركاي الفلبين
2- بوكيت تايلند
3- بالي وبونشاك اندونيسيا

فالسوال
بحكم اني من السعوديه وتحديداً من عايش بين حائل والرياض

احتاج جدول وتوزيع وتقدير للايام على حسب المدن وكل مدينه كم تستاهل يوم ؟

واتمنى من الله ثم من اصحاب الخبره والتجربه اقتراح انسب جدول واعتذر على الاطاله بس مجبور اوصل لكم الفكره صح

وشكرا من القلب مقدما

آخـــرفـــرصـــةمعجبون بهذا.

ابو ساره · 01-06-2018, 08:14 PM

ان شاء الله سفرا سعيد وعودا حميدا
كل المدن اللي اخترها احلى من الثانية
وكلها تستاهل وبما انك لم تحدد المزانية
لذا انصحك توزعها بالتساوي
4 ايام بوركاي الفلبين
4ايام بوكيت تايلند
4ايام بالي وبونشاك اندونيسيا
3 ايام للتسوق
المجموع = 15
ولاتنسى تقولنا وش صار عليك
بالتوفيق

آخـــرفـــرصـــةمعجبون بهذا.

nice man · 02-06-2018, 02:36 AM

حياك ربي
تنقلات بين 3 دول حرام عليك وين المتعه فيه !!!
لو المدة شهر مثلا كان بقولك معقولة لكن اسبوعين فقط !!!
نصيحتي لك كثره التنقل متعبه ومافيها متعه
اختار تايلاند وبس واوعدك ماتندم

والشور لك

آخـــرفـــرصـــةمعجبون بهذا.

Mansour_Mu · 02-06-2018, 06:23 AM

مساء الخير
انا حقيقه كنت معدي لكن سجلت عشان ابلغك تنتبه ان بوراكاي حالياً مقفله
للتنظيف ف انتبه تحجز . . قفلوها من 26 ابريل وحتتقفل لمده 6 اشهر في ايضاً في الفلبين جزيره بالاوان وجزيره سيبو وجزيره بوهول جميله جدا ايضا
وفقنا الله وياكم جميعاً واجازه سعيده اخي

ابو سارهمعجبون بهذا.

سيف ابو كيان · 02-06-2018, 02:09 PM

حياك الله

للاسف زي ماقالوا الاخوان ان بوركاي مقفله حاليا ولمدة 6 اشهر
ولكن بعد مشوره شخص عزيز وخبير شرواكم
شكل السفره بتقتصر على اندونيسياء فقط
واذا حصل فرصه اروح من اندونيسيا لتايلند بحاول بهالتجربه

سيف ابو كيان · 02-06-2018, 02:11 PM

حياك الله

وفعلا كلامك منطقي
والديره هذي يبي لك يوم ذهاب ويوم اياب
ومايبقىً من الا 13 يوم من غير ايام الطيران الداخلي
ففعلا كثره التنقلات تحتاج وقت اكثر من اسبوعين
وجزاك الله خير ع الشور الزين

سيف ابو كيان · 02-06-2018, 02:13 PM

حياك اهوي وجزاك الله الف خير ع التنبيه بخصوص بوركاي

اما باقي الجزر الفلبينيه مثل بالاوان وسيبو هذي يبي لها سفره مخصصه للفلبين
واحد الاخوه الغالين قال لي : ان اندونيسياء تغنيني عن كل الجزر ومتشابه لهم تماماً !!

وان شاء الله السفره الجايه احاول اخذ من كل بستان ورده

نجم بو فارس · 02-06-2018, 04:52 PM

يبغا لك تتنقل بين الثلاث دول اخصم ثلاث ايام غير يومين ذهاب واياب الى دولتك
انصحك بان تختار تايلند بوكيت ١٠ ايام ويالله تكفي

نجم بو فارس · 02-06-2018, 04:53 PM

الانتقال من دوله لدوله متعبه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سوال بسيط لاصحاب الخبره غن مطار نييورك	بحار الشرق	بوابة امريكا	3	01-10-2015 02:21 AM
ماليزيا وبالي	lolo1	ماليزيا	9	04-08-2015 02:45 PM
بوركاي الفآتنة	شارلوك هولمز	بوابة الفلبين	31	25-04-2015 07:03 PM