السلام عليكم ورحمه الله وبركاته

يعطيكم الف عافيه على المعلومات الرائعه اللي استفدت منها في هالصرح العظيم
ولكن مع كثر البحث في الفنادق والمناطق زادت حيرتي

انا مسافره مع زوجي واولادي عددنا سبعه خمس بالغين وطفلين

ثلاث ليالي في سيلانجور
وخمس ليالي لنكاوي
وخمس ليالي بينانغ قابله للزياده لو حبوها الاولاد
والباقي راح تكون في كوالالمبور

طبعا في السيلانقوور خلاص انتهت حيرتي واستقريت على صن واي ريزورت مع انه غالي بالنسبه لعددنا ولكن بعد تعب السفر نستاهل نرتاح وعشان الاولاد ينبسطون

لكن مشكلتي الان هي الفنادق في لنكاوي

احترت وانا ابحث في المواقع ومكاتب الحجوزات وكل واحد يرشح لي فندق ويمدحه
وطبعا الاسعار تختلف واكثر الفنادق اللي احترت بينها ( الباي فيو لنكاوي و البيلا فيستا والداينغ باي )

ايش الافضل فيهم بالنسبه للقرب من الشاطيء ويناسب للعوائل ويكون نظيف وسعره معقول
واذا فيه شيئ افضل منها ترشحونه لي اكون شاكره لكم وممنونه

اهم شيئ سعرها يكون معقول لخمس ليالي ماتزيد عن اربعه الالاف ونص غرفتين ثلاثيه


وكمان في بينانغ نفس الشيئ خمس ليالي بحدود نفس السعر وتكون قريبه من الشاطيء
والاماكن الحيويه


وبالنسبه لكوالالمبور هل فيه مشكله لو حجزت عن طريق الاير بي ان بي يعني مضمون ولا ابعد عنه .؟؟

ماعليش كثرت استفسارات بس صدق احس اني ضايعه ومابقى وقت تقريبا اسبوعين على سفرتنا وانا ماحجزت ولافندق



وجزاكم الله كل خير مقدمااااا