تحديث 1 .. الحصول على التاشيرة والموافقة عليها والأوراق والخ ..

بسم الله الرحمن الرحيم ...
كم قلت لكم اني راح اروح السفارة اليونانية يوم الاثنين ..
طبعا .. جهزت أوراق كل مسافر لحاله زوجتي لحالها ابني لحاله وانا لحالي كل واحد في ملف مستقل .

طبعت رحت الساعه 8.35 ... الصبح لقيت قدامي 7 وانا الثامن

وشوي شوي العالم بدات تجي السبب ان اليوم اول يوم عندهم بالدوام وهو الاثنين ..
ودخلنا بالضبط السفارة الساعة 9 واعطونا ارقام ... وهنا السالفة ...
تأخير في التدقيق بسبب الواحد جايب معه 80 جواز وغيره 4 جوزات والخ وهذا الامر اتعبنا كثير انا دخلت على التدقيق 10.40 دقيقة بالضبط المهم في موظف هندي بشوش جلس يدقق ويعلمني ايش ناقص طلع عندي نواقص يا حبيبي قال تعال بكره قلت يرحم امك ابي اخلص قال طيب روح جيب الأشياء التالية ..
صورة جواز السفر الخاص بك انت .. تذاكر الفنادق .. الهوية الوطنية .. كرت العائلة .. تعريف الراتب .. لكل من زوجتك وابنك طلعت من السفارة لقيت جنب السفارة محل تصوير صورت ورجعت لهم على طول دبس الأوراق وحطها وزبط الأمور قال يالله انزل تحت للتبصيم والتصوير ..
المهم نزلت تحت لقيت قدامي اثنين زوج وزوجة مثلنا يبون السفر ما علينا .. الموظف اللي بالتبصيم مصري كويس وحبوب وبشوش لابعد درجة ياسمه احمد .

المهم يمكن بعد 11 دقيقه دخلت انا وسلمت عليه وجلست ع الكرسي وصورني وقال تعال بصم ودخلت زوجتي كذلك نفس الحركة وبعد ذلك قال طيب الولد نصوره دام موجود (( عمره 8 اشهر )) غلطتي اني جبته ونحاول نصوره قال الولد معصي مافيش جالس يبكي بس قال الموظف خلاص مافي مشكلة نحط صورة اللي جبتها من الاستوديو عند تقديم الطلب ..

دفعت لهم رسوم 288 لكل شخص ابني مجانا دون رسوم اعطوني موعد الخميس المقبل .. مدة التاشيرة قال لي بعطيك سنه لان جوازك سنه باقي فيه فقط .. تحسب من تاريخ يوم الخميس قلت طيب ..
اعطاني ورقة قال تعال الخميس من الساعة 2 لين 4 العصر الاستلام ..
متطلبات التقديم ...
النموذج تقوم باكمال بياناته قبل دخولك السفارة او من نفس السفارة يعطونك نموذج وانت تكمل عندهم مافي مشكلة .
كشف حساب 6 اشهر من البنك ..
تعريف بالراتب مترجم ..
حجز الطيران والفنادق ..
تامين السفر ..
صورة الهوية الوطنية وكرت العائلة .
صورة اول ثلاث صفحات من الجواز مع الأصل .
بطاقات الصراف قال ما نبيها ما نحتاجها .