السلام عليكم

عندي مشكلة اتمنى توجهوني كيف اتصرف فيها

وارجوكم قل خيراً او اصمت كلما احد سمع القصة جلس يلومني ويوترني انا لو ادري كل هذا بيصير

اكيد ماراح اخطي هالخطوة مستحيل اضر نفسي

كنت ابحث عن رحلة كروز في اوروبا وحصلت على عرضين جيدين من مكتبين سياحيين وقررت واحد منهم

رحت ودفعت رسوم رحلة الطيران الى برشلونة ورسوم الفيزا وقيمة رحلة الكروز واخذ مني المكتب جوازين

واحد فيه الفيزا الايطالية المنتهية والجواز منتهي بس فيه فيزا امريكية سارية المفعول وكمان جوازي الجديد

وفيه فيزا فرنسية ومبلغ مالي من حول كم اسبوع واختفى بعدها صاحب المكتب وألغى ارقامه وماصار يداوم

في المكتب ولا اي موظف اخر يداوم رحت ابلغ الشرطة قالوا تخصص المحكمة والمحكمة يقولوا لازم رقم السجل التجاري

ووزارة التجارة يقولوا هيئة السياحة والسياحة يقولوا مو مرخص من عندنا وعلى هالحالة

بعد غياب 10 ايام رجع يتصل من رقم ثاني ويماطل مرة موعد تبصيم ومرة مايحتاج ومرة برجع لكم المبلغ

وكل يوم يودينا ويجيبنا وكلما رحت للشرطة نفس الموال والمحكمة تقول في امر ماارفع دعوى الا بسجل تجاري

جوازي عنده واخاف يورطني وللأمانة خلاص عفت السفر ماعاد ابغى اسافر بس ابغى جوازاتي مع انه عندي

حجوزات ثانية وراح اخسر قيمتها بس اخاف يسوي لي مصيبة بالجواز

حاولت احل الموضوع بشكل ودي بدون قضايا خاصة وانه رفع الدعوى بدون سجل تجاري شبه مستحيلة

بس مافي فايدة كل وعد يوعدنا يخلفه ومايتواجد في المكتب ابداً

رحت لمديرية الامن واشتكيت واتحولت المعاملة رسمي يوم الخميس الماضي للمركز وللان ماردوا علي ورحت لهم ماصار شي

ولا اخذوا اقوالي ولا اي شي وانا جداً مصدومة من هالسالفة

ايش الحل ؟؟ هل اروح الجوازات وابلغهم باللي صار ؟؟ ولا انتظر الشرطة ؟

هل السند اللي اعطاني اياه المكتب وفيه مكتوب استلام الحوازات كافي للتبليغ

قلبي بيوقف لي كم يوم ماانام زي الناس

افيدوني واللي مايعرف يفيدني يدعي لي نفسيتي تعبت

وعليكم السلام
استشرتي محامي ؟

وعليكم السلام

انا بعد ماعندي خلفيه لان الموضوع قانوني وحساس فالافضل تستشيرين محامي

وانصحك ان تكثر الاستغفار ولاحول ولاقوه الا بالله والدعاء وباذن الله راح تنحل المشكله ويزيح الهم عن قلبك


دعواتنا لك

تم الإرسال من SM-G935F باستخدام Tapatalk

بالفعل مثل هذه الحوادث تصير كثير من مكاتب الحجواز ، على كلا اخي وكلك محامي وهو بيكون ادرى في الموضوع و الامور القانون

والله ينصرك على هذه الاشكال المريضة ، وترجع تسافر و تستانس

دائما أنصح الناس في حال السفر لا تنجرف مع العروض الوهمية للسفر و مكاتب السفيرات المريضة.

وعليكم السلام

المسألة بسيطة جداً و لا تحتاج محامي أبداً

الشخص سعودي ولا مقيم ؟

اذا في جدة ان شاء الله أرد لك حقك كامل