ونكمل الجزء ما قبل الاخير معكم


اليوم الرابع

وراح نكون مع سواق خاص


الجدول راح يكون تل العرايس ( Büyük Chamlega Tepesi ) جميله جدا استرخاء , قصر دولمابهجه , مسجد السلطان احمد ,و الشوبنق


افطرنا واتصلنا على سواقنا ( يا حبني له ) وارسل صاحبه ممتاز برضو ورحنا اول شي على التله ( Büyük Chamlega Tepesi ) الاجواء جميله جدا الجو باااارد اغلبهم اتراك وهادي المكان

موجود مطعم وجبات خفيفه و مشروبات اخذنا فطاير بالجبنه لذيذه وبطاطا تركش

موجود جلسات خشب بين الاشجر مرا حبيتها واشتهيت القهوه ما معي العده

كانت في عروس الله يسعدهم يارب












اعصابنا هاديه مو شايلين هم سياره ولا شي

بعده رحنا قصر دولما بهجه ( اعتقد ) لان اليوم الي رحنا كان وقت ويكند وبعض القصور مفتوحه وببعضها لا فروحنا لقصر قريب والانتظار كان طويل في باصات سياحيه

اخذنا جزء واحد فقط ( حريملك ) في نص الطريق زوجي العزيز طفش رغم انو هو الي مختار المكان







انطلقنا مسجد السلطان احمد وبسبب الويكند العالم خارجه الدنيا زحمه مو طبيعيه المشوار الواحد يطلع من عيننا راح الوقت كلو في الطريق وكان المسجد مقفل يفتحو وقت الصلاه كان موجود صيانه

الي كان مفتوح ايا صوفيا ومش عاوزينه اخذنا ايس كريم ومشينا







طيب الان وين نروح اغلب الاماكن مغلقه والزحمه كل مالو في تزايد وانا ما اتسوقت للان


طلبنا من السواق نروح سوق اوت لوت كان رخيص ( Olivium Outlet Center ) الملابس حلوه ورخيصه بس لازم تدوري
وكويس انو رحنالو اول اغلب الاشياء الي كنت ابيها لقيتها عندهم و بزياده بعد
بس المكان ماعجبني زحمه والتكييف مش ولابد
اشتريت كم شغله حلوه وغيرنا المول رحنا الي موجود في اكرايوم



فرق في التكيف و الزحمه والديكورات والاسعار
الطابق الاول اسعاره نار مرا
الطابق الثاني حلو اسعاره وشغلاته حلوين
ومليان كوفيهات

ما خرجت الا بعد ما اغلقت اغلب المحلات




رغم اني ما طولت في الكوفي لكن الي اخذ وقت هو عبال ما نوصل اللمول كانت الزحمه بزياده ويوم ويكيند

السيارات بالعافيه تتحرك ابدا ماشفت زحمه مثلهم طفشت وربي

رجعنا على الهوتيل الشوارع فااااااضيه مافي الا سيارتنا ياجماعه يقفلو بدري 10 يقفلو ما يسير يهووو

::


برضو اتعشينا من المطاعم الي خلف الهوتيل

اخر يوم في تركيا الحبيبه



ما عندنا خيارات كثير وما نبي نتعب قبل الرحله لانها ترانزيت لدبي انتظار ساعه ونصف
حطينا الشناط عند الرسبشين ونزلنا على رجولنا نتمشى
حسينا انو الجو حار الظاهر اتعودنا عى بردهم متاخر

قريب من الهوتيل السوق المصري و محلات شنط
ومحل LC في كل مكان اشوفو الي عند الهوتيل كان 3 ادوار
وفي كوفي في السطوح وكان عامل احتفال بمناسبه الطفل يادوب لحقنا على الترتيب الحفل










ورحنا على مطار صبيه ومكانه بعيد وكان كمان المطار عاملين حفل لهم


واعتذر على قلة الصور و بساطه التقرير
والف شكر على المتابعه



فأمان الله

استمتعنا بتقرير خفيف لطيف

وبإذن الله في رحلات قادمة تستمتعوا أكثر بحكم زيادة خبرتكم بهذه الرحلة

تقرير لطيف جدا ومفيد الله يعطيكي العافية وماشفنا تقصير ابدا بالعكس تقرير وافي وجميل

بارك الله فيك

تقرير روعه ربي يسعدك

شكرا للتقرير الجميل
لو اعتمدتوا عالمواصلات العامة باسطنبول كان افضل واريح من التكسي والسيارة الخاصة.
كل المناطق السياحية تقريبا توصل لها المواصلات العامة.

شكرا على المعلومات المفيدة جدا