مسيكم بالخير ،،

تم استخراج الفيزا ، طلبت سنه وطلعوا لي سنتين
تاريخ التقديم السبت ٨ ديسمبر
تاريخ الاصدار الاثنين ١٧ ديسمبر

علما ان قبول طلبات الفيزا كان اول يوم عمل بعد التقديم ( الاثنين ١٠ ديسمبر )
رحلتي كانت لماليزيا و المغادره من سنغافوره
تاريخ دخولي سنغافوره المقرر ٢٢ ديسمبر ، يعني كان باقي لي تقريبا خمس ايام لو ماطلعت كان كنسلت


نصائح هامه :
١- قدم بدري اكثر من ثلاث اسابيع ، وخصوصا بالصيف قريت ناس قعدت شهر الا كم يوم وناس خلال اسبوع مثل حالتي
٢- يطلبون صوره شخصيه ترفعها بالموقع ، ضروري ضروري ضروري تكون صوره هاي كوالتي ، يعني من المصور ، ماينفع سكان لصوره عندك
انا سويت سكان للصور الي عندي و ردوا علي بعدها بيوم انها غير مقبوله و وحت صورت من جديد و طلبت نسخه ب سيدي

٣- لازم ترفع لهم رحله الوصول والمغادره ( انا وصولي كان ماليزيا ومغادره سنغافوره ) ارسلوا لي يطلبون تذاكر الوصول ايضا من ماليزيا لسنغافوره

٤- يفضل الحجز يكون من موقع الفندق ، فيه اكثر من شخص ردوهم لان مايقبلون بوكينج ( انا حجزي من الاوتيل نفسه ماكان عندي مشاكل )

٥- لازم تحجز وحده من عروضهم ، انا دورت الارخص واعتقد حجزت حديقه الحيوان لان كثير من الاخوان الي حجزوا الجوله مالستفادوا لعدم ملائمه الوقت


بالنهايه حقيقه هم متعاونين و ارسلوا ايميل ايضا يطلبون اني ارسل تجربتي في المواقع ، لكن بنفس الوقت دقيقين مره خصوصا بالطلبات

بالتوفيق جميعا