اول مره اسافر الشمال التركى واحتاج مساعدة

سوما11 · 10-02-2019, 07:50 PM

السلام عليكم ورحمه الله وبركاته
كيف الحال
1- استفسر بخصوص الاجواء المناخ ممطر ودرجه الحراره وقوالضباب و ....
فى نهايه يونيو 26 الة 18 يوليو كيف الاجواء
لان ناويه اروح اوردو وبارشمبا وايدر فى يونيو
وبدايه يوليو اكون فى اوزنجول وطربزوان
و2- كيف المعيشه هناك اسعارالفنادق ـواستواء بعض الفواكهه لان احب ناخذ منها واذ فى مزارع ياليت تحطونها هنا
3- وهل هناك بعوض كثير لانه يقرصنى دائم
واتمنى اذ نعم ايش تنصحونى اخذ معى من السعوديه اشياء من الصيدليه
4- ماافضل سياره للشمال وايش افضل تامين لها
5- وهل تنصحون ااخذ للاطفال ملابس كلها طويله اولا
6-ماهم الاشياء التى اخذها معى للعزبه هناك ... كـ رز وغيرها
مع العلم احنا عائله مع اطفال
والله يسعدكم ويوفقكم يارب ويستر عليكم ويعطيكم لين يرضى عليكم

الفراهيديمعجبون بهذا.

الفراهيدي · 11-02-2019, 07:50 AM

و عليكم السلام ورحمة الله وبركاته

1 - بشأن الأجواء غالباً تكون ممتازه في النهار وفي الليل تقل درجات الحراره

لكن ليس كل الأيام طبعاً أيدر ابرد منطقه

2 - الأسعار في المتناول بالنسبة للمطاعم فيه الغالي والمتوسط ما راح

تواجه مشكله فيها الأ في اوزنجول لكثرة الخليجيين فيها وبالتالي ترتفع الأسعار

لأنها تعتبر موسم لهم

3 - البعوض ما اذكر واجهت مشكله فيه بيكون كل شي طبيعي

4 - السياره مهمه جداً جداً اذا معاكم احد يسوق الطرق

بين المناطق والقرى في الغالب جيده وتصل لها السياره الأ بعض الأماكن

تعتبر لدى البعض وعره

5 - الملابس خلي معاك جاكيت يكفي

6 - الطبخ تحتاج رز و بهارات فقط الباقي موجود بكل مكان

ننصح طالما معك وقت الأطلاع على بعض التقارير والأستفاده منها

بالتوفيق

العقرب, سوما11 و ماجد القطري معجبون بهذا.

سوما11 · 11-02-2019, 08:05 AM

الله يجزاك خير واسعدك ربي على ردك
طيب اللى يعرف هل اقدر اطلع على المناخ لكذا شهر قدام او لا
ونعم معى زوجى يسوق
بس بنسبه لتامين كيف ايش اخذ تامين
وهل هناك اماكن تبيع القهوه العربيه او اخذها معى

الفراهيديمعجبون بهذا.

الفراهيدي · 11-02-2019, 09:06 AM

اقتباس : المشاركة الأصلية كتبت بواسطة سوما11

الله يجزاك خير واسعدك ربي على ردك
طيب اللى يعرف هل اقدر اطلع على المناخ لكذا شهر قدام او لا
ونعم معى زوجى يسوق
بس بنسبه لتامين كيف ايش اخذ تامين
وهل هناك اماكن تبيع القهوه العربيه او اخذها معى

https://www.accuweather.com/ar/tr/uz...onyr=7/01/2019

بالنسبة للقهوه خذ معاك كيلو او 2 حسب عدد الأيام

وغلاية او فيه جاهزات اسمها دلة المسافر

بالنسبة للتأمين اذا قصدك السياره احجز شامل وبأمكانك تحجز

قبل توصل من بوكنق

سوما11معجبون بهذا.

سوما11 · 11-02-2019, 12:22 PM

الله يجزاك خير واسعدك ربي

الفراهيديمعجبون بهذا.

عشقي السفر · 11-02-2019, 02:40 PM

ماقصرو الاخوان

تم الإرسال من SM-G935F باستخدام Tapatalk

سوما11معجبون بهذا.

سوما11 · 11-02-2019, 08:59 PM

ممكن اعرف ايش الفواكهه اللى فى الموسم تكون

نـــواف · 12-02-2019, 12:39 PM

اهلا بك

اتذكر اشتريت منهم تفاح وخوخ وفراولة وعنب وكانت جيدة .. وعموماً منتشرة بالبقالات والأسعار ماهي غالية

بالتوفيق

سوما11 و الفراهيدي معجبون بهذا.

سوما11 · 12-02-2019, 09:45 PM

الله يجزاك خير يارب واسعدك الله

الفراهيديمعجبون بهذا.

بوصلووح · 13-02-2019, 10:46 AM

بالنسبة للسيارة اذا تيسر لكم فورويل صغيرة افضل
مثل هذي

واذا مالقيتوها مب مشكلة غالب الطرق معبدة وتمشي فيها كل السيارات
لكن خلكم قريب الشارع خاصة اذا طين ومطر احتمال التغريس اكبر

و بخصوص الحجز الافضل الحجز المبكر قبل الوصول
موقع رينتال كار مقبول لكن اختاروا الشركة الي بتأجرون منها بعناية
لان رينتال كار مجرد وسيط و اخذوا عن طريقه من الشركات المشهورة مثل يورب كار وبدجت وقارينتا و قارينتا هي الافضل
و شي مهم اذا عرض عليكم رينتال كار التأمين كامل لا تاخذونه لأن اغلب الشركات ماتعترف بتأمينهم
ولين وصلتوا المطار بيعرضون عليكم الشركة تدفعون تأمين كامل غير الي دفعتوه للموقع
فالأفضل الواحد ياخذ التأمين من الشركة مباشرة ولا ياخذه من الموقع الوسيط .. والله أعلم

وبخصوص العزبة والتموين لا تثقلون على نفسكم كل شي موجود هناك
يمكن ماتلقون قهوة و بهارات والحليب حق الشاي والجبن القابل للدهن
او موجودة بانواع مختلفة غير الي متعودين عليه

المسافر2020 و سوما11 معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعدة في ترتيب جدول الشمال التركي	m7md1989	تركيا	8	12-05-2017 12:25 AM
اول مره اسافر ل تركيا (الشمال التركي) ، ومحتاج مساعدتكم بعد الله سبحانه ..	ALMSAFER	تركيا	12	20-03-2017 04:02 PM
كيف اسافر الى الشمال التركي بسيارة	ماجد القطري	تركيا	39	22-07-2016 01:51 PM
اول مره اسافر لسيلانكا واحتاج معلومات	عبير الورد	بوابة الهند وسيرلانكا	7	29-03-2016 11:53 AM
اول مره اسافر لتركيا واحتاج نصايحكم	zahranioj	تركيا	6	12-11-2015 10:03 PM