لا أبدا ما في ازعاج.

لما تدخلين على موقع الطيران السعودي وتحطين الوجهه من جدة إلى كيب تاون
بتطلع الرحلات الدولية والداخلية بعد.

ممكن تتصلين بالطيران السعودي وتسألينهم علشان تكونين مطمنة أكثر.

والأفضل طبعا تحجزون الطيران الداخلي من الحين،
ما تضمنون بعدين تحصلون حجز وإلا لا،
خاصة إن إنتوا عايلة ووياكم أطفال، الله يحفظهم.

هذا مخطط للغرف في فندق ميس أميس، كانوا أرسلوه لي من زمان،
غرفة 7 و 8 يعتبرون متصلين ببعض بباب خارجي،
لكن ما اعتقد الغرفة فيها مكان لسرير إضافي،
ممكن تتأكدين منهم... إلا إذا الصغير ينام في سرير الأطفال - baby cot ،
أو مثلا تفرشون له على الأرض.

فقط الغرف 10 و 11 مب مطلين مباشرة عالبحر،
لكن لهم مخرج من باب البلكونه عالمنطقة الخارجية.

وأعتقد الأفضل تبدئين بالتواصل وياهم وتحجزين،
لأن الفندق صغير، واحتمال ما تحصلون التواريخ اللي تبغونهم،
فإما بعدين تغيرون المخطط وتسيرون وايلدرنس قبل المحمية
أو تشوفون فندق ثاني.





وهذا موقع الفندق عالانترنت، بتحصلين طرق التواصل، رقم التلفون والايميل.

https://www.mesamis.co.za/


فكرة حلوة إنكم تزورون المحمية واليوم الثاني تزورون منتزه تسيتسيكاما.

بالنسبة للمسافات:
من كيب تاون لمحمية بلتنبيرغ - حوالي 6 ساعات
(لازم تسوون حسابكم إنكم توصلون هناك قبل موعد السفاري، اللي يكون الساعه 3 الظهر)
من المحمية لمنتزة تسيتسيكاما - ساعة.
من تسيتسيكاما لوايلدرنس - ساعتين.