مسار رحلتكم بيكون وايد متعب.

إذا وياكم أطفال ما بيستانسون في كل الأماكن اللي في الجدول، ماعدا انترلاكن.

نحن زرنا عدة مدن صغيرة في ألمانيا (بادن بادن وغيرها)، وكانت رحلة مملة جدا،
يمكن لأن عيالي يحبون يسوون نشاطات مختلفة في السفر..
بس حتى بالنسبة لي كان ملل.

صح إن ها الأماكن كل حد يمدحها وفيها طبيعة حلوة،
بس ندمنا إن ضيّعنا إجازتنا فيها.. يمكن بعد لأن كنا شفنا انترلاكن قبل
فحسّينا بالفرق.

انترلاكن فيها عدة نشاطات للصغار والكبار،، زرناها 3 مرات ،
أخر مرة قضينا فيها أسبوعين ، والحمد لله كلنا استانسنا وايد.

فندقنا كان في منطقة بونيجن على بحيرة برينز،
فندق رائع اسمه seiler au lac
وها المنطقة تغني عن زيلامسي.

ممكن مثلا من فرانكفورت تسيرون لمدينة رست، لأن فيها مدينة الملاهي Europa Park
تقضون فيها يومين، فيها 4 فنادق تابعة للملاهي، وايد حلوة،

ومن هناك تسيرون انترلاكن،، وبعدين من انترلاكن لميونيخ تقضون فيها يومين أو ثلاثة.

هذه كلها اقتراحات والأمر راجع لكم.