السلام و عليكم و رحمة الله و بركاته ..

أخوي الفاضل أبو باسل ...

موضوع الميزانية في السفر و الله ما يتفق عليها أثنين مستحيل بيجي واحد و يقول لك ترا السفرة بتكلفك كذا .. لأن طريقة الصرف تختلف من شخص إلى أخر ...

فمثلاً لو أفترضنا أن السكن في زيلامسي أو كابرون في بيت 4 غرف نوم تكلفته اليومية
من 1200-1500 ريال " طبعاً هذي أرقام تقريبية للموسم" يعني 20 الف تكلفة السكن في مكان واحد و اللى هي 50% من الميزانية
نرجع لإيجار السيارة: السيارات الكبيرة (9ركاب)أيجارها باليوم تقريباً 500 - 800 ريال مع التأمين الشامل يعني المبلغ تقريباً 10 ألاف ريال تقريباً من غير قيمة البنزين 50% من الباقي من الميزانية (على فكرة ممكن تفكر في سيارة ديزل بس تراه نفس سعر البنزين بس ميزته أنه يمشيك أكثر )
يعني تبقى معاك 10 الأف ريال للأكل عاد صعب حسبة تكلفة الأكل

طبعاً مثل ما قلنا كل الأرقام تقريبية ممكن تزيد أو تنقص حسب العرض و المتوفر من السكن المناسب و عروض السيارات من الشركات

أعرف ممكن يجي أحد و يقول أننا نحطم الناس و نكسر المجاديف و .... و ... كلام كثير و لكن هذا واقع أوروبا بصراحة و ما نحنا هنا إلا ننقل معلومة أما عن تجربة عشناها أو خبرة سفر أكتسبناها من تجارب الأخرين ...


بالتوفيق لك أخي أبو باسل ..و أن شاء الله يزيد الأخوان على المعلومات و يعطونك أراء أخرى (أنا أعطيت معلومة من خلال بحثي هاليومين عن سكن و سيارة في أوروبا لأن سفري قريب)....

اتوقع اي مكان (نظيف ) بالنمسا بيكون خيار حلو جدا .. الاماكن المعروفه تتميز بكثرة المطاعم والمزارات السياحية وممكن كثرة العرب ( للي يبونهم ) بالاضافة لان السعر بيكون غالي لان الطلب كثير .

هذا المكان واللي بعده حلوين واماكن التمشية مره حلوه حلوه انهار وشلالات واطلالات
https://www.airbnb.co.uk/rooms/26057...2Fe8C81C%2FN9O

سعره اسبوعين في اغسطس 11 الف ريال تقريبا .. وقريب منه اماكن سياحية غير ان المكان نفسه حلو ( وكل جبال الالب حلوه ) يعني لو بتكتفي بالمكان هذا او تقسم السفره على مكانين بيكون حلو ...

هذا بعد الاسبوعين فيه بنفس المبلغ تقريبا

https://www.airbnb.co.uk/rooms/36823...tPgnMXx6Vqc8iq

- في موقع اير بي اند بي لازم تراسل صاحب البيت ( بعض المرات يكون مؤجر البيت وهو متاح على الموق ) او تشغل خيار الحجز المباشر ( هذا مايحتاج تراسل صاحب البيت ) بس تكون الخيارات اللي تطلع اقل .

الله يمهل لكم ويعينك .. دايم الاسعار تقريبيه واحتمال انه تزيد في الواقع وارد جدا مثل ماقال ابو معتز الناس تختلف في طريقة التصرف والصرف وايضا الهدف من السفر هل هو مجرد تغيير جو وروتين او لازم انشطة والعاب وتسوق ..
موفقين