مركاز العرب المسافرون 7 - الصفحة 309

آخـــرفـــرصـــة · 07-10-2020, 09:49 PM

اقتباس : المشاركة الأصلية كتبت بواسطة |القحطاني|

والله يا حبيبنا اني ابعد مكان سافرته كان البحرين وعاد يقولون لي ما يعتبر انك سافرت هههههههه
تخيل اسافر وما أعلم لأحد.. لازم يعرفون من الشرق للمغرب.. دا سابع المستحيلات اسافر واسكت ما اعرف كذا هههههههه

ذكرتني بواحد من أبها الله يحفظه كان جالس جنبي بالطيارة
المضيفة كانت جالسة بالمقعد اللي قدامنا
مغربية و دمها خفيف
لاحظت أن القميص فيه طبقات ماهو مكوي
قالت له شكلك مستعجل ويا دوب لحقت الرحلة

قالها ما علمت أحد أني رايح جاكرتا
قلت لهم عندي انتداب في الحج ههههههه
المضيفة ماتت من الضحك وجلست تقول له لو صار مشكلة بالطيارة
وجاء الاعلام وصور الركاب قالها والله تنتظرني ومعها بندق عند البيت
سألته وين راح تسكن ؟ قال في سنترال
وهذا الفندق عليه تحذيرات من السفارة وكله مخدرات هههههه
قال الشباب نصحوني فيه مايحتاج أخرج منه
حاولت أنصحه ما فيه فايدة
يقول ما قدامي الا السنترال والثري هورس وكلها دمار هههههه
المضيفة تقول هذي أحلى رحلة بحياتي
الولد كان كوميدي ولا همه أحد اللي بقلبه يقوله
كل شوي تجيب له قهوة وشاي وتقول له حكينا عن الرحلة
ما خلانا ننام من الضحك

الايمان · 08-10-2020, 11:02 AM

اقتباس : المشاركة الأصلية كتبت بواسطة الغردقاوي

كان يقال ( فيها حاجه حلوه ) اي فيها سر يجذبك وانت لا تعرف ماهو
وهو سر كسر الاهرامات هو ازلي لا يعرف ابدا ولا نحن نعرفه
هل ما يزال هذا الحاجه الحلوه كما هي اكيد في ولكن مش زي اول
لكن فيها حاجه حلوه
المهم انت رحت لمصر قبل ولا لا ؟
بس اكيد رحت تركيا ومعملتش تقرير زي ما انت واعدنا

فعلا فيها حاجه حلوه تجذبنا لها
الله يرفع البلاء يارب ونرجع نسافر

الغردقاوي · 08-10-2020, 07:22 PM

اقتباس : المشاركة الأصلية كتبت بواسطة الايمان

فعلا فيها حاجه حلوه تجذبنا لها
الله يرفع البلاء يارب ونرجع نسافر

اللهم امين هانت باذن الله

ابو عبدالله7 · 06-10-2020, 05:08 PM

انا للأمانه ماكنت اتوقع اني يوم من الايام بسافر مصر !!

لأسباب كثيره لعل اهمها بعض المصريين الموجودين عندنا في

المملكة وتصرفاتهم اللي كلها نصب وكذب واحتيال !!

كنت اقول يكذبون علينا وينصبون علينا وحنا في ديرتهم فما بالك

وانت اللي في ديرتهم!!!

بعضهم يعاملك وانت في بلدك وكأنك تمبل ماتفهم ويستعبط ويقول

انه عارف وفاهم في جميع الامور وهالشي بحد ذاته يرفع الضغط .

ولكن.... وتحت ضغط العائلة ورغبة لإرضائهم حجزت قبل ثلاث سنتين

ونزلنا لمصر وكان الانطباع هو نفس الانطباع من اول مانزلت في المطار

الى ان وصلنا الفندق ،،، طول الطريق وانا ارى بنايات متهالكة ومكاتب

حكومية غير مؤهلة للعمل !! والناس الغلابه اللي تطلب الله متواجدين من

بعد الخروج من منطقه المطار الى ان تصل الى وجهتك !!

بعد يومين بدأت النظره تتغير الى الافضل ،،،بدأت اتأقلم مع الشعب

المصري المغلوب على امره والذي اضطر انه يعمل في كل المجالات من

تنظيف الشوارع الى مجالات الهندسة وتقنية المعلومات .

الاجواء كانت روعة ،، النيل ومراكبه اروع ،، الشعب المبتسم رغم مرارة

الدنيا ،، الاحياء الجديدة والمولات الحديثة ،، الاهرامات والمتاحف ،،

حدائقهم العامه ،،، الاجواء الصاخبه وزحمة الناس البسيطه ،، الحسين

وازقته ومقاهيه المتناثره هنا وهناك ،،،

تغير البغض الى حب وكررت الزياره في السنة اللي بعدها وسوف اكرر

الزياره للمره الثالثه والرابعه والخامسه

أبو مهاب · 07-10-2020, 08:57 AM

السلام عليكم و رحمة الله و بركاته ..

صباح الخير

بن قوت · 07-10-2020, 10:03 PM

ههههههههه
سبحان الله الإنسان اللي على طبيعتة ولايتصنع
يكون محبوب

تم الإرسال من SM-N960F باستخدام Tapatalk

ابو عبدالله7 · 08-10-2020, 12:18 AM

اقتباس : المشاركة الأصلية كتبت بواسطة بن قوت

ههههههههه
سبحان الله الإنسان اللي على طبيعتة ولايتصنع
يكون محبوب

تم الإرسال من SM-N960F باستخدام Tapatalk

صادق يابو نواف

لكن ماتركن عليه ،، اطرف موقف ينكبك فيه

تلاقيه مرتبش ومستعجل وكلامه دايركت على طول

واذا صار موقف قام يضحك ويقلبها مزح وانت محترق

ودك به محلي لكن عالمي مايصلح

آخـــرفـــرصـــة · 08-10-2020, 12:43 AM

اقتباس : المشاركة الأصلية كتبت بواسطة ابو عبدالله7

صادق يابو نواف
لكن ماتركن عليه ،، اطرف موقف ينكبك فيه
تلاقيه مرتبش ومستعجل وكلامه دايركت على طول
واذا صار موقف قام يضحك ويقلبها مزح وانت محترق
ودك به محلي لكن عالمي مايصلح

صادق يابو عبدالله

ماهو خوي سفر بالعربي
بعضهم يعتقد أن الرحلة كلها ضحك ومقالب
عشان كذا أفضل السفر المنفرد

ابو عبدالله7 · 08-10-2020, 01:26 AM

اقتباس : المشاركة الأصلية كتبت بواسطة آخـــرفـــرصـــة

صادق يابو عبدالله

ماهو خوي سفر بالعربي
بعضهم يعتقد أن الرحلة كلها ضحك ومقالب
عشان كذا أفضل السفر المنفرد

السفر يابو غسان من اصعب اوقات اختيار الاصحاب

تسافر مع معضهم على مضض !!

يا مجامله ،،، يا انه يمون على واحد من اخوياك لكن مايمون

عليك !!
يا انه قريب من الاهل لكن ماودك يخاويك على شان القيل والقال

بعض الاقارب فضايح !!

انا سفراتي مجملها عائلية الا ماندر من بعض الامور العلاجية

ومرافقة المرضى .

بن قوت · 08-10-2020, 04:13 AM

درر يابو عبدالله
اتفق معك في كل شي قلتة
خله محلي يمدينا نتدارك الموقف

تم الإرسال من SM-N960F باستخدام Tapatalk

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مركاز العرب المسافرون 5+6	احمد الحربي	عام	6201	02-01-2020 01:53 PM
العرب المسافرون تقرير الغرب والشرق الامريكي اربع ولايات 2015-2016 ابو طلال*	أبو طلال*	بوابة امريكا	174	28-06-2018 02:32 AM
العرب المسافرون	F.A.H.D	بوابة الكاميرات	14	08-03-2015 02:41 PM