الموضوع جاء بوقته يابو معتز
لأني قررت اسوي سوشال ميديا ديتوكس بداية السنة


اهتمامي بالأخبار قليل وبالرياضة بدأ يقل كثير الحمد لله
لكن المشكلة الرئيسية في وتساب مئات المسجات يومياً
تجيب لك الاخبار والرياضة حتى لو ما تبغاها


يعني كل واحد يرسل لك اللي هو يهتم فيه وانت عليك تتقبل كل هذا
لذا قررت الخروج من قروبات الواتس بشكل كامل
حذفت بالفعل تطبيق تيك توك لأنه مضيعة للوقت

اوقفت تنبيهات التطبيقات اللي تبين لك أن كل شئ مهم


عندي تويتر واهتمامي فيه الاكثر
وكذلك انستقرام + فيسبوك لكن تفاعلي فيها نادر


المشكلة الرئيسية عندي كانت في وتساب
جزء منها احراج من القروبات اللي أنا فيها لأن معظمهم أصدقاء
لكني قررت الخروج واخبارهم بالحقيقة لأن اهتماماتي تختلف عن اهتماماتهم


السوشال ميديا تستهلك جزء كبير من وقتك
ويدك تأكلك كل شوي تبغى تشيك هل أحد عمل لايك أو بوست جديد
والتطبيقات نفسها مبنية على أنها تخليك مرتبط فيها
كل ماصار شئ جديد حتى لو ما يهمك يجيك تنبيه
بالتالي تقضي وقت طويل على تطبيقهم وهذا يحسب لهم ويزيد من قيمتهم