بسم الله الرحمن الرحيم

الثلاثاء
3 / مارس
اليوم الرابع في رحلة المقناص ..

من باب التغيير عن الادغال والغابه ..

وضعنا زيارة مدينة الشمس ( صن سيتي ) بوسط رحلة المقناص ..

وخصوصاً الاستمتاع بالملاهي المائيه الموجوده بالمدينه

هذي المدينه تبعد عن المحميه ساعتين بالسياره

وهي مدينه صغيره جداُ .. عباره عن منتجع سياحي فخم جداً وراقي

يوجد بها المنتجع حوالي أربع أو خمس فنادق خمس نجوم ..

ملعب جولف كبير

بحيره كبيره تمارس فيها أنشطه وألعاب بحريه .. والجيت سكي .. ومراكب للنزهه

ملاهي مائيه .. امواج وزحاليق من خلال أنابيب طويله وكبيره

ألعاب أطفال

بولنج

سينما

مركز سبا للمساج والجيم

العديد من المطاعم الراقيه والكافيهات

محلات تبيع تذكارات واكسسوارات وملابس

كازينو للقمار .. مالنا دخل فيه ذا

وكل فندق مختص بنشاط ترفيهي معين

يعني / فندق أمامه الملاهي المائيه .. فندق أمامه الجولف .. فندق بوسطه كازينو القمار .. فندق أمامه البحيره والالعاب المائيه والجيت سكي ومراكب النزهه .. وهكذا

المميز والحلو انها كلها جنب بعض .. وتمرها سيراُ على الاقدام

المنتجع جاهز من مجاميعه .. للراحه والاستجمام

حيث الطبيعه الخضراء .. والأنشطة المختلفه .. والراحه والهدووووء .. والمطاعم الراقيه

ويصلح للشباب والعوائل .. وخصوصاُ للعرسان شهر عسل

وحتشوفوا بأنفسكم الصور على جمال وفخامة المكان

توجد مشكله وحده فقط !! الزين ما يكمل

المنتجع به بعض القروووود .. فاللي يروح ينتبه

كما أن الأسعار غاليه !! الغرف والمطاعم .. وهذا طبيعي لفخامة المنتجع

وتوجد مشكلة البعد !! فبالإضافة لمشوارك من بلدك إلى مدينة جوهانسبيرغ .. ستركب سياره إلى الصن سيتي التي تبعد حوالي ساعتين ونص عن مطار جوهانسبيرغ .

يتبع ..

بعد الفطور ..

أحضر رضوان سيارة الفان المرسيدس ( 9 ) راكب

وانطلقنا الساعه ( 11 ) صباحاُ .. ومعانا شورتات الملاهي المائيه

جاهزين وحاضرين



وكان سواقنا ودليلنا السياحي في الرحله لصن سيتي برضوا رضوان

رضوان بتاع كله .. عارف كل شبر في المحميه .. سواق .. مرشد .. دليل سياحي .. قناص ..

رضوان ماقصر .. وضع لنا برنامج تسلسلي لتغطية كل المدينه

( أحب اذكركم هنا بالتكلفه الماليه لهذي الرحله .. نحن دفعنا مية دولار لكل شخص .. خمسين دولار حق التوصيل رايح جاي .. وخمسين دولار لدخول المدينه .. وتكرم علينا صاحب المحميه ولم يأخذ فلوس على أبوسعود وعبدالرحمن لأنهم مغادرين لمطار جوهانسبيرغ للعوده لكيب توان لإكمال دراسة الغه الإنجليزية .. واتفق مع سواق يأتي للصن سيتي لأخذهم من هناك إلى المطار مجاناُ )

( تنويه أخر مهم .. بالنسبة لدراسة اللغة الإنجليزية وتكاليفها في كيب تاون .. فسوف افرد موضوع في حلقه قادمه عن تجربة الشباب .. والتكلفه للمعهد والسكن .. وتقييمهم لمستوى الدراسه .. للإستفاده )

صور من الطريق







نجم / والله بتوحشنا يا أبوسعود انت وعبدالرحمن

أبوسعود / وأنتوا اكثر .. لكن كلها يومين وتجونا في كيب تاون بإذن الله

أبوحمزه / كان ودنا انكم صدتوا غزال .. لكن معوضه ان شاء الله

أبونمر / عبدالرحمن ماقصر صاد كم طير

أبوسعود / المهم لا تنسونا .. إذا صدتوا بإذن الله .. جيبوا لنا معاكم لكيب تاون كم كيلو

أبوحمزه / ابشر .. ربنا يسهل

يتبع ..

بعد ساعتين تقريباُ وصلنا لمدخل المدينه ..

وتحدث رضوان مع كاشير البوابه بأن لديه حجز ورقمه كذا ..

دخلنا وكانت مدينه ذات شوارع مرتبه وجميله ونظيفه

المحطه الأولى /
فندق ( ذا بالاس ) الفخم الراقي ..







ثلاث صور لمدخل الفندق







الفندق فخم جدا ً .. وحاولنا الدخول لمشاهدته من الداخل .. ولكن الأمن رفضوا بحجة عدم وجود حجزلدينا فيه .. الامن مستتب

المحطه الثانيه /
ملعب الجولف





مطعم وكافي بموقع رااااائع أمام الجولف



المحطه الثالثه /
فندق ( كاباناس ) + البحيره



ثلاث صور لمراكب النزهه





جمال الجبال وهي مكسوه باللون الاخضر أمام البحيره



الجت سكي .. بإيجار



لوحه بيانيه بالالعاب الموجوده في البحيره



عرض بكج موضح به الأسعار



يتبع ...

المحطه الرابعه /
فندق ( سوهو )



هنا عند دخولنا .. ذهب رضوان وحجز لنا غرفه !! وقال انها للراحه .. وتغيير الملابس .. وارتداء الشورتات للذهاب للملاهي المائيه !!

احنا استغربنا !! وقلنا للرضوان أن الغرفه مالها داعي .. لان بالتأكيد في الملاهي المائيه يوجد مكان لتغيير الملابس مثل أي ملاهي مائيه بالعالم .. وأصلاً مين حيدفع كلفة هذي الغرفه ؟؟

أصر رضوان .. وقال الغرفه على حسابه !! وأنه تعبان يبغى يرتاح فيها .. ويأخذ غفوه نومه .. على بال ما احنا نخلص من الملاهي .. ونرجع له

بكيفك .. على راحتك

صوره مشابهه للغرفه



وضعنا أغراضنا .. وغيرنا .. وطلعنا بالشورتات

المحطه الخامسه /
الملاهي المائيه

بموجب حجزك في أحد فنادق المنتجع يمنحك دخول مجاني للملاهي .. احنا خمسة أشخاص .. دخلوا أربعه مجاني .. وبقي الخامس دفع تذكره بقيمة ( 100 ) راند = 7 دولار تقريباً

هنا استغربنا !! لماذا دفعنا ( 100 ) راند !! واحنا دافعين ( 150 ) دولار دخوليه للمنتجع !! ( 50 ) دولار لكل شخص ..

هذي الملاهي مشابهة لملاهي ( وايلد وادي ) وملاهي ( أكوافنتشر في اطلانتس ) الموجودة في مدينة ( دبي ) وإن كانت أصغر ..

الملاهي كان موجود بها صناديق لحفظ الاشياء .. كما يوجد مناشف مجانيه بتأمين

صور الملاهي المائيه



مدخل الملاهي





مسبح الامواج .. ولكن الموجه ضعيفه جداً



الزحليقه الكبيره



ممرات مائيه للأطفال



امضينا حوالي ساعتين .. ورجعنا الفندق .. وبعدها ذهب الشباب للمطار

المحطه السادسه /
فندق ( كاسكيدز )



دخلناه .. وطلعنا المصعد الزجاجي .. واخذنا بعض الصور الجميله للمنتجه من علو





مسبح الفندق .. ويلاحظ جمال الطبيعه حوله



وهذى منظر اخر جميل للبحيره السابقه



المحطه السابعه /

العشاء في المطعم الهندي ( ذا راج ) الموجود في فندق ( سوهو )






الاكل كان لأربعة أشخاص .. وكان جيد جدا .. والسعر حوالي 100 دولار

سلم رضوان الغرفه .. ومشينا الساعه التاسعه والنص ليلاُ عائدين للمحميه .

( تنويه اخير مهم لهذا اليوم / خلال المفاهمه مع صاحب المحميه على رحلة الصن سيتي .. أخبرته بأن العوده والمبيت سيكون في المحميه .. فطلب 50 دولار لكل شخص حق المبيت ووضعه ضمن البكج .. ووافقنا .. لاحقاُ تبين أننا دفعنا مرتين حق مبيتين !!! واحد في المحميه !! والاخر في صن ستي !! حيث اتضح أن الغرفه التي أخذها رضوان كانت على حسابنا بموجب ( 150 ) دولار اللي أخذوها دخوليه للمنتجع !! وليست على حسابه كما أدعى !!!! احنا لو كنا ندري انها من فلوسنا كان نمنا فيها .. والصباح نرجع المحميه .. ونوفر 150 دولار حق مبيت المحميه )

مصخها رضوان وراعي المحميه !! صح ؟

الخصم اللي سووه لنا في البكج .. أخذوه من جهه ثانيه !!!

ياعمي .. المهم احنا انبسطنا

يتبع ..

اللهم بارك

تقرير جميل وتفاصيل مفيدة وأسلوب شيّق في الطرح.

بس رديت أشوف تاريخ سفركم كذا مرة
كان في بداية ها الشهر.. صح؟
كيف كان الوضع مع كورونا؟!!!

أعتقد في خطأ مطبعي في بداية التقرير
إنت كاتب إن درجة الحرارة بالفهرنهايت..
وأكيد تقصد درجة مئوية (سيليزي)..
يعني من أيام الصيف تخططون للرحلة.. صح؟

متابعين وياك تفاصيل التقرير،
محتاجين ها الأيام شي مفيد يشغل بالنا عن أخبار الكورونا،
الله يعافينا ويعفو عنا ويصرف عنا وعن الجميع البلاء والوباء.
بارك الله فيك.

جميلة جدا المنتجعات والفعاليات اللي فيها
رضوان مشكلة كبيرة والله
انتو حسيتوا على الاعيبه وانتم هناك . والا بعد العودة من السفر ! يعني اذا خلال السفرة ما وضحتوله هاي الاشكاليات .