على الساعه الرابعه قرر الشباب العوده للمقناص

ولكني لم أرافقهم لشعوري بالتعب من رحلة الصباح اللي استمرت حوالي خمس ساعات

اخذت لفه في المحميه للتعرف عليها .. وقمت بالتصوير

جاني الطباخ مامادو .. ورافقني قائلاُ / صورت السبا ؟

معقوله ؟ سبا هنا ؟

فأدخلني مبنى .. فيه سونا .. وبخار .. وغرفة مساج .. ومسبح بمويه داااافيه

والله شئ حلو وجميل .. مساج وسونا هنا في الغابات !!!

غرفة المساج


غرفة السونا




المسبح الداخلي الدافئ





بعده رحنا لمبنى كبير يصلح للعوائل الكبيرة



غرف النوم .. كبيرررره


صاله مع طاولة طعام ومطبخ


صاله مع المدفاه والتلفزيون


كما يوجد عدد اربع غرف نوم .. وثلاث حمامات .. يعني مبنى يصلح لعشرين شخص بالراحه

مامدو قال / ان المحميه تستقبل القروبات الكبيره والعوائل والاطفال ..

والرجال يذهبون للصيد .. وأحيانا بعض النساء يرافقونهم للنزهه

بعد ذلك وصلنا لمنزل كبير .. تبين أنه لصاحب المحميه شخصياُ

ويستقبل فيه أحيانا كبار الشخصيات .. ورضوان ينام به بالوقت الحاضر

صوره للمبنى من الخارج


صوره من قريب .. ومامادو مشخص فيه


على الساعه الثامنه مساء عاد الشباب ومعهم ثلاثة طيور فقط ( القطا – دجاج حبشي – حباري )

نجم / ما لقيتوا أرانب ؟

أبوسعود / لا تذكرني ياشيخ .. دورنا ولفينا .. مافي للأسف !!!

نجم / وليه تأخرتوا كذا ؟

أبوحمزه / رضوان رمى غزال يقول لصديق طلبه منه .. لكنه شرد وهو مصاب .. وجلسنا ندور ونلف عليه .. وأخذ مننا وقت طويل ولا لقيناه !!

أبونمر / يارضوان .. بالمناسبه .. إذا احنا صوبنا غزال وهرب .. ولا لقيناه .. يحسب علينا ؟ وندفع حقه ؟

رضوان / طبعاُ .. حتى لو ما مسكتوه .. لأنه مصاب وحيموت بعد فتره .. والمحميه ما استفادت منه .. فاحنا نعتبركم صدتوه وتدفعون حقه !!!

أبونمر / هيا هذا اللي كان ناقصنا !! فتح عينك أنت وهو بعد كذا .. مو ناقصنا ندفع فلوس على حاجه ما اكلناها ولا استفدنا منها !!

نجم / تعالوا اوريكم شئ .

واخذتهم لمبنى المنتجع الصحي حيث السونا والمسبح الدافئ

اندهشوا .. وسألنا رضوان عن سبب عدم اخبارنا بهذا المنتجع ؟

فاعتذر .. وتحجج بالنسيان

ملاحظات عديده على الاخ رضوان !!!

الاولى / عدم الذهاب مباشرة للاماكن الجيده والادعاء بانها لمحميات أخرى !!

والثانيه / حملنا تكلفة ماصاده !! بدون أن نطلب منه ان يصيد !!

والثالثه / عدم اخبارنا بالسونا والمسبح !!

والرابعه والاهم / عدم اخبارنا من البداية بأن كل غزال له سعر مختلف !!

أنا باذكر هذي الملاحظات للاستفاده .. والانتباه لها

الساعه عشره ونص جهز العشاء

وكان كبسة طيور وشوربه .. والطعم جيد

وبعدها عينك ما تشوف إلا النوووووم تجهيزاُ لرحلة ( صن سيتي ) غداُ ..

يتبع ..