بعد الغداء .. ومع شرب الشاي

التفينا حول رضوان ..

واحد يضحك معاه .. وواحد زعلان منه ويعتب عليه .. وواحد مره مع ذا ومره مع ذا .. في خطه محكمه للوصول لهدف معين

أبوحمزه مرحباً / هلا برضوان .. صرنا أصحاب .. وبينا عيش وملح

نجم بصوت حزين / رصيدنا خلص !! ولسه باقي عصرية اليوم !! ويوم كامل غداً !!

أبونمر يواصل فقرة الحزن / ايش نسوي !! نصيد طيور فقط !!

يعود نجم للحديث بنبره حاده بعض الشئ / الغزال الأول صحيح أكلناه .. لكن انت اللي صدته يارضوان مو احنا !!

أبوحمزه / رضوان رجال طيب .. وماقصر معانا .. صياد وسواق ومرشد .. وانا باعطي رقمه لاصحابي

أبونمر يعود لفقرة الحزن / أنا ماصدت ولا غزال !! وأنا اللي لابس لبس الصيد والقنص !! وجايب معايا كاميرا محترفين

نجم يواصل الهجوم / الانترنت من ثاني يوم انقطع !! وزين اللي معانا شرائح من المطار ولا كان ورطنا !!

أبوحمزه / رضوان ماله ذنب في الانترنت .. انت شفت بنفسك .. حتى اللي اخذناها من المطار تشتغل ساعه وتطفي ساعتين !!

ابونمر معاتبا / ليه يارضوان ماعلمتنا من بدري على المبنى الصحي اللي فيه السونه !!!

أبوحمزه / رضوان عطيني رقمك عشان اعطيه لأصحابي .

أبونمر / وأنا كمان عطيني .

نجم / وأنا كمان عطيني طيب ممكن يارضوان غزال امبالا ابو200 دولار مجاني من عندك .. نمشي فيه امورنا .. تعرف باقي يوم كامل !!

رضوان داخ مابين مادح وعاتب !! فوافق على طووول

حبيب رضوان .. برضوا فيه خير

على الساعه ( 4.30 ) عصراً .. انطلقنا في جولتنا الثانيه

ويحدونا الامل بغزال من نوع امبالا





وكل ربع ساعه .. توقف ..

امبالا ؟
لا ..
امشي ..

وراحت العصريه !! شفنا أكثر من غزال .. ولكنها ليست المطلوب !!

لا شفنا امبالا ولا يحزنون

على وقت غروب الشمس .. وفي وسط سهل كبير جميل



ياسلام على جمال الطبيعه .. والهدووووووء



شاهدنا قطيع من الغزلان





صوره قريبه منها .. ويلاحظ كبر حجمها





أبونمر وهو ماسك البندقيه وينظر من خلال الناظور / هذي ايش نوعها ؟



رضوان / هذي زي المها العربي حقكم .

نجم وهو يسال السؤال المعتاد / بكم ؟

رضوان / 850 دولار .

نجم / انزل ياحبيبي يابونمر .. حرك يا سواق .. ودينا للأرانب .



بعطيكم فكره عن صيد الأرانب

الأرانب تنصاد بأي وقت .. لكن بالليل أسهل .. لأنها تخرج من بيتها وتجي على نور السياره فيسهل صيدها

انتظرنا حتى اظلمت الدنيا تماماً .. ثم توجهنا لمنطقة الأرانب القريبة مننا



وحالما وصلنا .. نقز أرنب من خلف الزرع .. وصار ينطنط أمامنا في منظر مضحك

قام رضوان بتسليط ضوء الكشاف عليه بالإضافة لنور السياره

والارنب صار يخابط يمين ويسار !! مايدري وين يروح ..

ص للأرنب في الطريق



وفجأة توقف الأرنب

وكانت اللحظه المناسبه

فقام أبونمر برميه بالشوزن



واصلنا المسير طمعاً بالمزيد في الأرانب



عشر دقايق .. إلا زرافه وش كبرها امامنا



صوره اخرى مكبره للزرافه



أبوحمزه / رضوان هذي مو قلت انت أن لحمتها لذيذه ؟ بكم سعرها ؟

رضوان / 2000 الفين دولار !!

أبونمر / أنا اقول خلونا على الأرانب احسن



امضينا حول الساعه واحنا رايحين .. جايين .. ولا أرنب ثاني نقز قدامنا !!

الجو كان باااااارد .. فرجعنا المحميه

العشاء ..

تعشينا بالطيور والأرنب اللي صدناه

طعم الأرنب كان عادي !! ولحمته ناشفه جداً !! على الرغم من أن الطباخ طبخه بقدر الضغط

مافي زيك يالخروف الحري ..

الحري يكسب ..



يتبع ..