هل اشتقت للمطارات ... همسات المسافرين

أبولجيـن فهد · 11-04-2020, 02:15 AM

اقتباس : المشاركة الأصلية كتبت بواسطة Abu Muataz

و عليكم السلام و رحمة الله و بركاته ..

بصراحة أخوي أبولجيـن .. أنت مبدع في السرد
"أشك أنت شكلك كاتب روائي و مخرج أفلام خيال"

أقرا الأسطر و أقسم بالله أعيد عليها مرتين علشان أتاكد و أقول "هالمنظر مر على .."
"و هالموقف صار قدامي في رحلتي إلى ...."

أما عاد هالمواقف:
"ترا الدب اللي يمشي عرض بين المقاعد متجها لاخر الطائره
(يجي مع الطقم بكل طائرة).."

قسم بالله شرقت و أنا أضحك و تذكرت موقف صار لي مع واحد من هالنوعية ..
كنت أشوفه يتدربى بين المقاعد و أقول يا الله سترك .. لأنه جاي متأخر و كان باقي مقعدين جنب مقعدي ..
و أنا أرفع أكفف الضراعة للسماء أدعو الله أن لا يكون أحد القعدين له !!
لحظات ..و يقف أمامي و يفتح مخزن الأمتعة العلوي يبحث عن مكان لشنطته المسيكينة
المهم أنا اللى وترني يوم حط الشنطة و وقف يعدل البنطلون

المهم أنه شاف البوردنق .. و رمق الرقم الذي في أعلى صف المقاعد عندي .. ثم أستدار و تحرك مغادراً للخلف حيث يوجد مقعده ...
هنا أنا تنفست الصعداء و قلت في نفسي ..
"الحمد لله نجينا من وعثاء السفر .."
لأنه كان بينكد على الرحلة و بيصير همي ما غير أفكر أصير منتبه له أذا بيطلع من مكانه أو بيرجع له لأن مقعدي على الممر !!

"بس عاد الحمد لله قبل الأقلاع تبسم الحظ .. "
و باقي السرد غير قابل للنشر "

تسلم يا أبولجيـن و لا تحرمنا من هيك مشاركات

اهلا وسهلا اخ ابو معتز .. دام ظلك الشريف

نحن نختلف في جزئيات كثيره ونتشابه في اخرى ومنها انطباعاتنا

عن السفر .. والمسافرين والطائرات .. وهي ربما من النقاط التي يتشابه
الناس فيها كثيرا .. بدليل .. الكثيرين ربما لايتقبلون الحديث مع الغرباء في

( مول ) مثلا ولكنهم في المطارات ( يتداخلون ببساطه )

اما الدب فقد صورته انا .. وانت كملت الباقي هههههههههههههههههههههه
اجل يعدل البنطلون .. هذي الحركه ماقبل الانقضاض على كرسي السياحيه

المسكين

وتراه اثار الرعب من المقعد رقم 1 وهو داخل لين طاح عند واحد ( ماانتبه له)

الدب اذا كنت تقرا جريده او تقلب بجوالك يطب عندك .. اما انت اللي منتبه له

ومراقبه ومتخوف منه فيتعداك .. ( ويازينها لاجلس عند هندية مسكينه .. او فلبينو

تشوف عويناتها تدور مخرج ( مافيه ياحبيبي ) كاتمون .. ويبتسم ( كايدهم ) وهو

ينادي بصوت جهوري ( اكسترا بلت بليز ) ... طلع يعرف انجليزي بعد

وماحنا فاكينك .. كيف ابتسم الحظ عطنا الاكشن ستوري

ركبت جنبك ثلاثينيه مطلقه .. هيلاااااو ..

ايااام فوروم اسكوتلاند (بلهجه بريطانيه قحه ) .. ايوه كما نطقتها قبل شوي

عطنا القصه .. حبيتها وعطيتها ايميلك وتحلم انك تزورها في رحلتك القادمة للبرتش كونتري

واخيرا انت الاروع

مااقدر اهديك ورده لذلك ابهديك حاجه كذا فيها يخضور

زي الورده

السفيرة *ب*, Abu Muataz, طوق الياسمين و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المسافرين الى فرنسا	ام زياد	بوابة فرنسا	1	18-12-2019 08:51 PM
هام لكل السعوديين المسافرين إلى الفلبين	حمودي الرساوي	بوابة الفلبين	15	09-05-2016 02:26 PM
اشتقت لك يارض الحبوش اشتياق الصحاري للمطر(مناظر)	أبوهمس	بوابة اثيوبيا	8	20-07-2015 03:06 AM