| | |||||||
مـواضـيـع مـمـيــزة
189الاعجاب |
| | LinkBack  | أدوات الموضوع | انواع عرض الموضوع |
20-08-2020, 02:36 PM
| #1 |
| مسافر جديد  تاريخ التسجيل : Apr 2016 رقم العضوية : 9064 الدولة : مصر الجنس : ذكر المشاركات : 35 |  رحلتى الى الجميلة المظلومة أمستردام 2019
السلام عليكم ورحمة الله وبركاته  ولنا عودة الى الكتابة فى المنتديات بعد إنقطاع قارب ثلاثة عشر عام بسبب طغيان السوشيال ميديا على حياتي وحياة معظم الناس. حبيت أن يكون أول موضوع ليا عن أخر رحله قمت بها وأتمنى أن يكتمل الموضوع على خير و أكرر تجربة الكتابة والمشاركة مره آخرى فى المنتديات فى محاوله لأستعادة ولو جزء بسيط من حياتي السابقة، فمعذرة مسبقاً لو فقدت حماسي لإكمال الموضوع. تعريف بسيط أنا أحمد من مصر وأعيش بالرياض منذ أكثر من تسع سنوات أعمل بمجال تقنية المعلومات وأعول جميلتين  .بسم الله نبدأ ...
|
|  |
|
20-08-2020, 02:43 PM
| #2 |
| مسافر جديد تاريخ التسجيل : Apr 2016 رقم العضوية : 9064 الدولة : مصر الجنس : ذكر المشاركات : 35 | 
البداية البداية أول إبريل 2019 رحلة عمل مع زميل تستغرق يوم واحد الى فرانكفورت فى الثلث الأخير من إبريل لإستلام أعمال والإشراف على تشغيلها والرجوع بعدها الى الرياض, تم تجهيز الأوراق وإستلام التأشيره فى حوالى 10 أيام وحجز طيران للعائله الى مصر مع وعد بترتيب سفريه عائليه فى نهاية الصيف إن شاء الله وهو ما تم ترتيبه مرتين ولم يتم. الى أن صدرت التأشيره كان الترتيب أن تكون زيارة عمل فقط مع راحه يوم قبل ويوم بعد ثم العودة الى الرياض, يعني من الأخر أخرنا فرانكفورت ومع قليل من التفكير فكرنا انا وصديقى فى زيارة امستردام بعد الأنتهاء من يوم العمل بما اننا مسافرين بدون عائلاتنا وده عن فكرتنا المسبقة السيئه عن امستردام وانها بلد الموبيقات  وعليه كلمت مديري أن هحتاج يومين أجازه إضافيين ووافق وعليه تم حجز الطيران على الخطوط المصرية كان فيه عرض كويس جدا ترانزيت القاهرة تقريبا 1860 ريال ذهاب (الرياض - القاهرة - فرانكفورت) RIYADH KING KHALID INTL >> CAIRO INTL 23/04/2019 04:00 - 05:40 CAIRO INTL >> FRANKFURT INTL 22/04/2019 09:40 - 14:10 عودة (امستردام - القاهرة - الرياض) AMSTERDAM SCHIPHOL AIRPORT >> CAIRO INTL 28/04/2019 15:40 - 20:10 CAIRO INTL >> RIYADH KING KHALID INTL 28/04/2019 23:35 - 03:05 وللأستفاه القصوى من المده رتبنا أننا نخلص الشغل كله تاني يوم مباشرة وتوفير يوم الراحه و قد كان ...
|
|
| |
|
20-08-2020, 03:03 PM
| #4 |
| مسافر جديد تاريخ التسجيل : Apr 2016 رقم العضوية : 9064 الدولة : مصر الجنس : ذكر المشاركات : 35 |
الوصول الى فرانكفورت وصلنا فرانكفورت فى معادنا بالظبط وتحركنا من المطار خفاف بالمترو الى محطة Frankfurt (Main) Hauptbahnhof واللى جنبها الفندق مباشرة Hotel Monopol - Central Station المسافة من المطار الى المحطة الرئيسية ربع ساعه بالظبط  الفندق مطل على المحطة وفى سنتر المدينة سعر الليله للغرفة المفرده شامل الأفطار 56 دولار ويعتبر سعر كويس بالنسبة لفرانكفورت وللمكان رابط الفندق على موقع بوكنج موقع الفندق على خرائط جوجل دى كانت المره التالته اللى ازور فيها فرانكفورت فمكنتش مهتم انى اتفسح فيها فأكتفيت بزيارة نهر الماين والأستمتاع بالجو الجميل بعض الصور لفرانكفورت مع ملاحظة إن الصور من زيارات مختلفه فى اوقات مختلفه             ...
|
|
| |
|
20-08-2020, 08:59 PM
| #5 |
| مجلس الإدارة  تاريخ التسجيل : Dec 2014 رقم العضوية : 16 الدولة : فضاء العرب المسافرون الجنس : ذكر المشاركات : 31,659 |
|
|
| |
|
20-08-2020, 11:41 PM
| #6 |
| مسافر جديد تاريخ التسجيل : Apr 2016 رقم العضوية : 9064 الدولة : مصر الجنس : ذكر المشاركات : 35 |
اليوم الثاني أعمل بجد علشان أجازتك متبوظش اخدنا الفطار بدري في الفندق وكان موعدنا الساعة 10 صباحا في مدينه بجوار فرانكفورت اسمها لانين Langen ودي تعتبر مدينه صناعيه تقدر توصلها بأكثر من وسيله منها ال Subway S3  كان لسه ساعتين على الموعد ومينفعش اروح بدري فقولت أركب عجله واتحرك بيها شويه على نهر الماين واهو بالمره أوصل بيها للمحطة اللى هركب منها الـ Subwayوهى محطة Frankfurt(M)Stresemannallee موضوع البايك كنت أتعودت عليه قبل كده، الموضوع ممتع وغير مكلف بتختار البايك وتحمل الأبليكيشن وتعمل سكان للباركود بيفتح القفل وتركب والنص ساعة بنص يورو تقريبا مفيش أسهل أو أجمل من كده ولما توصل المكان اللي انت عايزه تنزل وتركنها في أي مكان وطبعا الألمان مهتمين جدا بموضوع الـ cycling ومش هم بس طبعاً أوربا الغربية تقريبا كلها عندها نفس الاهتمام لانين ضاحية من ضواحي فرانكفورت تعتبر مدينه أعمال معظمها مكاتب ومصانع بس طبعا في قلبها المدينة القديمة كباقي المدن الألمانية وجنبها غابه يستخدمها سكان المدينة في رياضة الـ cycling بشكل يومي أو أسبوعي الحمد لله تمت أمور العمل على أفضل مما كنا نتوقع وانتهينا على الساعة 5 مساءً تخللها الموعد المقدس للغداء واللي كان سلطه كحل بسيط لموضوع الغداء مع غير المسلمين. أهتمام الألمان بتربية الكلاب واضح فى كل مكان حتى فى العمل فترة الغداء ممكن تكون برفقه كلب  في نهاية اليوم أكرمونا بجولة في المدينة والغابة القريبة منها وللأسف مصورتش فيها كتير واستخدمت الموبايل وتحركنا بعدها الى فرانكفورت. الى الغابه   لانين القديمة        أتفاجأت أن شركة تأجير العجل شغاله هنا كمان  طبعا كنا جعانين ومش هنقضيها سلطه، الغدا كان في مطعم تركي اعرفه قبل كده اسمه نزار دونر رابط المطعم على خرائط جوجل طلبت شاورما  وطبعا على الفندق راحة ساعة وبعدها الى نهر الماين واللي فكرني بكورنيش النيل في عز الشتاء لما يكون فاضي.    وكمعظم مدن أوربا يوجد جسر الحب  ساعتين على ضفاف النهر الهادئ كفيله بإعادة الروح الى سابق عهدها ومنه الى الفندق مشياً في مدينة الأعمال الهادئة ليلاً للاستعداد الى قطار الصباح باتجاه الجميلة أمستردام. ...
|
|
| |
|
21-08-2020, 12:30 AM
| #7 |
| مسافر جديد تاريخ التسجيل : Apr 2016 رقم العضوية : 9064 الدولة : مصر الجنس : ذكر المشاركات : 35 |
متشكر جدا على التشجيع
|
|
| |
|
21-08-2020, 12:33 AM
| #8 |
| مسافر جديد تاريخ التسجيل : Apr 2016 رقم العضوية : 9064 الدولة : مصر الجنس : ذكر المشاركات : 35 |
أهلا وسهلا متشكر جدا على التشجيع الجميل فعلا الفندق كان أختيار موفق جدا وبسعر ممتاز فى مدينه زى فرانكفورت
|
|
| |
|
21-08-2020, 11:37 AM
| #10 | ||
| مراقب العرب المسافرون  تاريخ التسجيل : Dec 2014 رقم العضوية : 54 الدولة : K.s.a - الرياض الجنس : ذكر المشاركات : 4,432
|
| ||
|
| |
|
« جواهر أوروبا الشرقية ( التشيك وبولندا وسلوفاكيا )
|
أرض الطواحين..القنوات..التوليب ..( هولنـــــدا) »
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلتي الي اندونسيا الجميلة | بن قوت | بوابة اندونيسيا | 342 | 28-07-2024 03:25 PM |
| اوروبا الشرق سنغافورة الجميلة mar 2019 | AbdulazizMohammed | بوابة سنغافوره | 35 | 13-06-2024 09:17 AM |
| رحلتي إلى تركيا الجميلة | بن قوت | بوابة تركيا | 34 | 08-05-2020 10:57 PM |
| رحلتي الى باريس الجميلة 2017 مجموعة صور | طلال الفدعاني | بوابة فرنسا | 20 | 19-05-2019 03:36 AM |
| رحلتي الجميلة الى عروس البحر الابيض | glidoes | بوابة مصر | 71 | 28-09-2018 08:57 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
