رحلتى الى الجميلة المظلومة أمستردام 2019 - الصفحة 3

أبو مهاب · 23-08-2020, 09:31 AM

حياك الله من جديد تفيد ونستفيد
وتقرير خفيف ومرتب عن امستردام

استفساراتي عن رحلة القطار

هل المباشر أغلى بكثير وكم تاخذ وقت

أربع تغييرات كثيرة وخصوصا آخر تبديل بين اوتريخت وامستردام بس 3 دقايق

متابعين

heshow, توبليرون, آخـــرفـــرصـــة و 1 آخرون معجبون بهذا.

heshow · 23-08-2020, 11:40 AM

اقتباس : المشاركة الأصلية كتبت بواسطة أبو مهاب

حياك الله من جديد تفيد ونستفيد
وتقرير خفيف ومرتب عن امستردام

استفساراتي عن رحلة القطار

هل المباشر أغلى بكثير وكم تاخذ وقت

أربع تغييرات كثيرة وخصوصا آخر تبديل بين اوتريخت وامستردام بس 3 دقايق

متابعين

أهلا وسهلا بيك وشكرا على زوقك

بخصوص الرحلة المباشرة بتكون 4 ساعات

أما بخصوص السعر فده بيكون متغير ممكن تلاقى رحلة الساعه 5 الفجر بسعر 35 يورو والرحله اللى بعدها بساعتين مباشر برضه ب 80 يورو

أنا فاكر يومها كان سعر الرحلات المباشرة فى فترة من الصبح للضهر كانت 90 يورو للفرد وعليه قررنا اختيار الرحلة دى لأن هنوصل امستردام الضهر وكانت أقل سعر

نصيحتى: أهم عوامل حجز التذاكر
القاعدة الأساسية: لو عائله يبقى مباشر أو تبديل مريح لا يقل عن نصف ساعه
تحديد الوقت المناسب للمغادرة والوصول لعدم إهدار الوقت تحديد فى الزيارات السريعة
تفضيل الحجز على الوقت والتكلفه مجتمعين
القاعدة الذهبيه البحث ثم البحث ثم البحث ولا تعتمد على موقع واحد ويفضل الأعتماد على المواقع الرسمية للخطوط

بخصوص الأربع تغيرات فعلا كتيره بس ظروفنا كانت مساعده أن مفيش عائله معانا وكانت الشنطه اللى معانا حقيبة ضهر فكان الموضوع سهل

وكنا خايفين فعلا من التغيير الأخير لأنه كان 3 دقايق بس طلع الموضوع سهل لأننا نزلنا على نفس الرصيف اللى هنركب منه القطار الأخير وركبنا

وبصراحه كنا مهيئين نفسنا أن القطر ده هيفوتنا وهناخد اللى بعده وتحديدا أن فيه قطار كل 10 دقايق تقريبا من اوترخت الى أمستردام بس الأمور مشيت تمام جدا

أبو مهاب, توبليرون, آخـــرفـــرصـــة و 2 آخرون معجبون بهذا.

heshow · 23-08-2020, 11:46 AM

اقتباس : المشاركة الأصلية كتبت بواسطة توبليرون

ماشاءالله الصور روعه
والفندق ممتاز خاصه لما يرقونك وفندق خمس نجوم
جولات جميله
حلو ان شالو الاماكن والمحلات الغير لائقة وابعدوهم
الدراجات موجوده من زمان بكثره بهولندا مخصوص وانتشرت بكل الدول بعدها
حلوو للرياضه
مستمتعين ومتابعين

متشكر جدا لزوقك
اعتقد فعلا إن توجه الحكومه الحالية تحسين صورتهم للعالم
وفعلا الأساس فى استخدام الدراجات هو هولندا فى اوربا

توبليرون, آخـــرفـــرصـــة و الايمان معجبون بهذا.

heshow · 24-08-2020, 12:41 PM

.
.

اليوم الرابع في الرحلة – الثاني في أمستردام
جيثرون - Giethoorn

اهتدينا الى في أننا فترة الصبح تكون خارج أمستردام وأخر اليوم يكون في المدينة اللي لا يمل من المشي والتسكع فيها.

قرية الأحلام والقوارب والجسور الخشبية، فينسيا هولندا واللي أكيد مرت على أي حد مهتم بالسفر صوره لها في يوم من الأيام وقال الله على الجمال.

لو مسمعتش عنها قبل كده ممكن بس تكتب Giethoorn في جوجل واوعدك أنك هتشوف جمال من الصعب أنك تنساه.

الموقع على خرائط جوجل

شركات الرحلات في هولندا بتنظم رحلات يوميه من أمستردام الى جيثرون من أشهرها طبعا شركة Tours & Tickets واللي ليهم مكاتب كتير او ممكن تحجز الرحلة معهم ب 60 يورو للفرد من موقعهم

رابط الرحلة على موقع شركة Tours & Tickets

قررنا أننا نروح جيثرون عن طريق موقع discoverholland.com والتابع لمبادرة من مشغلي قطاع النقل بهولندا واللي بيوفر تذاكر للمناطق السياحية بأسعار مخفضة تشجيعا للسياحة.

التكت كان سعرها 26 يورو للفرد تشمل جولة قارب لمدة ساعة في جيثورن وتشمل تذكرة قطار ذهاب وأياب وباص الى من المحطة الى الموقع
يمكن حجز الرحلة من خلال الرابط التالي

رابط حجز التذكرة على موقع Discover Holland

مدة الرحلة كاملة في أتجاه واحد ساعتين تقريبا بالقطار والباص
البداية كانت من محطة القطار الرئيسية Amsterdam Central الى محطة قطار Steenwijk مع العلم أن في تبديل في المنتصف
من محطة قطار Steenwijk هتركب باص رقم 70 او 270 بنفس التكت هيكون أمام المحطة مباشرة وغالبا كل معظم اللى بينزل المحطة بيكون رايح جيثرون

صورة من الباص

هتتمشى مع الناس وهتوصل لأماكن حجز القوارب هتلاقى هناك طاولات شوف اللي عليها لوجو discoverholland واحجز بنفس التكت
وفيه كمان هناك قوارب خاصه وخيارات كتيره.

بعض الصور لجيثرون من تصويري

صورة للقارب اللى ركبناه

وبعد الأنتهاء من الجولة ممكن تتمشى شويه وتستمتع أكتر بالمكان ومتنساش تتغدى هناك مطاعم بتقدم طبق سمك جميل جدا

وترجع تانى بنفس الطريقه الى امستردام بس خلى بالك من مواعيد القطار علشان الوقت ميضعش منك

والقاكم فى اليوم التالي فى رحله آخرى خارج أمستردام

...

Abu Muataz, توبليرون, أبو مهاب و 6 آخرون معجبون بهذا.

Abu Muataz · 24-08-2020, 12:58 PM

الله على جمال Giethoorn ...
أنت كذا بتخلينا نغني " كان لك معايا .. أجمل حكايا بالعمر كله"
أبدعت أخي أحمد و أثرت فيها الحنين للسفر
"الله يفرجها أن شاء الله و ينجلي الوباء عنا و عن العالم أجمع ,,,"

توبليرون, أبو مهاب, heshow و 2 آخرون معجبون بهذا.

توبليرون · 24-08-2020, 02:06 PM

جميلة غيثرون والكل يتشوق يروح لها

صور روعه وجميله جدا
ننتظر بقية الرحلة

Abu Muataz, heshow و الايمان معجبون بهذا.

heshow · 30-08-2020, 02:19 PM

اقتباس : المشاركة الأصلية كتبت بواسطة Abu Muataz

الله على جمال Giethoorn ...
أنت كذا بتخلينا نغني " كان لك معايا .. أجمل حكايا بالعمر كله"
أبدعت أخي أحمد و أثرت فيها الحنين للسفر
"الله يفرجها أن شاء الله و ينجلي الوباء عنا و عن العالم أجمع ,,,"

فعلا مفيش أجمل من كده حكاية تشرفت بيك

Abu Muataz, توبليرون و الايمان معجبون بهذا.

heshow · 30-08-2020, 02:20 PM

اقتباس : المشاركة الأصلية كتبت بواسطة توبليرون

جميلة غيثرون والكل يتشوق يروح لها

صور روعه وجميله جدا
ننتظر بقية الرحلة

متشكر جدا لحضرتك

توبليرون و الايمان معجبون بهذا.

heshow · 30-08-2020, 03:00 PM

.
.
.

اليوم الخامس في الرحلة - الثالث في أمستردام
جولة الريف الهولندي وطواحين الهواء

طبعاً هولندا بلد الطواحين وكانت هي عماد حياتهم قبل الفحم والبترول في كل حاجه، من ضمن استخدامات الطواحين مثلا تقطيع الأخشاب العملاقة.

من ضمن المعلومات الظريفة اللي عرفتها في اليوم ده، أن الشعب الهولندي بيدفع ضرائب للحكومة نظير صيانة وتشغيل القنوات المائية للتخلص من المياه العذبة.

قررنا اننا نحجز الرحلة دي من موقع شركة Tours & Tickets واللى بتكون من خلال الباص والعبارة في جروب مع مشرفين سياحيين لزيارة الريف الهولندي وقرية الطواحين.

تكلفة الرحلة كانت 59 يورو للفرد وحاليا ب 69 يورو شاملة جميع الانتقالات خلال الرحلة وزيارة بعض المواقع التاريخية ودخول بعض الطواحين ، ممكن حجز الرحلة من خلال موقعهم

رابط الرحلة

مدة الرحلة كانت خمس ساعات ونصف وحاليا سبع ساعات
البداية بتكون ركوب الباص من مكتب الشركة بمحطة القطارات الرئيسية بأمستردام

والتحرك الى قرية الطواحين Zaanse Schans
وكعادة أمستردام المناظر الطبيعية الرائعة خلال الطريق

وصلنا القرية والعيب الوحيد الزحمة
وطبعاً للأخوة الصينين نصيب الأسد من أعداد الناس

كان متاح لينا عدد معين من الطواحين ندخلها مجاناً وفى طواحين برسوم
دخلنا طاحونة مخصصة لقطع الأخشاب المفروض أنها برسوم لكن كانت مشمولة ضمن رحلتنا
وكان فيه شرح مفصل لكيفية عملها من أول سحب الأشجار اللي بتنزلها المراكب في المياه باستخدام الطاحونة وأزاي يقطعوها

وأول لقاء مع الأحذية الخشبية التقليدية واللي كانو يلبسوها للحفاظ على أرجلهم
ما شاء الله كانو عمالقة

وفرصه حلوه طبعاً لعمل فوتوسيشن الفرح في المكان

وفيه طبعاً مصنع ومتجر للأجبان في المكان لو حابب تشتري

وطبعاً الحيوانات دي سعيدة جدا الأيام دي لأن مفيش زوار كتير
الله يسامح اللي أكل الخفاش وحبسنا

والبط يقوم فرحان من النوم يغطس ويعوم وهات يا لعب

بعد ما خلصنا الجولة تحركنا للباص في المواقف وكانت المشرفة المسكينة (اللي لابسه أحمر ورافعه علم في الأخر) منتظرانا نوصل بعد ما تأخرنا عليها، واكتشفنا أننا أول ناس وصلنا للباص

وتحركنا الى الوجهة الثانية - قرية الصيادين Volendam

هناك كان فيه دخول مجاني لمصنع لصناعة الأحذية الخشبية وشرح لطريقة صنعها وطبعا كالعادة محلات لبيع الهدايا والتذكارات

طبعا القرية جميله للألقاط الصور بس مطولناش فيها ، وطبعا الزحمة سيدة الموقف

وتمشينا الى الميناء ومن هناك تحركنا بالعبارة الى

الوجهة الثالثة وهي جزيرة Marken

ولما تحس انك تهت دور على العلم

وهي جزيرة جميله ، الرحلة كانت تشمل دخولنا لمصنع انتاج الوفل (أعتقد أصل الوافل كان هنا بس أعذروني مش واثق من ذاكرتي) وتذوقنا الوافل الطازج والمصنع عباره عن متحف صغير بيشمل مصنع الوافل واعلاه بيت الأسرة مالكة المصنع ويبتهي طبعا بالمحل اللي اشترينا منه وافل طازج

بعد كده دخلنا مصنع لإنتاج وتذوق الأجبان واللي كان مشمول في الرحلة، كل أنواع الأجبان تقدر تتذوقها وطبعا تشتري، بصراحة مكنتش فاضي أصور أعذروني.

وبعده موعد الغدا، طبعا غير مشمول في الرحلة، وفيه هناك في الجزيرة مجموعة مطاعم رائعة، لكننا اخدنا بنصيحة المرشدة السياحية وجربنا وجبة السمك فى المطعم اللى بجوار متحف ومصنع الوافل واللي كانت بجد تحفة.

وبعدها تمشينا شويه واستمتعنا بالغروب

طبعاً انا كنت أتمنى لو أكون مكان الست اللي راكبه الدراجة دي وتحديدا لما شوفتها بتنزل قدام بيتها اللي على شط الجزيرة مباشرة.

وانتهى بينا المطاف أننا وصلنا للباص للعودة بينا الى أمستردام للراحة ومعاودة التسكع ليلاً وأكل البطاطس في المدينة الجميلة.

...

أبو مهاب, q8ya metnaqla, السفيرة *ب* و 4 آخرون معجبون بهذا.

توبليرون · 31-08-2020, 05:38 PM

الصور كبيرة مو راضيه تفتح معاي

heshowمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الي اندونسيا الجميلة	بن قوت	بوابة اندونيسيا	338	08-06-2023 02:13 PM
اوروبا الشرق سنغافورة الجميلة mar 2019	AbdulazizMohammed	بوابة سنغافوره	34	18-09-2021 10:30 AM
رحلتي إلى تركيا الجميلة	بن قوت	بوابة تركيا	34	08-05-2020 10:57 PM
رحلتي الى باريس الجميلة 2017 مجموعة صور	طلال الفدعاني	بوابة فرنسا	20	19-05-2019 03:36 AM
رحلتي الجميلة الى عروس البحر الابيض	glidoes	بوابة مصر	71	28-09-2018 08:57 PM