تقرير آخر سفره الى كاليفورنيا ديسمبر 2019 (قبل الكورونا) - الصفحة 7

العنان · 28-06-2021, 09:36 AM

اقتباس : المشاركة الأصلية كتبت بواسطة قطرية كول

ماشاء الله مغامرات أخوي العنان ...بس الحمد لله إنكم تجاوزتوها بروح رياضية وماخليتوها تأثر على مزاجكم وتضيع يومكم..

وهذه مهارة لابد منا ندرب نفسنا عليها حتى نستمتع بسفرتنا ..

الفندق عجبني كهدوء وكموقع وعجبني أكثر إنه مافيه كازينو ..ومرتب صراحة بس مش بفخامة باقي الفنادق الكبيرة ..بس اللي يبي يبتعد عن الكازينوهات ومناظرها مش مشكلة يضحي بالفخامة ..

بس أنا عندي وجهة نظر بخصوص السفر إلى لاس فيجاس بالسيارة أنا أشوفه متعب والطريق مايسوى ولا فيه مناظر حلوة عشان أضحي وأروح طريق بر..

خمس ساعات وزيارة طريق بر متعبة وخاصة في الصيف ..لذلك أنا أرشح للعوائل اللي ترغب بالسفر للاس فيجاس السفر بالطيران الداخلي وأسعاره معقولة ومريح جدا..
وأساسا ماراح تحتاج السيارة في لاس فيجاس لأن التكاسي والليموزينات على قفى من يشيل

الحمدلله اللي ربي يسر لكم تذاكر في نفس اليوم وهالشي نادرا يحدث في لاس فيجاس..
بس ربي سبحانه ماحب يكسر بخاطر البنات

متابعين معاك ماتبقى من الرحلة المشوقة..

بنت بلادي تعليقك وملاحظاتك ما شاءالله دايما تثري الموضوع وتزيده جمالية ،،
فعلا موضوع الفندق اللي بدون كازينو مريح جدا مع ان نفس ماتفضلتي الواحد
راح يستغني عن نجمه واحده بسبب عدم وجود كازينو وهي طبعا تأثر على فخامة
الفندق وحتى مستوى الخدمة فيه ماراح تكون 10/10 لكن في النهايه الفندق نظيف
ومستواه جدا حلو لكن مب فخم ،، انا احكم للأمانه على الفنادق من الحمامات أجلكم
الله ، وبصراحة عندهم كانت جدا نظيفة ومستواها 8/10.
موضوع السفر بالسيارة من لوس انجلوس الى لاس فيغاس انا عن نفسي اشوفه متعه
وتقريبا لو حسبنا الوقت بالطياره ممكن يكون مقارب له ، اللي بيسافر لازم يروح قبل
موعد الرحلة بساعتين الى ساعتين ونص وحاليا مع ظروف كورونا مب اقل من 3 ساعات
قبل الرحلة وعندك ساعه طيران ولين تنزل وتاخذ الشنط وتاكسي او سيارة لحد الفندق
دخلنا في 5 ساعات ، وبالنسبه لي انا قد ما اقدر احاول الابتعاد عن المطارات في امريكا
الواحد من يدخل المطار عندهم يجيه شعور انه في اي لحظه بيوقوفونه ولو ماعنده شي

شاكر لك مره ثانية متابعتك وترقبي البقية.

الايمان, توبليرون و عبدالرحمن الصلال معجبون بهذا.

العنان · 28-06-2021, 09:40 AM

اقتباس : المشاركة الأصلية كتبت بواسطة الايمان

وينك اخوي العنان طولت علينا

ابطيت عليكم معليه بصراحة التجهيز حق السفرة الجاية شوي ماخذ وقتي على الانترنت
لان بتكون تقريبا 40 يوم بين نيويورك واورلاندو ولوس انجلوس ولاس فيغاس وفي بعد بيق
بير ليك يومين،، بس ان شاءالله بحاول اني انزل قد ما اقدر الاجزاء المتبقية من السفرة

الايمان, q8ya metnaqla و توبليرون معجبون بهذا.

العنان · 28-06-2021, 09:44 AM

اقتباس : المشاركة الأصلية كتبت بواسطة توبليرون

الحمدلله رجعت للتقرير بعد توقف سامحونا
ما عندي شي اقوله الا اني مستمتعة بالرحله والاماكن اولها صورة باغزبني وجزرته
والاستديوهات الجميله
وكذلك اليونيفرسال انا معاك احب كرتون فلونستون مع انهم مفروض ناس قدامى وحضارة قديمة بس عندهم كل شي كشخه هههه
الشقة جميله وواسعه
اما النطة من الدريشه مغامرات بس زين سويت والا ليمتى بتنتظر صاحبة الشقة
بس الحجز راح عليكم اشوه انكم حصلتوا حجز ليوم ثاني
بانتظار التفاصيل لا تنسى كلش ولا كوبر فيلد

والاهم نتمنى لكم رحلة جديدة ممتعه اكثر واكثر وتقرير تفيدنا فيه لا تنسانا

اتمنى ان الانقطاع الخارج عن الاراده مايقطع عليك وعلى باقي الاخوان والاخوات
تسلسل الرحلة والاستمتاع بها ،، وان شاءالله تشوفون باقي الاجزاء الممتعة

الايمان و توبليرون معجبون بهذا.

الايمان · 28-06-2021, 10:20 AM

اقتباس : المشاركة الأصلية كتبت بواسطة العنان

ابطيت عليكم معليه بصراحة التجهيز حق السفرة الجاية شوي ماخذ وقتي على الانترنت
لان بتكون تقريبا 40 يوم بين نيويورك واورلاندو ولوس انجلوس ولاس فيغاس وفي بعد بيق
بير ليك يومين،، بس ان شاءالله بحاول اني انزل قد ما اقدر الاجزاء المتبقية من السفرة

ناطرين تقرير قبل الكورونا وناطرين رحلتك القادمة ان شاءالله مع ادق التفاصيل لاجراءات كورونا الجديدة علينا
بيق بير ليك اول مرة اسمع عنها

توبليرونمعجبون بهذا.

العنان · 28-06-2021, 11:55 AM

اليوم الثاني في لاس فيغاس

بعد ماراحت علينا تذاكر عرض ديفيد كوبير فيلد امس بسبب النوم (النوم سلطان فعلا)
دخلنا من جديد وحجزنا تذاكر لعرض اليوم اللي احنا فيه والحمدلله حصلنا مقاعد حلوه
وكانت طاوله ل6 اشخاص قريبه من المسرح ،، بعد ماحجزنا التذاكر نزلنا نفطر وكنا
مسوين بحث قبلها عن اماكن الفطور وحصلنا تقييم عالي لمكان اسمه مستر ماماز
Mr. Mamas Breakfast And Lunch

المكان متخصص بالفطور الامريكي اللي يقدم البان كيك بأنواعه والبيض بطرقه
المختلفة مع الهاش براون بالاضافة للقهوه الامريكيه السوداء، طبعا المكان كان بعيد عن
الفندق ياخذ تقريبا ربع ساعه الى ثلث ساعه بالسيارة ، ركبنا موترنا ودخلنا العنوان في جهاز
الملاحة وتوكلنا على الله وانطلقنا الى المطعم ، صفينا مقابل المطعم ودخلنا الى المكان
طبعا المكان عبارة عن مشروع عائلي يدار من الاسرة وميزة هذه المشاريع ان الواحد
دايما يحس فيها بنوع من البساطه والدفئ وكأنه جالس في منزله او منزل احد اقربائه
بالاضافة الى طعم الاكل اللي يعتبر هوم ميد، المهم جلسنا وجانا الويتر واخذ الطلب وفي
اثناء انتظار الاكل جلسنا نتكلم عن يوم امس وكيف نمنا عن العرض الا بشخص من العاملين
يقترب لطاولتنا ويتكلم معانا ، طبعا الحوار كان ان اللهجة حسها مألوفه له فقلنا له احنا عرب مسلمين
من قطر ، طبعا يوم قلنا له قطر قال كأس العالم 2022 (هالكاس سوا لنا تسويق عند متابعين الكوره) المهم
جلسنا نتكلم عن الكورة شوي بعدها عرفنا بنفسه طلع هو صاحب المكان وانه هو من اصول قبرصيه
جده الثاني كان مصري انتقل من مصر الى قبرص بعدها ابنه اللي هو جده الاول هاجر الى امريكا
وفتح هذا المطعم اللي ورثه من جده وقبله ابوه وانه كان احيانا يسمع بعض الكلمات من ابوه شبيهه
بنغمات كلامنا ، المهم بعد هذه الدردشه الرجال قام وتوصى فينا كل شوي يجي يتطمن الاكل وصلكم
كيف كان هل القهوه ساخنة ومن هالامور ، لحد ماخلصنا ودفعنا الفاتوره وغادرنا ، طبعا كان
الحدث الاساسي في هذا اليوم هو حضور عرض ديفيد لكن كان الوقت بدري وايد وهنا جات في بالي
فكره واحنا جايين بالطريق كنا نشوف لافتات مختلفة لفنادق وعروض واعلانات بلاس فيغاس كان
من ضمنها اعلاض لأكوريوم فسألت العيال اذا حابين نروح ونشوفه فالكل ايد الفكره وتوجهنا الى
Shark Reef Aquarium at Mandalay Bay Hotel in Las Vegas

طبعا المكان مب ان الواحد يتعنى له من لوس انجلوس الى فيغاس حتى يزوره لكن اذا وصل الى
فيغاس فزيارته خصوصا للعوايل بيكون خيار موفق ، هو بصراحه ممتع الواحد يشوف الحياة البحرية
والقرش والاسماك المتوفرة في احواض عملاقه ، كانت تجربة جميلة وانصح العوايل اللي تزور
فيغاس ان تزور هالمكان، طبعا بعدها رجعنا السيارة الى مواقف الفندق وكملنا جولتنا على رجلنا
الجو كان جميل شتوي بالنهار حلو للمشي فأخذنا نتمشى في شارع الستريب وندخل الفنادق اللي نقابلها
لان اغلب الفنادق الكبيرة خصوصا بداخلها محلات تجارية وبعضها بداخلها مول فقضيناها بين المولات
والفنادق الى وقت الغدا كنا اذا ماني غلطان في فندق سيزر وتغدينا بمطعم تشيز كيك فاكتوري بعدها
رجعنا للفندق صلينا وريحنا شوي بعدها بدلنا الملابس وطللعنا للجولة المسائية اللي تسبق عرض ديفد
وحياتكم طول ما انا برع عين على الشارع وعين على الساعة (على قولة المثل المصري اللي يتلسع من الشوربه ينفخ في الزبادي) بعد مافيني شده احجز تذاكر للمرة الثالثة ، المهم لين قرب وقت العرض توجهنا لفندق MGM واللي كان فيه عرض ديفد، انتظرنا لين فتحت البوابات وبعدها اخذونا للطاولة الخاصة فينا
بعدها وقبل بداية العرض رحت للبار اخذت بوب كورن و أم اند امز ومشاريب لنا، الين بدت الساعة
تقرب من انطلاق العرض ، كانت لحظات حاسمة البنات اول مره يحضرون العرض وانا حضرته سنة 2008 يعني من 11 سنه فكنت اتسائل هل العرض بتكون فيه بعض الخدع القديمة او كلها جديدة، طبعا بدأ العرض واللي فعلا حبس الانفاس من بدايته الى نهايته كان ممتع بكل ماتعني الكلمة من معنى وكل خدعه فيه كانت أحلى من الثانية يعني لو اقيمه بصراحه 10/10 وانصح كل واحد مب انه اذا راح فيغاس يحضره
الا بالعكس لو انه في لوس انجلوس يتعنى الى فيغاس بس علشان يشوفه لانه قمة في المتعة ، مثل ماتعرفون انا ان شاءالله تاريخ 16 يوليو يعني بعد 18 يوم مسافر الى أمريكا ، وماكانات فيغاس في الخطة لان بنروح نيويورك بعدها اورلانو وبعدها لوس انجلوس ، لكن البنات يوم عرفوا اني ماحيطت فيغاس ضمن الجدول الحوا علي ان نزورها بس حتى يحضرون العرض الخاص بديفد كوبر فيلد من كثر ماهو ممتع ، وبالفعل حطيتها ضمن المخطط وان شاءالله اليوم راح احجز السكن فيها بالاضافة للعرض الخاص بديفد.
بعدها انتهى اليوم وتوجهنا الى الفندق بدلنا ونمنا لاستقبال يومنا الثالث في فيغاس ، طبعا بعد ماصحينا
توجهنا الى مطعم iHop واللي يعد ايقونه من ايقونات مطاعم الفطور في امريكا فطرنا فيه وكملنا جولتنا
في فيغاس بنفس النسق محلات مولات الى الفترة المسائية واللي كان لنا موعد مع العرض الثاني اللي حجزناه وهو عرض للاسف انخدعنا بتقيمه لان كان ممل ولافيه اي متعة لدرجة ان اغلبنا نام في العرض
والعرض كان O by cirque du soleil، اذا كان في تقييم له اعتقد 4/10 كفايه كنسبة تقييم له ولا انصح فيه.

وكانت هذه الليلة اخر ليلة لنا في فيغاس بعد ماخلص العرض طلعنا نتعشى بعددها توجهنا الى الفندق.
اليوم الرابع كان هو الوداعيه صحينا وهل سكرنا اغراضنا ونزلنا الشنط للسيارة وسوينا التشيك اوت وقمنا
نتمشى بالمول اللي بفندقنا البنات كانوا يبون يتبضعون شوي وبعد ماخلصنا ركبنا السيارة وتوجهنا لاقرب محطة بترول شيكنا البترول فل وتوكلنا على الله متجهين الى لوس انجلوس.

q8ya metnaqla, توبليرون و عشقي السفر معجبون بهذا.

العنان · 28-06-2021, 12:00 PM

اقتباس : المشاركة الأصلية كتبت بواسطة الايمان

ناطرين تقرير قبل الكورونا وناطرين رحلتك القادمة ان شاءالله مع ادق التفاصيل لاجراءات كورونا الجديدة علينا
بيق بير ليك اول مرة اسمع عنها

ابشري بسعدك .. Big Bear Lake هذه من اكثر من 6 سنين وانا افكر ازورها وكل مره اخليها للسفرة اللي
بعدها لكن باذن الله هالسنة خلاص حجزت سكن ورتبت جدول ،، باختصال هي منتجع صيفي وشتوي يقصدونها
السياح الداخليين والخارجين لممارسة الرياضات والالعاب الشتوية في الشتاء بالاضافة للفعاليات الصيفية في
الصيف، فيها فنادق بالاضافة لكباين وفيلل ومدينة صغيرة وأساس المكان هو بحيرة الدب الكبير .

q8ya metnaqla و توبليرون معجبون بهذا.

العنان · 29-06-2021, 11:52 AM

ديزني لاند كاليفورنيا من 23-26 ديسمبر

حجزنا فندق في ديزني لاند مع تذاكر دخول للالعاب ، الفندق كان
Disney's Paradise Pier Hotel
للفتره من 23 الى 25 ديسمبر الحجز كان عباره عن 1 Bedroom Suite
مكون من غرفه فيها سريرين كوين و الصالة فيها سوفا بيد ، طبعا كان هذا الشي
الوحيد المتوفر بسبب فترة الاحتفالات براس السنه مع اني كنت ادور على حجزفي بداية
شهر 10، تقريبا شهر ونص قبل الموعد المطلوب، المهم طلع لنا السكن لمدة ليلتين
مع تذاكر ل6 اشخاص 2 بالغين و 4 تحت 18 سنه لمدة ثلاث ايام ب15800 ريال
صباح يوم 23 ديسمبر 2019 قمنا وهل فطرنا ونزلنا الشنط من الشقه للسيارة
وطبعا كالعادة اول عنوان ندخل في جهاز الملاحة هو كوفي شوب شارب صديقنا
Sharp Specialty Coffee

مرينا عليهم اخذنا لنا قهوه وبعدها توجهنا الى جنوب لوس انجلوس وكانت المسافة
ماخذه منا 45 دقيقة تقريبا، الجو كان حلو غيم وبرد لوس انجلس الخفيف الممتع
يعني تلبس بلوفر بالسيارة وتكون مدفي نفسك ولا تحس ببرد مثل أوروبا أو نيويورك
المهم كل ماقربنا لجنوب لوس انجلوس باتجاه اناهايم زادت الغيوم وانا زاد معاها
تفكيري ، كنت متخفوف من الامطار انها تأثر علينا في وقت الالعاب لكن ماكان
في خيار ثاني التذاكر محجوزه مسبقا وهالفترة من السنة معروف فيها الامطار
لكن كنت اتمنى أنها ماتكون كثيرة، بحمدالله وصلنا الى اناهايم وبدينا نشوف الناس
بالشارع لابسه ملابس فيها شخصيات ديزني او لابسه قبعات بإذن ميكي ماوس
فعلا الاجواء الخارجية بحد ذاتها متعة كيف وانت بداخل ديزني لاند اكيد شي
يفوق الخيال من ناحية متعة واثارة، بعدها وصلنا للفندق نزلنا الاغراض
وكان لحد اللحين باقي على التشيك ان كم ساعه لان التشيك ان الساعه3 العصر
فقلنا لهم اصلا الفندق هو بس للنوم خلينا الشنط عندهم بالامانات وطلبنا ياخذونها
للغرفة لما يكون وقت التشيك ان وتوجهنا الى ديزني لاند ، طبعا الفندق ماكان
له مدخل مباشر الى ديزني كان لازم نتجه له مشي على الاقدام مرورا بمنطقة
ديزني داون تاون واللي كان فيها المطاعم والمقاهي ومحلات الهدايا التذكارية
حجزنا يومين كل يوم كان لمدينة مختلفة (Disney California Adventure Park )
و (Disneyland Park) وما اخترنا التذكرة اللي تعطيك صلاحية
دخول لمدينتين بيوم واحد لان مستحيل تقدر تخلص مدينه بالكامل في يوم
واحد وتروح في نفس اليوم للمدينة الثانية ، بشكل عام ما راح اغطي اليومين
بالشرح لانه كان تنقل بين الالعاب والمطاعم ولكن بانزل صور اخذتها
هناك على مدار اليومين ، وفي شغله بصراحة صادفتنا وهي خارجه عن
الارادة الا وهي المطار على مدار اليومين كان المطار ينزل بشكل متقطع
واللي أثر بشكل بسيط على المتعه اضافة الى ان بعض الالعاب تم ايقافها
لدواعي الامن والسلامة، واللحين اتركم مع الصور وان شاءالله تعجبكم.

q8ya metnaqla, توبليرون, عبدالرحمن الصلال و 1 آخرون معجبون بهذا.

q8ya metnaqla · 29-06-2021, 03:33 PM

الله على فيغاس والله على لوس انجلوس
عليكم بالعافيه شنو تقيمك للمطعم اللي فيه القبرصي ؟
واااو ديزني متعه مالها حدود حق الكبار قبل الصغار

الله يسهل عليكم رحلتكم اليايه 🙏🏽

Abu Muataz, العنان و توبليرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

العنان · 30-06-2021, 07:41 AM

اقتباس : المشاركة الأصلية كتبت بواسطة q8ya metnaqla

الله على فيغاس والله على لوس انجلوس
عليكم بالعافيه شنو تقيمك للمطعم اللي فيه القبرصي ؟
واااو ديزني متعه مالها حدود حق الكبار قبل الصغار

الله يسهل عليكم رحلتكم اليايه 🙏🏽

الله يعافيج اختي ويجزاج الخير ان شاءالله
بصراحة ماقد سمعت عنه هالقبرصي
اذا عندك اسمه كتبي هنا لو سمحتي
وان شاءالله احطه من ظمن قائمة المطاعم
للرحلة الجاية ، انا بصراحة هالمرة بس
حجزت السكن والتذاكر والبنات الله
يحفظهم هم اللي خططوا للرحلة
بالكامل من اماكن سياحية وطاعم
واسواق وقهاوي، فراح اضيف اسم
المطعم بعد ماتعطيني اياه باذن الله

q8ya metnaqla و توبليرون معجبون بهذا.

q8ya metnaqla · 30-06-2021, 09:51 AM

اقتباس : المشاركة الأصلية كتبت بواسطة العنان

الله يعافيج اختي ويجزاج الخير ان شاءالله
بصراحة ماقد سمعت عنه هالقبرصي
اذا عندك اسمه كتبي هنا لو سمحتي
وان شاءالله احطه من ظمن قائمة المطاعم
للرحلة الجاية ، انا بصراحة هالمرة بس
حجزت السكن والتذاكر والبنات الله
يحفظهم هم اللي خططوا للرحلة
بالكامل من اماكن سياحية وطاعم
واسواق وقهاوي، فراح اضيف اسم
المطعم بعد ماتعطيني اياه باذن الله

لااا اقصد المطعم اللي تريقتوا فيه قالك ان يد يده قبرصي او مصري

العنان و توبليرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الي سيرلانكا 2019 ديسمبر	artist dreamsss	بوابة الهند وسيرلانكا	16	14-02-2022 10:06 AM
مشورتكم في رحلتي الي الفلبين مع العائله ديسمبر 2019	Dawas	بوابة الفلبين	2	10-11-2019 08:46 AM
شهر العسل تايلند ديسمبر 2019	alshaia	بوابة تايلند	7	23-09-2019 09:42 PM
شهر العسل تايلند ديسمبر 2019	alshaia	بوابة تايلند	0	06-09-2019 09:25 AM
سفره شتويه نهاية ديسمبر	موجة بحر	بوابة البوسنة	12	16-10-2018 05:41 PM