27-06-2021, 09:50 AM
|
#2 |
مسافر متميز
تاريخ التسجيل : Jan 2020 رقم العضوية : 40973 الجنس : ذكر المشاركات : 151
| 
 |
يارجال اول مره اطلع من حدود القصيم هههههههههههههههههههههههههههه " بعدين ال 7000 المتبقيه في الحساب ماراح اصرفها المقصد منها مبلغ للطوارئ هناك مثلا رحله ماطرت على البال ولا ادفع منها للاكل خارج الفندق وكذا يعني انا عارف ان التسعيره هناك راح تختلف بمجرد اني افتح فمي واتكلم ف قلت ان شاء الله ذي تكفي وبيني وبينك لو اخذ بها المبلغ سياحه دوله غير عربيه كان افضل بس اخوك ميح بالانجليزي الله يهديك خليت ضميري يأنبني  | | لا يأنبك ضميرك الحياة تجارب ودروس تستفيد منها وكويس انك لحقت تاخذ آراء الناس في المنتدى لعل ان شاء الله تفيدك وكان ودي انك حجزت الفندق حتى بدون افطار مع انه اتوقع اغلب الفنادق دائما الافطار مجاني حتى تاخذ راحتك في اختيار المطاعم ونوعية الاكل والافضل انك تاكل من مطاعم نظيفة وسمعتها كويسة عشان لا قدر الله لا يصيبك تسمم او شيء وانت لوحدك وحاول ابحث في قوقل ماب وتشوف تعليقاتهم عن المطعم الي ناوي تزوره ، انا من رأيي مثل ما قال أبو عبدالله حاول تتفاوض مع شركة السياحة وتخليها 4 ايام القاهرة و 3 ايام شرم الشيخ او العكس 3 ايام القاهرة و 4 ايام شرم الشيخ مع اني افضل العكس انه تكون المدة اطول في القاهرة بحكم انها اكبر وتعدد اماكن السياحة فيها وهي بصراحة تعتمد على رغبات الشخص اذا سياحة بحر وتوابعه خلي شرم الشيخ الاطول واذا تبي كافيهات ومولات واسواق ومطاعم وسهر وتوابعه طول في القاهرة .
انا ما ادري ايش جوك والاماكن الي تبي تزورها في القاهرة لكن بما انه حجزك على النيل بإمكانك تقضي يومك تمشية فيه والجلوس في المطاعم والكافيهات الي فيه وابحث في قوقل ماب بالخريطة وتحصل تقييمات وصور للناس وانطباعهم عن كل مكان تجده . عندك المهندسين شارع جامعة الدول ايضا مليء بالمطاعم والكافيهات واذا تبي اماكن مغلقة تحتوي مطاعم وكافيهات وسينما مثلا وتمشي فيه عندك المولات كمثال كايرو فيستيفال مول ، الصن سيتي مول ، سيتي ستارز ، ومول العرب وفيه مول اعتقد جديد فتح في مدينة نصر سمعت عنه لكن والله ما اعرف اسمه .
شرم الشيخ اذا باقي ما حجزوا لك الفندق او فيه امكانية تتفاوض وتعدل على الحجز خليهم يحجزون لك في خليج نعمة فندق النوفوتيل كخيار 5 نجوم او فندق المارينا كخيار 4 نجوم ، انا اتذكر على زياراتي السابقة في شرم الشيخ في 2012 تقريبا و 2018 ( زيارة 2018 كانت سيئة بسبب حادثة سقوط الطائرة الشهيرة ) كان خليج نعمة هو الافضل ولكن الآن لا اعلم ما زالت الافضلية له ام لخليج القرش او الشارك ومنطقة السوهو سكوير يفيدوننا الاعضاء في هذا الموضوع
ايضا فيه فندق مدحه واحد زار شرم الشيخ في شهر مايو هذه السنة اسمه حدائق السلطان لكن لا اعلم موقعه في خليج نعمة ام خليج القرش . اختيار الفندق وموقعه في شرم الشيخ بالذات انك لوحدك مهم جدا لانه بعض الفنادق من النشاطات والاكتيفيتي والعروض الي فيها ممكن ما تخرج منها الا قليل .
ان شاء الله تجربتك تعجبك وتوثقها وتنزل لنا التقرير هنا بعد رجعتك بالسلامة ان شاء الله ومثل ما قال اخونا آخر فرصة خلي توثيقك بجوال تصويره حلو افضل لك من قروشة الكاميرا ، ههههههههه محسوبك دايم يعتمد على من يرافقه في التوثيق احب اعيش اللحظة ولا اقروش راسي بتصوير وكذا واتوقع المنتدى يختلف معاي في هذه النقطة لاني ان سافرت لحالي ( وهذا لا افضله ) ما بيشوفون تقارير مني كذا ههههههههههههه
تروح وترجع بالسلامة ان شاء الله |
|  |
52الاعجاب
العرض المتطور
المواضيع المتشابهه 
