 |
ماشاء الله عليك ردودك تشرح الصدر والله والصراحه ماعرف كيف ارد جميلك والله
بالنسبه للالف هي مو الف لاني لو اخذت كيلو متر مفتوح راح تكون بالظبط٤٨٠٠ ريال +٤٨٠٠ عشا ن التامين
وبيني وبينك مزانيتي ماراح تكفي كذا والله وللاسف الشديد اضطريت اسدد قسايم علي من ساهر وقسمت ظهري والله
لاكن لقيت شركه ثانيه اسمها caroوكيلو متر مفتوح لاكن انا ما اعرف عن الشركه شئ كيف تامينها وهل تقبل بطايق مسبقه الدفع
وسعرها جدداااا معقول ارخص من يورب كار ب٢٤٠٠ ريال وهذا فرق جامد
بالنسبه لي فايريت لوتعرف شى عن الشركه تفيدني لان سعرها مغري
ولا خليني علي يورب كار احسن حتي لو اخذت كيلو متر محدود
رايك والله مخي انفجر ماني عارف اخلص من شي اورط في شي ثاني اخس بس الحمد لله
ياريت تكرمني وتدلني علي الشي الصح
والله يعطيك العافيه يارب | |
.
الله يرفع قدرك ويحفظك ومن تحب فقط لاتنسانا من دعواتك بظهر الغيب
فوالله انها مانبحث عنه ونحتاجه
.
.
تصدق بالله انا احس بمتعة وسعادة في التخطيط والترتيب لاي سفرية تخصني
واقضي ساعات طوال على الكمبيوتر بدون ملل ولا كلل تصل في بعض الاحيان الى درجة الجنون
هي حلاة الرحلة تخطيطها وترتيبها والتعب عليها مثل المقبلات قبل الاكل
.
شوف يالغالي لا ورطة ولا شي ان شاء الله ماقُدر لك لن يخطيك وكل شي عنده بأجل مسمى
ثق بما كتب لك تكن أسعد الناس
واللي يبغى الدح يابوانمار .... ؟ عاد كملها انت لاهنت
.
ثم انت كيف حكمت انت يورب كار راح تاخذ منك وديعة نفس قيمة السيارة مو شرط واتوقع
ماتوصلها لو سكست كان قلت يمكن لكن يورب كار ابد ما اتوقع وهذا لاتعتبره
تأكيد مني لكن مجرد توقع على تجارب واراء سابقة
.
راجع هذا الموضوع
.
ومن الخطأ انك تحسب مبلغ الوديعة بهذه الطريقة اصلا هو اسمه وديعه اسم على مسمى
يعني المبلغ راح يرجع لك ان سلمتهم السيارة سليمه والبنزين مثل ما استلمته ولا عليك مخالفات
.
بالنسبة لشركة كارو ماسبق لي والله ان جربتها ولا اعرف احد جربها ولكن شفت في المنتديات البعض من استأجر
منهم يمدح فيها وفي منهم هنا في المنتدى لو بحثت في قوقل باسم الشركة وتبعتها باسم زاد المسافر راح تشوفها
.
اللي اعرف انك لو استأجرت منها عن طريق رينتال كار فتوكل على الله وخذها رينتال كار موقع آمن ومضمون ان شاء الله
ويكفيك انه هو وبوكنج واقودا كلهم تحت مضلة شركة واحده اسمها برايس لاين
المشكلة فقط تكمن في قلة فروع الشركات الصغار بعكس الشركات الكبار فلو حدثت مشكلة
لا سمح الله سيعاني المستأجر من قلة الفروع
.
استخير الله قبل كل شي ثم اتكل عليه
23-04-2015, 11:39 PM
رد: يورب كار والتامين مساعده ضروري 
العرض المتطور
المواضيع المتشابهه 
