السلام عليكم

عندي رحلة لبريطانيا يوم ٢٦ ماي و الرجعة ١٦ جون
الوصول مطار هيثرو و الرجوع من مانشستر. بالنسبة لخططي (غير مرتبة)

- يوم الى الى يومين مولات و اوتلتس
- ٤ ايام بمنطقة وندرمير (او اي منطقة ريفية)
- ههمممم؟ مدري وش بعد :d

طبعا انا مالي في المتاحف و الكورة نهائيا

up ;-;

اقرا التقارير وبتلقى كل شي فيها

ماشاء الله عندي رحلة لبريطانيا لمده مقاربه بس بنهاية جولاي
مااعرف اذا خلص حجوزاتك
بالنسبة للرحلة تختلف على حسب ميولك ومااعرف وش تفضل
بالنسبة لي اشوف لندن يكفيها 5 ايام تزور فيها الاماكن المشهوره بالسنتر مثل البيكادلي والهايد بارك وعين لندن وكوفنت قاردن ونايتسبردج وممكن تاخذ الباص السياحي يوم او يومين على حسب اهتمامك
وفيه اماكن قريبه من لندن ممكن تزورها بنفس اليوم

اذا تبحث عن الريف، منطقة ويندرمير جميله وهادية ويكفيها يومين تطلع رحلة بالقارب وممكن تستأجر قارب خاص وحوالينها فيه جبال وقمم اذا تحب تطلع جبال وفيه شلالات وقرية قراسمير جميله اذا عندك سيارة. بالنسبة لي ماراح ازورها هالصيف وبعوضها بالريف الاسكوتلندي لان الجو بالشمال ابرد وفيه نفس الفعاليات الموجوده بويندرمير بالاضافه الى ان اسكوتلندا اكبر ومتنوعه فيها البحيرات والقرى
اذا بتروح اسكتلندا لاتفوت مدينة ادنبره جميله فيها جزء قديم وجزء جديد وجبال خضراء عالبحر وطبيعه تنبسط فيها وطبعا القلاع موجوده بمعظم المدن
اذا تحب مدينه ساحليه قريب من لندن فيه برايتون
والفعاليات بتختلف على حسب وجهتك مثلا لو مفكر تروح ويلز
واهم شي تقرر المدن اللي بتروحها وتنوع بالفعاليات
وموفق