السلام عليكم ورحمة الله وبركاته
حابين هالسنه نسافر بريطانيا على بداية شهر يوليو مدة السفر تقريبا شهر وكم يوم لسه ما حجزنا بنتنقل خلال هالفتره من مانشستر الى ليفربول ومنطقة البحيرات وادنبره واكيد لندن وبنضيف قرى خصوصا بالشمال بسبب برودة الاجواء اللي محتاره فيه هو وسيلة المواصلات سابقا كانت لنا سفره تعلم لغه للابناء من خمس سنوات استخدمنا سياره وكنا فقط في مانشستر لاحظت ان سياره لها عيوب مثل المواقف كلها تقريبا غير مجانيه ومزدحمه اضافه الى المخالفات جدا دقيقين _ بعدها سافرت انا والاولاد فقط اعتمدنا ع باصات اوبر وهكذا وفي الويك اند قطارات لزيارة مدن _ الان السفره سياحه فقط وكلها تنقلات ولا في استقرار بمعنى اشوف صعوبه بنقل الشنط باستمرار داخل القطارات لذلك افكر بايجار سياره والسكن خارج السنتر مدري محتاره اتمنى مساعدتي علما ان ابني وهو اللي بيقود السياره عمره ٢١ سنه بس بستأجرها باسمي
جزاكم الله خير

اذا السكن برا السنتر و بتنقلون وايد الافضل تأجرون سياره
او تستخدمون القطار للمدن الرئيسه اللي بتزورونها ومنها تاخذون تاكسي للوجهه اللي تبونها

ياهلا بك اختي تقريبا خطتك مشابهه بشكل كبير لخطتي هذا الصيف مع اختلاف بعض المدن وزيارتي بتكون بنهاية جولاي.
بالنسبة اذا بتستأجرين سيارة تأكدي اذا الشركة عندها شرط يكون السائق اكبر من 25 سنة فانتبهي من سالفة المخالفات.
والسكن مو شرط انه برا السنتر فيه مواقف.. ابحثي وحطي بالفلاتر يكون الفندق فيه مواقف بعضها بالسنتر تكون بسعر رمزي يعني يوم ب6 - 8 باوند واحيانا يكون فيه مواقف مجانية بس تكون مسافة مشي شوي عن الفندق لذلك اقرأي بالرفيوز وتواصلي مع اماكن الاقامة قبل للتأكيد.
اذا العدد غير كبير والتنقل يكون بس بهدف السفر من مدينة لاخرى ممكن تستخدمين القطار. ولكن اذا حابين توقفون بالطريق في قرى وكان العدد كبير فالسيارة خيار مناسب.
قالولي السواقه باسكوتلندا شوي اصعب لانها جبلية وامطار معظم الوقت وانا حريصة من هالسالفة لان اول مره اسوق هناك.