السلام عليكم

بالنسبة الى البهاماز لاتحتاج الى فيزا بواقع تجربتي العام الماضي تكفي فقط الفيزا الامريكية
أما بالنسبة الى الحجوزات نفس ماتفضل أخوي أبو معتز اللي دائما مايقصر وفى وكفى بمعلوماته ولكن أنا حبيت أضيف شيء بسيط من واقع تجربة,, أنا حجزت عن طريق رويال كاريبيان وكانوا ممتازين بس لازم الحجز مبكر بحكم أن الجائحة تقريبا أنتهت طبيعي بتكون السياحة رجعت وراح يصير ضغط على الحجوزات وفي نفس الوقت الأستفادة من أرخص الأسعار وتقدروا تتأكدوا من الموقع أو تنزيل التطبيق

أما بالنسبة الى الشركات الموجودة في ميامي فهي نفس مادكرنا رويال كاريبيان ونرويجيان كروز لاين وحسب التقييم أنه رويال كاريبيان أفضل وعن نفسي جربتها العام الماضي ثلاثة أيام من ميامي الى جزر البهاماز وقفنا في جزيرتين وهما ناساو وهي العاصمة ويوجد فيها اثار تاريخية قديمة والثانية كانت كوكو كاي وهي جزيرة فيها حديقة مائية جديدة وكانوا يسوقوا لها وصراحة كانت تستحق الزيارة واليوم الثالث مقسم على الدهاب والعودة في وسط المحيط

معلومة مهمة جدا

من متطلبات الكروز الهامة أنك لازم تكون عامل فحص كرونا بوقت مايقل عن 72 ساعة من الأبحار على متن الكروز وهدا عملناه في ميامي أول ماوصلنا بمساعدة الفندق كان مجاني ويطلع خلال 24 ساعة بس تسجل أيميلك ومعلوماتك وتعمل المسحة (PCR) ويجيك أيميل بالنتيجة والشيء الثاني وهو الأهم أنك تكون ماخد التطعيم كامل (جرعتين) ولازم يكون من اللقاحات الرسمية المعترف بها لدى أمريكا وهي :
1- فايزر بيونتيك
2- أسترازينيكا
3- جونسون أند جونسون
4- موديرنا
5- سينوفارم وسينوفاك الصيني

وتطبع جميع الأوراق الخاصة بالتطعيم والمسحة وتروحوا بهم طباعة لأنهم يأخدوا الأوراق.

حصلت لنا مشكلة في دخول الكروز وهي كان معنا خوينا بحريني وكان ماخد لقاح سبوتنيك الروسي واللقاح غير معتمد ومع أنه كان ماخد التطعيم كامل جرعتين ألا أنهم رفضوا أنهم يدخلونه الكروز وبعد عدة محاولات وتوسلات والمناقشات وأن أحنا جايين من بعيد علشان الرحلة وكدا من دا الكلام وحتى مع مديرهم الكبير في النهاية تم الرفض!! وجاب لنا ورقة مكتوب فيها الشروط والاحكام وكان من ضمن الشروط علما أنها كانت موجودة في الموقع وتم قراءة الشروط بدقة ولكن لم ننتبه لها قدر الله وماشاء فعل فأنقسمنا قسمين أثنين راحوا الرحلة الكروز وواحد رجع مع خوينا البحريني جلسوا في ميامي لحد مانرجع

وبالنسبة الى المبلغ كتبوا لهم الشباب أيميل وشرحوا اللي صار بس رجعوا لنا نصف المبلغ

فالحدر ثم الحدر ياأخوان وقراءة جميع متطلبات الكروز بما فيها الجزر اللي ناويين تزورونها ولعل يكون قد ألغيت بعض الأمور أو زادت أشياء جديدة أما أدا كنتوا ماخدين اللقاحات المعتمدة فأموركم طيبة وبالتوفيق ورحلة سعيدة بأدن الله