السلام عليكم

ماهو افضل طيران داخلي في امريكا ويكون الشحن شامل التذكره ؟

هل ضروري حجز من بدري ولا عادي قبل بيومين واحنا هناك مع العلم بيكون من نيويورك الى اورلاندو ؟

هل فيه اجراءات سفر داخلي مثل فحص الpcr او غيره ؟

شكراً مقدماً 🙏🏻💐

عليكم السلام ورحمة الله وبركاته

السؤال الاول - افضل طيران داخلي هم كالتالي :

American Airline
Delta
Jetblue
Alaska
United Airline

بس من ناحية السعر فالارخص هم
Spirit
Frontier
Sun Country

جميع الشركات الشطن الكبيره لا تشملها و لكن الشركات الصغيره Carry on القائمة الاولى تشملها
الشطن الكبيره في القائمة الاولى تتراوح سعرها من 30-35 دولار للشنطة الوحده
انصح بالحجز عليها

السؤال الثاني - بكل تأكيد ضرور الحجز من بدري كل يوم تأخير راح يرتفع السعر في الوقت المناسب وبتبقى اوقات الرحلات اللي تكون 6 الصبح او 8 بالليل اللي ماتناسبكم وبالتالي بتدفعون اسعار مضاعفه بسبب التاخير

السؤال الثالث - لا مافي اي اجراءات

في معلومه حبيت اضيفها يمكن تهم بعض الناس ..

الطيران الداخلي في أمريكا بشكل عام أقل من عادي ومتشابه من حيث الخدمة وحجم الطائرات والمميزات غالبا في عدد الشنط المجانية او الغير مجانية ورسومها ميزة southwest يعطيك شنطتين مجانا ولكن عيبه الوحيد انه لا يمكن تحديد المقاعد!! يعني اذا انت معك عائله من الصعب انك تضمن جلوسكم جنب بعض الا اذا كنت من المجموعه الاولى اللي تدخل للطيارة كيف تكون من المجموعه الاولى لازم تصير مع اول ناس تدخل وتسوي انهاء إجراءات السفر (boarding pass) اول رحلة اكلت فيها مقلب الى درجة اننا كنا ٤ اشخاص ولا واحد جلس جنب الثاني مو بس كذا كلنا جلسنا بالوسط بين الركاب يعني لا جهة الشباك ولا الممر ثاني مرة كنت داخل الموقع قبل ١٠ دقايق عشان اقص البوردنق قبل الناس ومع ذلك صرنا من ضمن المجموعة الثانية؟؟!! بس عموما المرة الثانية افضل بكثير من الاولى ولقينا بسهولة مقاعد جنب بعض..

اتمنى وضحت الفكرة واللي حاب يستفسر اهلا وسهلا

لي فترة ابحث علشان الحجز واغلب التذاكر غير مسترده ،

واذا فيه مسترده تكون ضعف سعر التذكره !

يعني اذا كان مجموع التذاكر الغير مسترده 3 الاف ريال 6 اشخاص

بينما المسترد 6 الاف

وش رايكم احجز غير مسترد واتوكل على الله