تفاصيل رحلتي العائلة الى جورجيا مايو 2022 - الصفحة 5

Abu Muataz · 29-05-2022, 10:34 AM

السلام عليكم و رحمة الله و بركاته ..

الأخ ِAhmed .. وددت أن أطلعك بأنه تم حل مشكلة مركز التحميل و عاد للعمل
و يمكنك الآن تزيين تقريرك بالصور و مقاطع الفيديو

آخـــرفـــرصـــة, توبليرون و عبدالرحمن الصلال معجبون بهذا.

ِAhmed · 30-05-2022, 07:39 AM

اقتباس : المشاركة الأصلية كتبت بواسطة Abu Muataz

السلام عليكم و رحمة الله و بركاته ..

الأخ ِAhmed .. وددت أن أطلعك بأنه تم حل مشكلة مركز التحميل و عاد للعمل
و يمكنك الآن تزيين تقريرك بالصور و مقاطع الفيديو

عليكم السلام ورحمة الله وبركاته هلا والله وغلا ..
الله يبشرك بالخير ..
تمام اليوم بضغط باقي الايام كلها علشان يصير الوضع مرتب وبعدها ببدأ الفيدوهات والصور ..
شاكر لك حرصك ومتابعتك ..

Abu Muataz, توبليرون و عبدالرحمن الصلال معجبون بهذا.

نـــواف · 29-05-2022, 06:37 PM

اهلا بك

رحلة شلال ماخونسيتي جميلة
وفيها عدة أماكن حلوة وتستحق الوقوف
اللي بيستمتع يروح مثلك بسيارته تحت يده

أنا كنت مع قروب روسيين واوكرانيين وبيلاروسيا
عصروا حق التجديف بالسعر … أكيد يعرفون لبعض
المهم طلعت معاهم بتكلفة 30 لاري للشخص
لو جاي لحالي أو بعائلتي بدفع الضعف

فعلاً منطقة ماخونسيتي تستحق يوم
وميزتها قريبة تستمتع بيومك وترجع
علماً أن هناك أكواخ لمن أراد

متابعين ومستمتعين

آخـــرفـــرصـــة, توبليرون و عبدالرحمن الصلال معجبون بهذا.

ِAhmed · 30-05-2022, 07:44 AM

اقتباس : المشاركة الأصلية كتبت بواسطة نـــواف

اهلا بك

رحلة شلال ماخونسيتي جميلة
وفيها عدة أماكن حلوة وتستحق الوقوف
اللي بيستمتع يروح مثلك بسيارته تحت يده

أنا كنت مع قروب روسيين واوكرانيين وبيلاروسيا
عصروا حق التجديف بالسعر … أكيد يعرفون لبعض
المهم طلعت معاهم بتكلفة 30 لاري للشخص
لو جاي لحالي أو بعائلتي بدفع الضعف

فعلاً منطقة ماخونسيتي تستحق يوم
وميزتها قريبة تستمتع بيومك وترجع
علماً أن هناك أكواخ لمن أراد

متابعين ومستمتعين

هلا بالغالي اللي دائما يعطي اضافة مميزة ومفيده ..

صحيح التجربة بالسيارة الخاصه فيك افضل من القروبات او حتى مع سواق خاص ..

ودائما العوائل في الدول والاماكن السياحية لهم حسبه مختلفه عكس لما تكون عزابي

تنقص التكلفه النصف يمكن مثل ماتفضلت ..

انا المستمتمع بتواجد وتعليقاتك ..

توبليرون و عبدالرحمن الصلال معجبون بهذا.

آخـــرفـــرصـــة · 29-05-2022, 08:06 PM

ما شاء الله
رحلة جميلة وسرد أجمل
الاسعار رخيصة جدا ومناسبة للسواح
الشباب هنا دايم ما يقصرون
الله يعطيهم العافية
متابعين

توبليرون و عبدالرحمن الصلال معجبون بهذا.

ِAhmed · 30-05-2022, 07:46 AM

اقتباس : المشاركة الأصلية كتبت بواسطة آخـــرفـــرصـــة

ما شاء الله
رحلة جميلة وسرد أجمل
الاسعار رخيصة جدا ومناسبة للسواح
الشباب هنا دايم ما يقصرون
الله يعطيهم العافية
متابعين

شرفتني بمرورك ..
انا اشهد الشباب هنا كرم في المعلومه وهذا اللي شجعني افصل لاني استفدت منهم كثير ..
وان شاء الله اوفق في رد الجميل ..

توبليرون و عبدالرحمن الصلال معجبون بهذا.

ِAhmed · 30-05-2022, 08:51 AM

اليوم التاسع 9 مايو 2022
باتومي

اليوم بحاول اضغط لك 3 ايام مع بعض علشان بعدها ابدأ انزل الصور والفيدوهات

بما أن مركز التحميل ضبط وعلشان يصير الوضع ارتب ..

حسب الجدول اللي كتت مخططه مسبقا ان اليوم المفروض اطلع من باتومي الى برجومي ..

وبكرا اطلع من برجومي الى منتجع لابوتا واخر يوم ارجع الى تبليسي بحكم ان رحلتي منها ..

وفي الاحول العادية انصحكم بالخطة , لكن انا صادف وجودي مشكلتني الاولى انه الطقس

في المنطقتين مطر والمشكله الثانيه ارتفع سعر منتجع لابوتا من 700 ريال الى 1400 تقريبا ..

والمشكلة برضو مطر يعني خفت اقامر ادفع هالمبلغ وماستفيد من المكان لان جماله في المغامرة ..

اضطريت اغير الخطة ومددت يوم اضافي في باتومي ومثل ماقلت لكم ميزة باتومي البحر المكان مريح

نفسيا حتى لو ماسويت ولا فعالية ..

طلعنا الصباح وتوجهنا الى مطعم سن باتومي اللي قلت لكم عنه من قبل وفطرنا فيه فطور مالذ وطاب

لدرجة انه شبك لنا طاولتين مع بعض والمبلغ 85 لاري ..

بعدها خذنا لفه على البحر وانطلاقنا بالسيارة نكتشف البلد واسواقه ..

رحنا شارع تقريبا كله محلات تبيع جزم الله يكرمكم لان جزمة بنتي مع المويه صارت ماتنفع ..

اخذنا لها جزمة برضو اسعارهم في الماركات او تقليد الماركات جودة وسعر ممتاز ..

زوجتي شافت مشغل لبودي كير ومناكير قالت تبغى تجرب خليناها عندهم ورحنا مع العيال

الميدان الاوربي هو ميدان مافيه فعاليات بس لابد من زيارته في كوفيهات ومطاعم ..

وكان هذا الوقت مجموعة مسوين مظاهره هادية بدون مشاكل ولا ازعاج دعم لاوكرانيا ..

جلسنا في كوفي على ماخلصت زوحتي من المشغل تقهوينا وحلينا ..

ورحنا اخذناها ورجعنا الشقه ريحنا شوي بعدها طلعنا تمشينا على البحر

ورجنا مول عندهم على البحر تقريبا مقابل ابراج اروبي الجديده صغير وحليو ..

تسوقنا الى وقت اغلاقهم تقريبا الساعه 11 بتوقيتهم طلعنا اخذنا ايسكرم

من محل ايسكريم مشهور عندهم ولذيذ ( رخيص وقوي )

وتمشينا الى الساعه 12 تقريبا ورجعنا الشقة وانتهى يومنا ..

اليوم العاشر 10 مايو 2022

التوجه الى تبليسي

مثل ماقلت لكم فوق تغيرت الخطه وهذا فايدة ان تكون السياة تحت يدك وان حجوزاتك بمزاجك

طبعا موضوع الحجز في بعض الدول الافضل تحجز قبل بس بالنسبة لجورجيا الخيارات كثيره والافضل

تحجز شوف عينك ..

اخذنا كافيتنا من النوم رتبنا اغراضنا وسلمنا الشقه ويشكر الاخ محمود على ثقته حتى مارضى

يجي يشيك او يرسل احد يشيك قال بس عط الاستقبال الكروت والله يستر عليك ..

كنا متفقين نزور المطعم الاردني بدلنا ماتعشينا عنده رجنا فطرنا عنده ..

المطعم سهل الوصول له ابس اكتب في قوقل يطلع لك اطباقه منوعه سعره مناسب ..

برضو طلبنا مالذ وطاب فطورنا بـ 100 لاري ..

بعدها مسكت مع العيال دانكن حطينا في قوقل ونابعنا العم قوقل وصلني لدانكن ..

اخذنا طلباتهم وعلى الله انطلقنا الى تبليسي ..

المسافه بالكيلو مو بعيده لكن تمر في قرى وتحويلات وجمال الطريق يجبرك كل شوي توقف ..

اخذنا الطريق تقريبا في 5 ساعات ..

انا حبيت تجربة السكن مع عوائل جورجية وقررت اسكن مع عائلة هالمرة سكنت في :

Apartment Old Tbilisi Gorgasli

تقيمة في البوكنغ تسعه فاصله 8 ويستحق من وجهة نظري ..

طبعا انت اول ماتوصل المكان بتقول شجاني هنا بس اول ماتدخل بتحس براحه نفسية ..

هو سكن عائلي في وسط حي محولينه الى فندق بنظام دبلكسات ..

يعني انا سكنت في دورين الدور الارضى غرفتين ودورة مياه واسعة ومجهزة من الى ..

وتحت الدرج مستوع وفيه غسالة ملابس ..

فوق صالة جلوس ومطبخ جانبي مجهز اكثر من بيتنا

ثلاجة مايكرويف غلاية ... الخ ..

وطالة طعم , منقلة شوي مدري وش يسمونها .. وبالكونه فيها كراسي للجلوس ..

سعر السكر الليلة 120 لاري بلااااش ..

بعد ماستقرينا وريجنا دفينا سلف السيارة ورحنا شارع العرب لان ولدي شاف حلاق كويتي هناك

اول مرة رحنا ومسكت عنده يحلق عنده عيد ميلاده بكرا قلنا مو قايلين له لا ..

رحنا تكينا في المطعم اللي سبق رحنا والحلاق يصير مقابلة وتعشينا ومثل ماقلت لكم

شارع العرب اكثر مكان ممكن تدفع فيه فلوس ( الشا 280 لاري )

بعدها خذنا لفه بالسيارة ورجعنا السكن ..

اليوم الحادي عشر 11 مايو 2022

تبليسي

انا صحيت الصباح قبلهم والمفروض بكرا اخر يوم واسلم السيارة بكرا ..

قلت اروح اغسلها نرجعها للرجال مثل ماخذناها ونحاول افضل ..

لان الطريق كان كله مطر وتحويلات وطين السيارة انعدمت ..

طبعا انا سبق جربة الغسيل الذاني في تركيا بس في جورجيا ارتب صراحه ..

طبعا انت مخير تخليهم يغسلونها لك ب 15 لاري ..

او انت تغسلها بنفسك ب 5 لاري ..

بعدها تعرفت على رجال محترم جدا لبناني مهاجر وفاتح له اكثر من مغسلة هناك ..

وجلست اسولف معهه وسألني عن قيمة اجار السيارة وقلت له المبلغ قال كثير

هذا النوع والموديل اجيبه لك بـ 90 لاري ..

المهم ماعلينا اهم شي الواحد واسع صدره الخساره في الارواح

اخذت فطور من دانكن شفت العيال حبوه وقلت استغل الوقت بما انهم نايمين ..

ورجعت الشقه ,,

السواقه كان جدا مريحه مع اني كنت قريت ان السواقه في تبليسي مزعجه بس انا

عن نفسي حبيتها وماواجهت اي صعوبات ..

بعدها طلعنا رجعنا ملاهي ماتسمندا بارك اللي رحتها اول يوم كملنا الالعاب اللي مالعبناها

بعدها رحت مجمع يعتبر الافخم عندهم على طريق المطار تقريبا اسمه ايست بوينت ..

تغدينا هنا وبما انو اخر يومين فتحنا مجال التسوق للعيال بميزانية محدده لكل واحد

بعدها طلعنا وجلسنا ندور كوفي ينفع نسوي فيه عيد ميلاد لولدي ..

وبعد جهد جهيد وصلنا محل يديره اذربيجاني محترم جدا وكان على وشك يسكر ..

وقلنا له المناسبة وتعاون معنا وسوا كل شي ممكن علشان بس يبسطنا الله يجزاه الجنه ..

وخلصنا ورجعنا الشقه وببكرا اخر يوم وتفتكون من هذرتي ..

اليوم الاخير 12 مايو 2022
تبليسي

طبعا طول الرحلة كنت قايل للعيال التسوق خلوها اخر يوم حسب الميزانية فبعضهم كان حاط في باله

اشياء معينه قلنا نبدأ نمر حسب رغباتهم بس قبلها سلمت السيارة لصاحبها ..

ولفينا من محل وماشرينا كثير وتقريبا ماخلصو ميزانياتهم المرصوده رجعنا السكن وكنت متفق معهم

ان بطلع متأخر لان رحلتنا الساعه 1 الليل ..

وبس والله رحنا المطار وكل الامور سهلات ماصادفت اي صعوبة او تعقيدات..

البلد جدا حميله وآمنه وشعبها محترم ..

برجع لكم ان شاء الله بالفيديوهات والصور ..

توبليرون, q8ya metnaqla, جميل جميل جميل و 1 آخرون معجبون بهذا.

mahmood · 30-05-2022, 06:43 PM

ماشاء الله تبارك الله اخوي احمد
سرد كافي ووافي والله حسستني اني قاعد امشي معاك
صورت الرحلة احسن تصوير وافدتنا بمعلومات جديدة وقيمة خاصة انك توك راجع

الحمدلله على سلامتك وكثر الله اسفارك

توبليرون و عبدالرحمن الصلال معجبون بهذا.

ِAhmed · 31-05-2022, 09:11 AM

اقتباس : المشاركة الأصلية كتبت بواسطة mahmood

ماشاء الله تبارك الله اخوي احمد
سرد كافي ووافي والله حسستني اني قاعد امشي معاك
صورت الرحلة احسن تصوير وافدتنا بمعلومات جديدة وقيمة خاصة انك توك راجع

الحمدلله على سلامتك وكثر الله اسفارك

ان شاء الله وفقت في نقل الفائدة وبأذن الله شغال حاليا على الصور والفيديوهات ..

توبليرون و عبدالرحمن الصلال معجبون بهذا.

Shaymaa-travel · 31-05-2022, 08:36 AM

ماشالله عليك اخي تقريرك افادني جدا وانا مخططة للرحلة في شهر سبعه ان شالله
registration form او تسجيل الدخول كيف سويته ؟ من وين اللنك انا صار عندي اكسباير ماادري ليش
كما اني قرات بعض التقارير للاخوان يقولون يحتاج تامين طبي
بس ماشالله انت ماطلبو منك الان انا ماادري اسوي تامين طبي ولا لا

توبليرون و عبدالرحمن الصلال معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
استفسار:رحلتي الأولى إلى تركيا نهاية مايو 2022	One Dream	بوابة تركيا	8	10-11-2022 02:56 AM
عيد الفطر 2022 14 يوم مع العائلة	Eng.Fahd	بوابة ماليزيا	24	07-09-2022 12:15 AM
مسافر الى جورجيا - فبراير 2022	Bohasan	بوابة جورجيا و اذربيجان	4	26-01-2022 12:02 PM
ترجمة بطاقة العائلة من طلبات التأشيرة الفرنسية 31 مايو	ياويلي	فيزا	5	20-08-2016 01:57 PM