مراكش على الطاير - الصفحة 5

lemonde · 01-01-2015, 11:05 AM

اقتباس : المشاركة الأصلية كتبت بواسطة فارس من خيال

ياسلام يابوعلي ع هالجلسات في مجرى الماء ترد الروح واذا كان الغداء مشاوي وطواجن امبييييه
اكيد بتحس بلذة الاكل
جزء اخر جميل مع ابوعلي والصور لو تكثر منها شوي اتوقع التقرير بيطلع 100%

فني خليك من ابو علي لاتغوينه وتركبين الفكره في راسه

غريبة ابو راكان مارحتها لما كنت هناك

والله فاتتك لو ما رحتها

يبغالك سفرة ثانية

اي والله يابو راكان بتغويني البنت هذي
خلك معي عقلني

لا يجي بكرة وانا مقدم استقالة

هههههههههه

MOBARKI · 01-01-2015, 11:52 AM

حلقة رائعة أبو علي

الله على اوريكا ومرتفعات اوكيمدن

احلى شي البساطة وعدم التكلف الجلسه هنا ترد الروح

وياسلام لو انك تشوي بنفس المكان ورائحة الشوي تعطر المكان حماااااس .

انا افضل القيادة بنفسي ولكن هل تنصح بها في المغرب عندي نية اخذ سياره والف اغلب المدن

lemonde · 01-01-2015, 12:32 PM

اقتباس : المشاركة الأصلية كتبت بواسطة MOBARKI

حلقة رائعة أبو علي

الله على اوريكا ومرتفعات اوكيمدن

احلى شي البساطة وعدم التكلف الجلسه هنا ترد الروح

وياسلام لو انك تشوي بنفس المكان ورائحة الشوي تعطر المكان حماااااس .

انا افضل القيادة بنفسي ولكن هل تنصح بها في المغرب عندي نية اخذ سياره والف اغلب المدن

هلا بالشيخ

مشكلة الدول العربية المضايقات اللي تلقاها
اول من راح يضايقك رجال الدرك

يوقفك ويفتشك ويسالك ويستقعد لك
طبعا اذا كنت في السليم ماراح يقدر يسوي شي لكن تكفي العطلة
او تدفع وتمشي

عن نفسي ما اعطي احد ريال باستثناء الصدقة او من يخدمني فعليا وراح اتكلم باذن الله عن هذا الموضوع في نهاية التقرير.

الأمر الآخر الأمور هناك ارتجالية وليست منظمة فراح تحتاج دليل
هذا الدليل اما انك تاخذه معك من مراكش مثلا
او اذا رحت توقف وتسال والله يعينك اذا تهت
واذا وصلت هناك واخذت الدليل كم راح ياخذ
واذا وداك عند مطعم هل راح يوديك عند الأفضل او عند اللي يعطيه نسبة
وكم السعر الصحيح للوجبة والسعر اللي يخبروك به
...الخ

اذا كنت من الناس اللي الفلوس ماتهمك ولا يهمك انه يتنصب عليك او يترفع عليك السعر توكل على الله.

واي استفسار لا يردك الا لوحة المفاتيح مع اني ماني خبير زي مزاعيط المغريب الحبيب

lemonde · 01-01-2015, 02:24 PM

[OVERLINE]نكمل رحلة اوريكا
[/OVERLINE]

بعدها اخذنا القايد لزيارة الشلال

الطريق كان جبلي صعودي ,وكان خطير ومتعب وزلق ويمر على بيوت ومساكن على الطريق. وعليه محلات بيع تحف وعصيرات وموية ومطاعم. والأسعار تتصاعد كلما صعدنا اكثر

حتى ان وحدة من اللي معنا انهارت وتعبت وقالت معدني ماشية متر زيادة وحاولو معها اخوياها وعيت وحاول القايد وعيت. جيت انا - احلى ياخبير البرمجة اللغوية العصبية ويامدرب الطاقة- وكلمتين وفزت وكملت معنا الى فوق وصفقنا لها وانبسطت.

المياه تنزل من الجبل

ما زال الصعود مستمرا

اقتربنا

استغلال الموارد الطبيعية في التبريد

وصلنااااااااا

بعد ما انبسطنا في الشلال وتبردنا وتغسلنا
نزلنا وركبنا السيارة

طبعا كان من ضمن برنامج الرحلة زيارة مصنع -تجوزا والا مهو مصنع- زيت الأرجان المشهور بالمغرب.
وكانت جمعية تعاونية نسائية. تشغل بنات القرية وأراملها ومطلقاتها وأيتامها. ويساهمون بأرباحها لإفادة القرية.

شرحو لنا كيفية جمع الثمرة والاستفادة منها في كل شي اكلا وتجميلا وغذاء ودواء (الحاجة ام الاختراع).

هذه الثمرة

وهذي بعد تجفيفها

وهذي احد طرق الاستفادة منها في الأكل

تطحن ويضاف لها من زيتها ايضا وتاكل بالخبز
طعمها زي زبدة اللوز (الفول السوداني) بل حقيقة الذ

وورونا برضو استخداماته في التجميل بعد خلطه مع الورد وغيره
وايضا في الأدوية
اشياء كثيرة.

ولا تسالوني ليه ما صورت
كل واحد يصور اللي يهمه

بعدها عرضو علينا منتجاتهم
وكانت الأسعار غالية نوعا ما

عن نفسي ما احب اشتري من الأماكن المتفق عليها من بين الشركات لأني اعلم ان الأسعار أغلى. لكن جتني البنت المسؤولة وقالتلي يعني شرائك والله يساعدنا وينفع القرية. قلت لها بس اسعاركم مبالغ فيها. قالت لي تعال ولا يهمك اراعيك. شفت شي اعجبني اللي هو الزيت مع الورد لتنعيم الجلد قلت اخذه لام علي. المهم تكاسرنا انا واياها الين وصلت لسعر معقول. طبعا اغلى من غيرهم لكن قلت لانها جمعية تعاونية لا باس.

أكملنا رحلتنا واللي كان ختامها زيارة اعالي الجبال ثم الغداء في احد البيوت

المطبخ

الخارجة او المطل يرد الرووووووح وينعشها

الصالة

الأكل بيتي وبسيط ولذيذ حقيقة

المناطق الجبلية عندهم تشبه لحد كبير منطقة عسير حتى البيوت وطريقة بنائها.

نسيت ان اخبركم ان المنطقة هذه ليست للعرب وانما للأمازيغ, لكن اغلبهم يتكلم العربية واناس طيبون حقيقة.

البيت الذي تغدينا فيه كان فيه بنات قرويات حقيقة محترمات جدا وحييات وخجولات, مازال فيهم طيبة اهل القرى وحياؤهم

القاكم على خير
كونو بخير

اوروبا عشقي · 01-01-2015, 11:03 PM

ههههههههههههاي اللي سوت لكم قصه احسها انا هاذي سوالفي اذا في صعود خخخخخ مالومها والله الطريق صعب ويتعب ،،، ومشاءالله رووووعه القريه بصراحه احيييك على هالروح اللي فيك والبساطه يمكن مايجي في بال اي سياح خليجي يروح هالمكان وياكل معاهم والله يجزاك خير لانك شريت منهم ،، شي حلووو اللي قاعد تسويه ومازلت انصحك انت شخص عندك موهبه نادره في الخلجيين حرام ماتستغلها في حساب بالانستقرام شوفه شاب قطري اسمه just_bryani مايسوي الا برياني وهو ولد ناس يسوي الصحن على 1000 شوف الزحمه عليه خصوصا ان الحين وقت مخيمات في سيلين حتى انا بطلب منه لاجاو هلي بالسلامه الكل يقول روعه شغله شوفه حياته العمليه شي وفي نفس الوقت عنده بزنسه الخاص جيب لك طباخ ودربه وابتدي شوي شوي ومووووفق يارب

متابعين معاك الاحداث

lemonde · 02-01-2015, 05:44 PM

اقتباس : المشاركة الأصلية كتبت بواسطة FuNnY GIRL

ههههههههههههاي اللي سوت لكم قصه احسها انا هاذي سوالفي اذا في صعود خخخخخ مالومها والله الطريق صعب ويتعب ،،، ومشاءالله رووووعه القريه بصراحه احيييك على هالروح اللي فيك والبساطه يمكن مايجي في بال اي سياح خليجي يروح هالمكان وياكل معاهم والله يجزاك خير لانك شريت منهم ،، شي حلووو اللي قاعد تسويه ومازلت انصحك انت شخص عندك موهبه نادره في الخلجيين حرام ماتستغلها في حساب بالانستقرام شوفه شاب قطري اسمه just_bryani مايسوي الا برياني وهو ولد ناس يسوي الصحن على 1000 شوف الزحمه عليه خصوصا ان الحين وقت مخيمات في سيلين حتى انا بطلب منه لاجاو هلي بالسلامه الكل يقول روعه شغله شوفه حياته العمليه شي وفي نفس الوقت عنده بزنسه الخاص جيب لك طباخ ودربه وابتدي شوي شوي ومووووفق يارب

متابعين معاك الاحداث

لا عادي لو انا معكم بيكون الحل عندي
بما اني خبير برمجة لغوية عصبية ومدرب طاقة فراح اقنعك تواصلين مشوارك وبدون تعب

بس حنش صغير في جيبي ارميه عليك

والله ما نردك الا من منبع الشلال في قمة الجبل

يابو راكان تكفى شف لي حل مع هذي البنت
والله انها فتنة

ما بترتاح الين تضيع مستقبلي

ههههههههه
الله يعطيكي العافية

فارس من خيال · 02-01-2015, 06:09 AM

عايش جوك يابوعلي وكمان ماخذ زيت للتنعيم وتقول لام علي علينا يارااااااقل
اصلا مافية امل تصير ناعم قاسي يا أسي هههههههههههه
احس المشوار متعب ومع هالصعود والطريق الخطير وفي النهاية توصل عند شلال صغير مايسوى كل هالتعب
وكمان مستغرب البيت اللي تغديت فيه هوا مطعم وإلا عازمينك وإلا انت عازم نفسك ههههههههه حيرتني
واما الطبيعه فـ زي ماتكرمت تشبه الجنوب عندنا ويمكن جنوبنا افضل بكثير طبعا هذي وجهة نظري الشخصيه
الموووهم يابوعلي شكلك استمتعت في الرحله وانبسطت ماشاء الله عليك

فني حرام عليك هههههههههههه نهاية ابو علي يبيع ف الانستغرام
ياليل ابو لمبه هههههههههه

lemonde · 02-01-2015, 05:57 PM

اقتباس : المشاركة الأصلية كتبت بواسطة فارس من خيال

عايش جوك يابوعلي وكمان ماخذ زيت للتنعيم وتقول لام علي علينا يارااااااقل
اصلا مافية امل تصير ناعم قاسي يا أسي هههههههههههه
احس المشوار متعب ومع هالصعود والطريق الخطير وفي النهاية توصل عند شلال صغير مايسوى كل هالتعب
وكمان مستغرب البيت اللي تغديت فيه هوا مطعم وإلا عازمينك وإلا انت عازم نفسك ههههههههه حيرتني
واما الطبيعه فـ زي ماتكرمت تشبه الجنوب عندنا ويمكن جنوبنا افضل بكثير طبعا هذي وجهة نظري الشخصيه
الموووهم يابوعلي شكلك استمتعت في الرحله وانبسطت ماشاء الله عليك

فني حرام عليك هههههههههههه نهاية ابو علي يبيع ف الانستغرام
ياليل ابو لمبه هههههههههه

ياخي حرام عليك عزوز عطني امل ف الحياة
حطمتني

يعني ما في امل اصير نعوووم

بالنسبة للغدا

ابشرك انا عزمت نفسي اكيييد

شفت البيت وصوت من بره وقلت ياهل الدار ضيفان ببابكم
ندور عيشة
جو البنات قالو ارحبو والله ان ترحبو
حيالله الضيفان اقلطو
وحرام بالله ان يموت واجبكم

اي والله ابو راكان قلها
ماراح ترتاح الين تشوفني اعلن مع البنات في المواقع والانستجرام عندنا طبخ وبرياني ونسوي مشاوي واسعار خاصة للحفلات

هههههههههه

قايد · 02-01-2015, 05:24 PM

صور روعه ,,,, الاكل يجذب ويشهي

تحياتي يابو علي

دايم متميز

lemonde · 02-01-2015, 05:59 PM

اقتباس : المشاركة الأصلية كتبت بواسطة قايد

صور روعه ,,,, الاكل يجذب ويشهي

تحياتي يابو علي

دايم متميز

هلا بالشيخ قايد

انت الاروع ياحبيبي

وانت التميز

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلات للسعودية من مراكش	رحمة	بوابة المغرب	4	31-08-2019 11:56 PM
أشهر الفنادق في مراكش	محسن	بوابة المغرب	25	04-04-2018 09:08 AM
مطعم الفاسية (مراكش)	ساري أحمد	بوابة المغرب	15	05-05-2017 11:39 PM
حدائق ماجوريل - مراكش -	الغردقاوي	بوابة المغرب	25	11-05-2015 08:09 PM
دار ليلى في مراكش	ساري أحمد	بوابة المغرب	14	20-04-2015 11:31 PM