شكرا لك يا مشرفنا العزيز آخـــرفـــرصـــة ومنكم نستفيد ايضا وهذا أقل ما نقدمه لاستفسارات الاعضاء .

معلومة نسيت اذكرها ومهمة لصاحب الموضوع ... اذا كنت بتعتمد على الكاش في سفرك لشرق اسيا مثلي ( اذا تاكد سفري انا ادفع بالفيزا مسبقة الدفع البنك السعودي للاستثمار حجوزات الطيران الدولي والداخلي والفنادق من هنا بدون الغاء مجاني عشان يكون السعر ارخص ومناسب واخفف من حمل الكاش ) فمحلات الصرافة في جزيرة بالي يظلمون سعر صرف الريال السعودي عكس جاكرتا وباقي اندونيسيا ومع انها دولة اسلامية وفترة حج الريال مطلوب والمفروض يكون العكس لكن في بالي الدولار هناك مرغوب اكثر فحاول تبحث عن افضل سعر صرف للريال السعودي واماكن موثوقة ... انا كنت اصرف من مصرف BMC سعره كويس للريال واذا جبت له بعض الفئات الي يحتاجها بسبب نقصها عنده مثل الخمسات والعشرات مثلا يعطيك سعر افضل ههههههه ... المهم خذ معك ريال سعودي عادي لانه اذا قلت لك خذ دولار ممكن تخسر بسعر صرفه هنا وايضا هناك ما يكون فارق كبير بينه وبين صرف الريال اذا صرفت من مصرف ما يظلم الريال .


وتوضيح نقطة اخرى بخصوص طلب سيارة جراب او دباب في بالي ... صحيح حذرتك من الزحمة وطلب السيارة لكن لا ارفضها رفض تام احيانا قد تحتاجها لمشوار للمطار مثلا سواء وقت الوصول او عند المغادرة .. او اذا طلعتم برحلة اكتيفيتي بحرية عن طريق شركة اكيد بيجيك سائق سيارة خاصة صباحا .. يعني حاول تقنن من السيارة وخليها للضروريات وخارج اوقات الذروة والزحمة لانه الدباب بيختصر عليك وقت كبييير جدا ... المشاوير القريبة داخل كوتا خذوها دباب جراب او مشي اذا قريب لكن في الليل والسهر خلي مشوارك بالدباب اامن واضمن .