ايمان في اذربيجان - الصفحة 2

alradadi · 22-08-2022, 08:28 PM

بداية تقرير رااااائع وانامل ذهبيه تخط ادق تفاصيل الاحداث بأٍسلوب سهل بسيط ممتع ............... متابعين

سؤال

ليش بعض الدول اغلب سكانها نفسيات تركيا .... اذربيجان .... جورجيا ؟؟؟ اعتقد ان الابتسامة عندهم بفلوس

IbrahimKSA, AL Tunaiji, q8ya metnaqla و 7 آخرون معجبون بهذا.

الايمان · 23-08-2022, 11:41 AM

صباح / مساء الورد

الحمدلله صحينا اليوم من الصبح بنشاط ومستعدين نتعرف على معالم باكو نزلنا للريوق .

اشيك على الجو من الغرفه

الى الريوق

الريوق وايد حلو ومتنوع

بعد الريوق اللذيذ خذينا تاكسي (POLT ) الى متحف السجاد
مع اني مو من محبي المتاحف لكن عمري مارحت متحف مختص بالسجاد وكان بخاطري اشوفه .
المتحف قريب جدا من الفندق ونقدر نروح له مشي لكن عشان الوالده خذينا تاكسي

ملاحظه : سواقين التكاسي كلهم بدون استثناء معصبين ومنرفزين ويسوقون وهم معصبين وصوت الاغاني عاليه جدا ومزعجه . نخاف نكلمهم ونقول لهم صوت الاغاني عااااالي ومزعج او نطلب تشغيل التكييف

شكل المتحف من الخارج على شكل سجاده ملفوفه

حجزنا تذاكر الدخول

ابدااااع

بن قوت, IbrahimKSA, AL Tunaiji و 7 آخرون معجبون بهذا.

بن قوت · 23-08-2022, 12:00 PM

صباح الانوار اخت إيمان
انا زيك ما احب الآثار والمتاحف
في هولندا وتركيا وتايلند
ماعمري دخلت شي للماضي
من متاحف قلاع معابد
انا انسان اعشق الطبيعة
والمدن والمولات

تم الإرسال من SM-N960F باستخدام Tapatalk

IbrahimKSA, آخـــرفـــرصـــة, الايمان و 4 آخرون معجبون بهذا.

بن قوت · 23-08-2022, 12:02 PM

انتو مستأجرين سيارة
او ماخذين سيارة بسائق

تم الإرسال من SM-N960F باستخدام Tapatalk

IbrahimKSA, آخـــرفـــرصـــة, الايمان و 2 آخرون معجبون بهذا.

الايمان · 23-08-2022, 12:15 PM

نكمل جولتنا بالمتحف

قمة الابداع والفن

كانوا يرسمون صور العلماء والأئمة والمطربين على السجاد

صالة كامله من السجاد روعه

المتحف في غاية الروعه وغيرموجود باي دولة بالعالم انصح بزيارته

بالقرب من المتحف يوجد ليتل فينيس رحنا لها مشي

شوفوا متحف السجاد وايد قريب

قعدنا بالكافيه وطلبنا قهوه

الاكواب مصديه وكان علينا اثار مكياج
ولما طلبنا تغييرهم عصب علينا ورفض دفعنا الفاتوره ومشينا

كملنا مشي الى

DENIZ MALL

وهذا المول يعتبر من احدث المولات اللي تم افتتاحها في باكو

لقينا ستاربكس رحنا نشرب قهوه بدال اللي ماشربناها

المول على البحر وكان هذا المنظر الجميل من ستاربكس

المول وايد حلو ومرتب لكن بضاعتنا بالكويت وايد أحلى

IbrahimKSA, بن قوت, AL Tunaiji و 7 آخرون معجبون بهذا.

IbrahimKSA · 23-08-2022, 12:20 PM

مساء الخير .

تقرير بدايته مشوقه والتصوير جميل ..

الفندق وش سبب تأخير الدخول ؟ هل كانت كل الغرفه مشغولة ؟ ولا حبوا يأخرونكم بس غريبه هالمعاملة .

الديرة هل هي غاليه ولابس هالمطعم اللي رحتم له ؟

سبب تأجير السيارة وانتم معتمدين للوقت هذا على التطبيق ؟

كيف تكون الاجواء في الليل بارده ؟

واضح المعاملة السيئة المفروض تتركون المكان وتمشون بالنهاية من حقك تغيير اي شي تشوف انه مو نظيف ... عموما بعض الناس يريحون راسهم والبعض مايحب المشاكل ..

بن قوت, آخـــرفـــرصـــة, الايمان و 3 آخرون معجبون بهذا.

الايمان · 23-08-2022, 12:35 PM

رجعنا للفندق نصلي ونريح ونستعد للغداء في المدينة القديمة

اخترنا هذا المطعم

اول ماقعدنا الجرسون يقول شنو طلباتكم
قلنا نبي المنيو عشان نعرف شنو نطلب عطانا المنيو ووقف على راسنا يقول يالله بسرعه شنو طلباتكم
ماأدري اشفيهم معصبين ومستعجلين

بسرعه طلبنا كباب والوالده طلبت شيش طاووق

الخبزة الاذريه اللذيذه أحلى شي عندهم

الحمص بكل مطاعمهم ماله طعم ولانكهه يطحنون الحمص ويقدمونه بدون اي اضافات

وصل الكباب مستوي من بره وني من الداخل
الظاهر حتى طباخهم مستعجل ومعصب مثلهم

شيش طاووق امي مسكينه الحجم كبير ومومستوي

دفعنا وطلعنا ومن القهر نسيت اصور الفاتوره

طلعنا نتمشى بالمدينة القديمة

الحاضر والماضي

قعدنا بكافيه وطلبنا شاي

بالليل تمشينا على الكورنيش بالقرب من فندقنا

طلبنا ايس كريم

انتهى يومنا الاول في باكو ورجعنا الفندق نستعد للسفر الى قابالا

بن قوت, AL Tunaiji, q8ya metnaqla و 7 آخرون معجبون بهذا.

ahm643 · 23-08-2022, 12:46 PM

تقرير جميل جدا

السوال
هل تنصحي السفر لاذربيجان لزوجين

بن قوت, آخـــرفـــرصـــة, الايمان و 2 آخرون معجبون بهذا.

الايمان · 23-08-2022, 01:34 PM

اقتباس : المشاركة الأصلية كتبت بواسطة بن قوت

ماشاءالله اخت إيمان
غريبة توجهك دايما غرب الكويت
ماعدا بكت
تستاهل الوالده التمشية وتغير مكان
اذربيجان حارة في أغسطس
والاماكن محدودة جدا
٣ مدن فقط
الفاتورة والله غالية بالحيل
٧٠ دك
متابعين معك

تم الإرسال من SM-N960F باستخدام Tapatalk

هلاوالله ابو نواف
اي فعلا انا توجهي دايما غرب
هالمره قلنا نغير ونشوف ديرة ماشفناها ومنها اخذ الوالده معاي تغير جو من بعد الكورونا
سفرتنا كانت في شهر يونيو (6) المفروض الجو بارد لكن للاسف كان وايد حر
فعلا هذا المطعم وايد غالي

بن قوت, آخـــرفـــرصـــة, توبليرون و 1 آخرون معجبون بهذا.

الايمان · 23-08-2022, 01:40 PM

اقتباس : المشاركة الأصلية كتبت بواسطة نـــواف

ما شاء الله سرد سهل وممتع
وتنسيق المعلومات والصور مميز جداً

بحكم سفرك لجورجيا واذربيجان
أتمنى لو تقارني بينهما في نهاية التقرير
لأن هذا السؤال يتكرر بشكل دائم بين المسافرين

موفقين ومتابعين

هلاوالله أخوي نواف
ان شاءالله راح احط مقارنه بين الدولتين بناء على تجرتبي
حياك الله بالتقرير لاتباعد

بن قوت, آخـــرفـــرصـــة, توبليرون و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعده في اذربيجان خبراء اذربيجان الله يسعدكم	mohsin2018	بوابة جورجيا و اذربيجان	1	03-08-2022 12:12 PM