صراحة أفضل شيء أنكم طلعتوا الفيزا من المطار ومازالت أشوف أفضل من الأون لاين
مطار طرابزون طبيعي بما إنه بالأصل مطار داخلي كان يكون صغير بس دحين عاملين مخطط له بيصير مطار كبير أتوقع من كمية المسافرين ده الصيف وكثرة خطوط الطيران اللي فتحت خط مباشر على طرابزون
ترى سيارتنا أصغر من سيارتكم وبنزين بس فلها 1000 gdvm
صح الاستئجار بالرخصة الوطنية بس للأسف غير معترف فيها في الحوادث أو عند نقط التفتيش لازم الدولية فياريت أغلب اللي مسافر لتركيا وناوي يستأجر ينتبه لدي النقطة
ماشاء الله صراحة حسدتك على الفندق أنا كنت بنفس الفترة تقريباً ولا لقيت شيء متاح بسعر منطقي في طرابزون ياريت تزودنا باسمه
يعطيك ألف عافية على التنبيهات بخصوص السيارة والمواقف نبهتني لأشياء من جد لازم الواحد ينتبه لها
أكثر شيء يقهر في طرقهم تحديد السرعة يعني 120-140 هذه فعلياً الواحد ينساها
صح الشراء بالكرت أفضل بس الأرياف نادر اللي يستخدموا الكرت فالكاش ضروري والأفضل قبل لا يوصل الواحد يسحب مبلغ
الفنادق غريبة أنا كلها حجزتها مباشرة بس كنت اتصل قبل واستفسر عن السعر وإذا عجبني احجز بالاسم واروح اعمل تسجيل دخول والأسعار اللي أخذتها حلوة وبعضها أقل من اللي كان يظهر لي في جوجل ماب
بس فعلاً كلامك صحيح أنا في سامسون استأجرت فندق ولما وصلت كان في عيلة تسأل وأعطاه دبل السعر اللي أنا أخذته رغم نفس الغرف بس ماخليتهم يروحوا نشبت لتركي لين مااعطاهم نفس سعري
طيب ايش التطبيقات اللي تنصح فيها بما إنه بوكينج مايشتغل هناك ؟
كيف السيارة في المرتفعات والقير عادي أو أتوماتيك ؟


متابعين ومستمتعين