ج7

بعد ماسكنا بهيارت - خيرات - Hayrat

وانا قاعد اقلب بأحد برامج التواصل طحت على مطعم
مصور فديو على هشتاقات المنطقة - تركيا ، تديره وتطبخ
فيها عائلة تركية وبالبحث عنه وجدنا الموقع وكان بالقرب
من طرابزون ههههههه عودنا ياطير ياللي ههههههههه

يبعد عن قرية خيرات - هيارات - Hayrat قرابة
الساعة و20 دقيقة تمر فيها جميع القرى الساحلية of و
arakli و yomra الى ان تدخل المدينة طرابزون وتعبر
وتعبرها جنوب غرب طريق جبلي ووعر وكل ماتقترب من المكان
كل مايصير الطريق مايسع الا سياره وحده يعني لو جاك سياره
لازم واحد منكم يرجع خلف لين يلقى مكان يعدي منه هههه

من فضل الله ماقابلنا احد سيده للمكان لين وقفنا عن باب
المنزل المطعم المقهى ههههه

ومشينا للمكان بدري وحطيت رجلي في التاكني وهاتك وهاتك

ويانهار
مش فايت ووصلنا له لاكن والله يستاهل التعب خصوصا
للي يحبون الهدوء والبساطه بمعنى الكلمة المكان عباره عن
منزل عائله وحولو جزء منه مطعم وبنو خلفه اكواخ للجلوس
وتناول القهوه والطعام الطريق بعيد ووعر لاكن يستاهل التعب

وحنا مع الطريق قبل نوصل المكان بدقيقه صادفنا هاللافته


ووصلنا المكان اخيراً واول مانزلنا استقبلونا العائلة المضيفة
بالترحيب وكان عندهم قهوه وحلى وشاهي دورين هههه
وقائمة طعام بسيطه لاكنها مليئه بالفوائد

وهذا شعار المكان


ونفس الشعار من خلف تلقى قائمة الطعام ( بس اشر بأصبعك )
وكم العدد المطلوب من الاطباق والباقي عليهم هههههه

شف بساطة المنيوم

وطلعت علينا اجمالي سعر الاطباق 520 ليره تعادل 107 ريال
شامل الشاهي

اما القهوه والحلى 250 ليره تعادل 52 ريال

فديو تيكتوك للمكان
https://vt.tiktok.com/ZSRU9vh6L/

الصباح ماتسمع الا اصوات اجراس ارقاب البهايم البقر
والغنم وعش الطبيعة والبساطة ...

احد الاكواخ خلف المنزل

***


ليش خصصت قسم كامل لها المطعم المقهى اولا لجمالية المكان
الخلابه ثانيا لبساطته لعيش حياه بسيطه بلا تكلف
ثالثا لأن فيه مثله الكثير من الاماكن اللي مالقينا وقت عشان
نكتشفها ونعطيها حقها لو بجزء بسيط في زاويه من تقرير
حصري اكتبه في المنتدى الكبير منتى العرب المسافرون ...

اسم المقهى المطعم حرفياً
Livera Bir Asır Kahvaltı Evi

موقعه قوقل
https://maps.app.goo.gl/UtTiH8ZshwHN2Tdy7?g_st=ic

***

يتبع ...

الموقع في متشكا
وهي من المناطق الجميلة

أنا والأكل التركي ما نتفق
لكن وجبة الفطور متفقين تماماً
وجبة غنية ثرية وتكفيك لوجبة العشاء
الأجبان والزيتون والعسل والمربى والمخللات

متابعين ومستمتعين

المطعم مكانه بعيد ولكنه مريح جدا وفي موقع ممتاز للباحثين عن الهدوء و الراحة وقضاء نهار جميل

ج8

كيف القى اطلاله حلوه اشوف منها المدينة الساحرة
الخلابة اوزنجول ؟

او مكان عالي اشوف منه اوزنجول بوضوح كامل ؟

السؤالات هذي عندي جوابها ..


فيه عدة اماكن ولاكن افضلها مقاهي والطريق لها وعر
وصعب شوي وفيه الكثير من الزحمات خصوصا زحمات ماهو
الطريق وبس الا الاماكن زحمه فل سواء مقهى او مطعم اللي يكون
المهم رصدنا افضل الاماكن ومن واقع تجربة وصراحة كانت
تجربه لاتنسى ...

بعطي افضل مكان لرصد اوزنجول بالبحيره تشوف المدينة كاملة
منه .

واللي هو مقهى " كوم كافي Kom Cafe " وصراحه كان
زحمه وتوقفنا في مقهى اسمه DiDiLi Cafe اسفله مابينهن
الا سلم وجدار ..

***

موقع قوقل ماب كوم كافي Kom Cafe

https://maps.app.goo.gl/3SdTsjxakM1ibzR2A?g_st=it

***

موقع قوقل ماب DiDiLi Cafe

https://maps.app.goo.gl/y6aSRv449Cg6HXou5?g_st=it

***

صور من الاطلاله على اوزنجزل عروس الشمال التركي

وبتكون افضل من مقهى كوم كافي

***

تعرفون انا ماافوت الاسعار وعندي اداره مالية والحمد لله ههه
صورت لكم اسعار المقهى اللي انا فيه ومقهى كوم كافي للاسف
ماحصل فرصة ارجع له وقت ثاني لأن جدول الرحلة مزحوم وفيه
اماكن لازم اروح لها ..


وهذا المنيوم
*

وهذا الحلى واسعاره وكان السعر موحد
واللي هو 40 ليره = 8 ونص ريال سعودي
*

وهنا ابريق شاهي بـ 70 ليره وهو اعلى سعر في المكان
= 14 ريال ونص

***

تعتبر تلك الاطلالة على اوزنجول من اشهر الاطلالات
وعلى مدينة اوزنجول وهي المدينة الاشهر في الشمال التركي

***


المره هذي اشوى جابو لي كاسه ماجابو لي شاهي دورين
ههههههههه صوره مع التحية لبن قوت و لماجد القطري والاخوان

يتبع ...