ما شاء الله اخ عبد الرحمن
اختيارات ومشاوير وسكن جميل
مستمتعين معك وبالاسلوب الممتع المتميز

ج9


أهم الاماكن السياحية بعد اوزنجول والمواقع القريبة منها
هذي الاماكن مهمه بعضها يبعد ساعه ونصف من مكان
الانطلاقة سواء اوزنجول او اريافها القريبة منها مثل قرية خيرات
- هيارات - Hayrat يأتي بعد اوزنجول الساحره ...

- مرتفع السلطان مراد ..

بعد طريق وعر وطويل يخترق متن جبل السلطان مراد هناك في
القمة تستوي الارض وكأنك تسكن السهول ولست على قمة جبل
الارض مستويه وعلى مد البصر مروج وقرى ريفيه

او ماطلعنا فوق واستوى الطريق صورنا هالمنظر البديع
تبارك الله سبحانه .

*

*


****************

طبعاً عشان تستفيد من المناظر في جميع المرتفعات لازم
تجي في وقت مافيه ضباب صراحه الضباب يحجب الرؤية

****************

موقع قوقل ماب ، قمة السلطان مراد " القرية "

https://maps.app.goo.gl/mRX774vJUZrcC4Uk8?g_st=it

****************

اول انطباع لنا عن قمة السلطان مراد والقرية كنا منبهرين من
جمال المنظر من الصباح مارجعنا الا حلول المساء وجا ضباب
وقت الظهيره وحجب الرؤية ساعتين ومنه توجهنا للقرية غداء

" قرية السلطان مراد " وهذي صور لها ..


الطريق ودخل القرية ولاكن الضباب حجب المنظر


قريه صغيره مدخل واحد ومخرج واحد فيها بضع محلات
مابين البقالة و المطعم ومحل بيع ادوات الرحلات ومحل
بيع الملابس والفرشات وغيره ادوات تهم المتنزه بشكل عام


وهذا هو مسجد السلطان مراد ( جامع كبير )

***

طبعاً لقينا مطاعم كثيره وجربنا فيها مطعم اسمه Şabanoğlu Restoran
وكانت افضل تجربه والحمد لله طعام طازه كل شيء طازه
لذيذ يكفيك الذبايح المعلقه على الباب يقطعونها قدامك هههه

ولاننسى المنيوم كما عودناكم

سقف السعر الاعلى وعينكم على طبق الخروف المشوي ههه
وهو الاعلى سعرا 230 ليره = 47 ريال ونص سعودي

*



اللي يمر لاينسى هالمطعم ولاينسى لحم الخروف المشوي معه
لبن عيران وصحن سلطه وشوربة وخبز وكولا بارد بعده كاسه
شاهي هههههه وادعو لي بالتوفيق ورحله جديده لحدى دول
هالعالم عشان نكتشفها

يتبع ...

ج10

إكمالاً للجزء ج9 ..

- قمة خضر نبي

موقع القمه قوقل ماب

https://maps.app.goo.gl/XAKt4XycTgH1i3fc7?g_st=ic

صور من القمه خضر نبي

صوره جنب الجامع جامع قرية خضر نبي

ومدخل واحد ومخرج واحد كالعاده

جميله جدا لاكن هاجمنا الضباب وحجب كل شيء

***

هالمره غيرنا في المطاعم لقينا مطعم فطاير طازه
اللي يطبخ فيه اهالي القريه نساء والشباب ووالدهم
يقدمون الطعام

وهذا المنيو ...


سقف السعر الاعلى 65 ليره = 13 ريال ونصف سعودي

بس صراحه لذيذه الفطاير ومنوعه وساخنه جداً وكبيره
في حجمها شوي يعني اذا صرتوا شخصين لاتعدونها فطيرتين
ههههههه عشان الاسراف وافضل طعم فيهن فطيره الزعتر
واللحم المقدد لحم خروف سألتهم عنها .



وهذي بقية القائمة ياعمي روح اطلب وطبح عب عظامك وبدنك عافيه والله رهيب جدا انصح فيه



ولاتنسون فطيره الدجاج ولاتنسون الشاهي لاتخلونه عصيرات
وبس

***

المطعم هذا اسمه فطائر حيدر نبي جوار المسجد مباشره
امام مطعم مشاوي

موقعه قوقل ماب
https://maps.app.goo.gl/WQfynr4sNXD5kFAc9?g_st=ic

***


المطعم خلفي مباشره وسعادته متصور مع المطعم هههههه
المطعم اضن كان حلويات وتم تغييره ماهو ضاهر على
خرائط قوقل ماب لاكن ان شاء الله احاول اضيفه للجميع
على الخارطه

***

- مرتفعات آيدر

مكان جميل جداً ولاكن عيبه الزحمه الطريق واحد الخروج
هو نفسه الدخول فيها الكثير من المطاعم والمقاهي ومحلات
اخرى تسوق المواقف شحيحه جدا قعدت الف نص ساعه
لين لقيت موقف للسياره

صور من آيدر الخلابه
طبعا جميع الصور هذي صورتها من المرتفع جنب المرتفع اللي
جنب الشارع اللي فيه المطاعم والمقاهي

*

*

صراحه الجو كان فوق الخيال صادفنا ايدر الخلابه مافيها ضباب
مثل الساعتين الاولى اللي كانت بمرتفع السلطان مراد ...

***

موقع مرتفعات ايدر قلب الشارع قوقل ماب

https://maps.app.goo.gl/y9ksHNuDPMyHbQzL8?g_st=it

***

ارشح لكم مطعم ايلول هناك في قمة ايدر الجميلة
وهو مطعم يديره ويشرف عليه الاشقاء العرب السوريين
ونعم الاخلاق ونعم التعامل

موقع مطعم ايلول قوقل ماب

https://goo.gl/maps/uxHh2THAEz2ixWVR6

***

وجبت لكم المنيو حقهم ...


سقف السعر الاعلى لطبق واحد 250 ليره = 52 ريال سعودي

صراحه الاكل لذيذ ومتنوع وحبينا اطباق الاسماك اكثر شيء
ويوفرون لك الرز انواع انصح فيه وبشده



لاتنسون البرتقال الطبيعي والله يسوا عندهم لذيذ
ومسوينه على الطلب وايضا لاتنسون الشاهي ...

يتبع ...

ج11

مطاعم ومقاهي بتعجبكم ...

1 - مقهى تالاسا او تالاثا كافيه احد المقاهي الجيده في اوزنجول
انصحكم فيه Thalassa Cafe Uzungöl


لاتنسون القهوه العثمانية مع الحلقوم

-----

هذا رابط المنيو

https://thalassacafe.dijital.menu/

-----


شغل كاميرا الاستديو واقراء الباركود واطلب
وبالهناء والعافيه

( وهو ماهو مقهى وبس الا فيه اصناف طعام وعصائر
طازجه ومشروبات غازيه مع نكهات يسسونها على الطلب )

سقف السعر الاعلى لطبق واحد 550 في المنيو اعلاه
وهو شوايه كرسببي دجاج تكفي شخصين = 113 ريال
والقهوه قدح واحد لايتجاوز 75 ليره = 15 ريال سعودي ونصف

***

2 - مطعم مستر كويتي MR. KUWAITI

وقوفوا هنا عند هالمطهم لاتتعدونه يااخي حدثني عن الطعم
حدثني عن التنوع يااخي كانك طابخ في بيتك



ماستر على اسمه صراحه ، كان زحمه شوي لأننا جايين وقت
غدا والناس قاعده تتغدا وعبدالرحمن يركض من مكان لمكان
مافطن للغدا الا تالي شدتنا المناظر والبحيره ههههه


ياليت بكل ديره مطعم كويتي


المنظر على طول للبحيره جنبك بحيرة اوزنجول
قنصت الفرصه هذي ولقطت هالصوره مافيه سيارات
ولا فيه مشاه على رجلينهم



*

بعد ماخلصنا جابوا لنا الفاتوره بمحفظة جميلة كانها جواز سفر
ومناديل معطره ، وصدقوني ان الله كتب لي رجوع اول وجبه
في اول يوم زياره عندهم ...

-----

موقع المطعم قوقل ماب

https://goo.gl/maps/GMvJbNZRm3NqHXdx5

-----

3- قهوة عساف


قند الراس بمهيله ولاتنسى التمره ...


وهذي الصفراء اللي تصلاها النار الل مالنا غناة عنها
مهيله تقعد الراس وتطرد العماس وتونس الجلاس ...


في البدايه المكان مزحوم شوي وجيناهم يصلون الله يجزاهم خير
وانتضرنا وظفرنا والحمد لله

ومانسينا المنيو ..



الدله الكبيره 175 = 36 ريال



والحنيني 100 ليره = 20 ونص ريال سعودي



والحلى الاكثر طلب 75 ليره = 15 ونص ريال سعودي


4 - قهوة الزهراني جنب مطعم مستر كويتي

هذي صوره منها ههههه



ياانهم مشخمطين عليه شخمطه هههههههههه هذي تعتبر
اشهر قهوه في الشمال التركي وتراه يأجر عزبة قهوه اللي يبي
عزبه يستأجرها منه

1 و 2 و 3 و4 كلها حول بحيرة اوزنجول

***

تعالوا يامحبي البحر وقت العصير ويامحبي غروب الشمس
بينكم وبينها بحر محبي صوت النوارس ههههه محبي الهدوء
الساده والماجدات الرومانتيك ههههه جبت لكم
مقهى مامثله ...

هذا المقهى على الساحل منطقة ريزه " مقهى وكيك "
واطلب طلبات واطلع من المحل شمال على السيف وانصح
به قبل غروب الشمس بساعه ...

اسمه بقوقل ماب Yalı Cafe & Restaurant

-----

وهذا موقعه قوقل ماب

https://goo.gl/maps/XQdG2cD2Wfe8HyBt7

-----

صور من المقهى ..


*

*


مقطع تيكتوك ل" للبحر الاسود من بالقرب من السيف
من داخل المقهى ...

https://vt.tiktok.com/ZSRfyDUAs/

الاسعار لايهمكم اسعار روحوا استمتعوا
وترا جنبه مطعم قريب اشوف عنده زحمه
للي بيتعشى ترا الزحمه ماتكذب المتسوق

يتبع ...

ياسلام على حيدر نبي وسلطان مراد عشقي كل ما اروح تركيا لابد من سلطان مراد
بالنسبة الى اوزنجول تصدق مارحت لمستر كويتي قد ما امر من جنبه سريع
جوله جميله ورحله موفقه