ج5

صراحة طرابزون كنا ناوين مانجلس فيها اكثر من 3 ايام
يومين في البداية ويوم قبل رحلة العوده نخليها تسوق وشراء
هدايا وتذكار

وجربنا مطاعمهم والمقاهي الداخلية في طرابزون اليومين الاولى
واليوم الاخير قبل العوده وهذا منها وهو الاعلى سعر بينها
يجمع مابين المطعم والمقهى وكان زحمه شوي انتضرنا لين لقينا
مكان يكفي 4 أشخاص

اسم المكان MADO وكان بالقرب من اماكن تهم
السائح مثل ميدان طرابزون ويبعد عن هالمقهى المطعم
9 دقائق تقريباً بالمواصلة على الاستراد العام

موقع المقهى المطعم MADO
https://goo.gl/maps/z3r38cV8EKzPgNwz7

سقف السعر الاعلى بما انه مقهى من الأساس 250 ليره
لطبق معين واحد اساسي 51 ريال سعودي .
العشاء كان شهي جداً واللي بيطلع يتعشى في مكان
ثاني ياكثر المطاعم في الشارع نفسه .


والعشاء صراحه لذيذ جداً

لاحظ بعض اسعار الحلى لايتجاوز 45 ليره اي اقل من
10 عشره ريالات سعودي .


اما عن القهوه بشكل عام لايتجاوز سعرها 60 ليره
12 ريال سعودي والحد الادنى 25 ليره 5 ريال سعودي
لا ويجي معها احيان تحلية مجانية نوع حلويات معين اغلبها
الحلقوم ببودرة السكر الابيض عشان مايلتصق في بعضه .

***

- كيف القى مطعم هو الافضل كيف الطريقة ؟
- عن طريق سؤال مرشد سياحي معتمد ، او عن
طريق جدول تسوية مسبق حسب تجارب السواح
العرب او عن طريق الاستفسار من قوقل او عن طريق
قوقل ماب ومتابعة التعليقات والتقييم ضروري ضروري ضروري .

***
- هل يوجد مطعم عربي في طرابزون ؟
- نعم كثيره واشهرها " المطعم اليمني " اللي يرغبون الكبسة
على اصولها وفيه مطاعم لبنانية وسورية لاكن المطعم اليمني
هو الافضل من بينها ومن واقع تجربه في اليوم السادس .

موقع المطعم اليمني
https://goo.gl/maps/b2Q6NLpib72cYKnS8

عشاء يكفي اربعه أشخاص الى 6 اشخاص مع المقبلات
والمشروبات 450 ليره = 92 ريال


يتبع ...