اهلا وسهلا, يعطيك العافية على الموضوع المميز والجميل.


انا مخطط ازور النرويج منتصف شهر 6 عام 2023 في رحلة شبابية لشخصين او 3 لمدة اسبوعين وحاب اخطط من بدري لأهم الاماكن والمغامرات وخط سير الرحلة. ملاحظة (حاب ازور ترومسو ولوفوتين واذا ممكن سفالبارد في القطب الشمالي). طبعا لاننا شباب مافيه مشكلة ننام في خيمة صغيرة في الطريق وايضا بنستخدم Airbnb. وبالنسبة للاكل راح نعتمد بشكل كبير على السوبرماركت الرخيص ونبتعد عن المطاعم الا في يوم او يومين حق نجرب السالمون



حسب اغلب الآراء ان الافضل استئجار سيارة وهذا اللي راح يصير, والوصول راح يكون من اوسلو.


عندي بعض الاسئلة والتعليقات بعد:
1- هل الافضل استئجار سيارة بعد الوصول مباشرة من المطار, او تمضية اول يوم في اوسلو واستئجار السيارة ثاني يوم من اوسلو؟


2- ماهو خط السير المثالي؟ ووش المدن اللي مفروض اسكن فيها وتكون حولها اهم الاماكن والفعاليات؟


3- متى افضل وقت نطلع الفيزا ونحجز الطيران؟


4- بالنسبة للسكن من Airbnb هل نحجز من هناك اذا وصلنا افضل؟ لاننا مانعرف كيف ممكن يكون الجدول بالتفصيل وممكن نقضي وقت اكثر في مدينة معينة.


5- كيف ازور Pulpit Rock؟


اذا خطر في بالي اسئلة اكثر راح اكتبها



وشكرا جزيلا ويعطيك الف عافية