هلا اخوي بالنسبه للسكن في ميامي اسكن في اي مكان يعجبك سواء داخل ميامي بيتش او ميامي مافيه هذيك المسافة وطالما بتستأجر سياره ممتاز بإمكانك تشوف الخيارات الارخص والابعد من البحر

بالنسبه للسباحه انت ابحث في اليوتيوب عن شواطئ ميامي علشان تعرف اساميها وكل شاطئ وش يميزة

احنا رحنا ميامي بيتش ( لوموس بارك ) يتميز شاطئة بأن امواجه عاليه وقوية يعني ماينفع سباحه حره بس تدخلون تستمتعون بالأمواج وفي خدمات حوالينه

يعني البارك عندهم كثيره ولها مسميات كلها شواطئ وعلى البحر

اما من ناحية اماكن التمشيه فيها اماكن حلوه بعد غير الشواطي شوارع حلوه واحياء وابراج ، وفيها مجمعاات تجارية جميلة رحنا دولفين مول وسواجرس مول ( اوت لت ) بضاعه حلوه واسعار معقوله ( ماتعتبر رخيصه )

السواقة في ميامي فيها دفاشه ومش نظاميين مش مثل السواقه في اورلاندو 😍

وفيه شركات صيد تطلع مع العائلة في قارب عن طريق شركة ومعاكم الصياد الصراحه ماجربتها وكنت مره متحمسه لها بس ماكان فيه نصيب ، اذا تبي اسماء شركات بس اكتب في قوقل ماب رحلات صيد سمك وبتطلع لك انواع واشكال مع مواقعهم والاسعار

بالنسبه لأسماء الاماكن اللي تزورونها في ميامي مكرره كثير في اليوتيوب مثل : سوق وبازار باي سايد هذا الممكان حلو رحنا له اكثر من مره فيه مثل البازار والمطاعم وعلى البحر بس في نص ميامي يعني حوالين مباني ،

ليتل هاڤانا شارع صغير حلو من ناحية الرسومات الجدارية اللي يتميزون فيها

ساوث بيتش كتمشيه بالسياره / كوكنت ووك مكان جميل حوالينه شوارع وبوتيكات ومقاهي حلوه

هذا اللي اتذكره عن ميامي وبالتوفيق يارب