انا عن تجربة اشوف افضل طريقة خاصة لو ما كنت تعرف مكان الفندق انك تضغط على نفسك شوية وتدفع 40 دولار لشركة سياحية تتواصل معاهم بالوات ساب قبل رحلتك بيومين غالباً حيطلبو منك صورة من جواز السفر وتذكرة السفر ... ينتظروك عند بوابة الوصول واطلب منهم يكتبو اسمك في لوحة هذه الطريقة أأمن خاصة للي تكون زيارته لإسطنبول لأول مرة.
ما انصح بالتكاسي عشان بعضهم ممكن يطول المسافة واذا حجزك في السلطان احمد انت وحظك يا ينزلك عند باب الفندق يا ينزلك قريبا من ساحة السلطان احمد ووقتها حتورط عشان ما تعرف فين مكان الفندق.

في العودة الى المطار بعد ما تنتهي الرحلة الأفضل تكلم الفندق ينظم لك التوصيل للمطار افضل ونصحة اخيرة في اخر يوم حاول تروح المطار قبل الرحلة بمدة كفاية عشان تبعد عن زحمة وقت الذروة