موعدي في السفارة الأمريكية

هشام عبدالعزيز · 04-07-2023, 03:04 PM

السلام عليكم

موعدي كان أمس وللأسف تم رفض منحي الفيزا لي ولعائلتي !!

صراحة حسيت من أول دقيقه انها قررت الرفض.

في البداية أعطيتها الجوازات وفتحت الطلب قدامها وكان واضح انها تقرأه وبعدها سألتني أول مره تقدم ؟

قلت لها نعم

السؤال الثاني كان وين رايحين في أمريكا ؟

قلت لها نيويورك وأورلاندو

بعدها سألتني كم راتبك ؟

وأنا أجاوبها على السؤال طبعا طلعت ورقة تعريف العمل وكشف الحساب البنكي , فقالت لي لأ أنا ما أبغى أشوف أي شيء بس جاوب على السؤال !!

وقتها من اسلوبها في الكلام حسيت انها راح ترفض أكيد.

بعد كذا الأسئلة كانت عاديه , كم صار لك في السعودية وهل عندك أقارب في أمريكا او لأ وسألت زوجتي اذا كانت تشتغل أو لأ وطبعا كل الاسئلة هذي اجاباتها واضحة ومكتوبه في الطلب أساسا .

بعدها أعطتني الورقة البيضاء وعلمتني بالرفض .

أنا سوداني مواليد السعودية , والوالدة موجودة معي هنا وعلى كفالتي (وقلت لها الشيء هذا لمن سألتني كم لك بالسعودية) , وأشتغل محلل نظم وراتبي كويس وسافرت في قبل كم سنه ايطاليا والفترة الماضية للامارات وقطر وعيالي أيضا راحو معي الامارات وقطر

بس ما أدري صراحة ايش ممكن يكون سبب الرفض لأني أقول لكم حسيت من أول المقابله انها قررت رفض اعطائنا الفيزا !!

عموما , كانت تجربة أولى وان شاء الله اذا الله سهل بعد فترة الواحد يعيد التجربة .

وشكرا لكم

abu kayanمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ضيعت جواز السفر قبل موعدي في السفارة الاميركية	Abdallah.k	فيزا امريكا	3	26-12-2022 01:35 AM
السفارة الأمريكية بالرياض تبدأ في إصدار التأشيرات	Abu Muataz	فيزا امريكا	12	26-05-2021 01:10 PM
السفارة الأمريكية بالرياض	Abu Muataz	فيزا امريكا	4	27-10-2020 05:09 PM
لدي موعد لدى السفارة الأمريكية وأرجو المساعدة	ahmed52431	فيزا امريكا	2	11-09-2019 06:14 PM
مشاهدات من موعدي في السفارة البريطانية 4مايو (جدة)	بطليموس	فيزا بريطانيا	2	12-05-2016 12:28 AM