79الاعجاب| |
28-07-2023, 11:24 AM
| #1 |
| مسافر جديد  تاريخ التسجيل : Jul 2018 رقم العضوية : 20334 الجنس : انثى المشاركات : 10 | 
المسار الأصلي للرحلة كان طيران الفلبين الدمام-مانيلا- بانكوك العوده نفس المسار بانكوك- مانيلا- الدمام سعر التذكرتين 5330 ريال الحجز كان قبل الرحلة بثلاث شهور تقريبا وكان الحجز عن طريق اكسبيديا قبل الرحلة بشهر ونص جاني ايميل بتغيير وقت رحلة العوده المشكلة الي صارت انه وقت رحلة مانيلا - الدمام تقلع قبل وصولي من بانكوك ( تم تغيير وقت وصولي لمانيلا) تواصلت مع اكسبيديا بالبدايه ما لقيت تجاوب طلبوا مني اتواصل مع الخطوط نفسها ما قدرت اتواصل مع الخطوط رجعت لاكسبيديا بحكم انه الحجز صار عن طريقهم مع انه التذكره مسترده وفي خطاء واضح من الطيران الموضوع اخذ اكثر من شهر وبالاخير من غير حل الغيت الرحلة وحجزت حجز جديد على طيران الامارات والحمدالله لقيت نفس التوارخ ( مهم بسبب حجز الفنادق والسيارات ) النصيحة : الحجز عن طريق موقع الطيران مباشرة. الرحلة الجديدة الدمام-دبي-بانكوك سعر التذكرتين 7664 وصلنا مطار بانكوك الساعة 1:30 الظهر نزلنا استلمنا الشنط واتجهنا لمكتب التأجير طلبوا الجواز الرخصة وبطاقة فيزا وقت الاستلام قالوا اذا نبي دفع لتأمين اضافي في حال اي مشكلة ماندفع اي مبلغ ( الا في حال صار شي لمفتاح السياره) التأمين الاساسي في حال صار اي شي ندفع مبلغ 8000 بات ( المبلغ الي يسوون عليه حجز) مبلغ التأمين الاضافي كان أعلى من 8000 بات فخلينا التأمين الأساسي فقط بعد ما خلصنا الأوراق يجي باص من شركة التأجير ياخذك للمكتب ( اقل من 5 دقائق من المطار) الأفضل تحفظون الموقع لوقت الترجيع . ورق التأجير فيه خريطة توضح طريقة الوصول للمكتب وبعدين الباص يرجعك للمطار. المحطة الأولى باتايا بس عندنا حجز ليلة وحده في بانكوك لان الرحلة الاولى ( الخطوط الفلبينية) كان وقت الوصول 7:00 المغرب وما حبينا نمسك خط الفنادق : اختيار الفنادق تختلف من شخص لشخص البعض مهم الموقع قريب من الخدمات البعض مهم عنده على البحر او يكون حجم الغرفه كبير لوجود أطفال لازم تحدد اولوياتك وتبدء رحلة البحث على حسب متطلباتك وميزانيتك  الحجز كان في 12the residence hotel and apartments' ليلة وحدة الفندق نظيف والغرف نفس الصور انصح فيه ( بس تأكدوا من الموقع احنا الموقع ماكان عامل مهم بسبب وجود السياره ) بعض الفنادق تطلب تأمين الافضل الدفع كاش وتطلب وصل استلام مبلغ وبعض الفنادق تطلب مبلغ تأمين اضافي مسترد في حال طلب keycard اضافي بعد الوصول واستلام السيارة والوصول الى الفندق صارت الساعة 5:00 طلعنا مشي ورحنا دامينوز ( وقت الاكل يا الاختيار مطعم حلال واذا لا ناخذ شي بحري او خضار )   الحلى هذا فيه (كايا) مربى جوز الهند لازم تجربونه ورجعنا للفندق استعداد لرحلتنا لباتايا في الصباح الصباح قمنا بدري وفطرنا  مرينا على amazon cafe لازم تجربون thai tea with milk ( iced) green tea with milk ( iced)  في بانكوك بعض الطرق برسوم الأسعار رمزية في مسارات خاصه بالكاش ( الدفع كاش او بطاقة) ابتعدوا عن المسارات الي بالازرق  محطات البنزين بكل مكان ppt نظيفة وفيها 7/11 وفيها amazon cafe  وتوجهنا الى باتايا  باتايا في فترة التخطيط قرأت عن عدة مناطق كان في كثير تعليقات سلبية عن باتايا الواقع انه كل منطقه فيها ايجابايات وسلبيات وانا شفتها جميلة جدا ومناسبة للعائلات الفندف : The Siamese hotel pattaya وقت الحجز لاحظت اسعار اقوده افضل من بوكينج فالحجز كان عن طريقهم الصور مطابقة للواقع الفطور لنا كمسلمين محدود بس مكان الفطور جميل والموظفين محترمين جدا يوم شافتنا الموظفة الي عند قسم البيض مسلمين قالت بغير لكم ادوات الطبخ والخلط عشان ما يجي شي بالخطاء بصراحة شي لاحظته بالشعب التايلندي الاحترام والتقدير والأدب وصلنا قبل وقت التشك ان بس الموظف دخلنا على طول ارتحنا شوي بعدين طلعنا اول مكان زرناه Tiger park pattaya الركوب في باص صغير مجموعات صغيره مع بعض يدور على مجموعة نمور في امكانية التصوير مع نمور من اعمار مختلفة كانت تجربة حلوه   بعدها زرنا mini siam المكان جميل ويستحق الزياره مجسمات لمباني شهيرة من حوال العالم لازم مظلة اذا في شمس ( متوفره عند البوابة)   بعدها رحنا لnight market runway street food بنص السوق طيارة وبكذا انتهى اليوم الأول
|
|  |
|
30-07-2023, 08:30 AM
| #2 |
| مسافر متميز تاريخ التسجيل : Nov 2021 رقم العضوية : 45727 الدولة : السعودية الجنس : ذكر المشاركات : 395 |
ليش دايماً الاسد والا النمر دايماً نايم في الحدائق والا تعبان !!! .........  الواحد صار يخاف يمر بحديقة رحلة جميلة وفعلاً الافضل الحجز عن طريق شركة الطيران لسهولة التعديل والفرق دائماً مو كبير .. بالنسبة لكلمة ( حلال ) على الاكل لا تعتمدي عليها ، شفتها على منتوجات مالها علاقة بالحلال والحرام ، صارت علمة تسويق أكثر من انها معلومة . استمري وبالتوفيق
|
|
| |
 |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رحلة العلاج والسياحة في تايلند | الايمان | بوابة تايلند | 223 | 26-06-2024 02:43 PM |
| رحلة بالسيارة الى الدوحة ابريل 2023 عائليه | neoplasm | بوابة قطر | 12 | 05-06-2023 03:22 PM |
| رحلة ماي 2023 سويسرا ايطاليا | Noorbash | بوابة سويسرا | 11 | 22-12-2022 11:17 PM |
| رحلة الى أوروبا 2023 | Noorbash | بوابة الدول الاخرى | 4 | 16-08-2022 10:42 AM |
| احتاج إلى خطة سفر شهر عسل في July | ملك الكبدة | ماليزيا | 30 | 06-03-2017 01:51 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
