ما شاء الله زيارات مختلفة من القارة الاجمل
شلون على الفيزا في الدول اللي زرتهم ؟
وتكلفة التذاكر والسكن ؟
اعتقد امريكا الجنوبية كل شعوبها مثل ماذكرت لاني زرت المكسيك وكولومبيا والإكوادور وكلهم كانوا طيبين ويساعدون
نصايح ونقاط حلوه ومفيدة

بالنسبة للفيزا :
البرازيل : طلبات عادية حجوزات فنادق وطيران وتعريف راتب وكشف حساب تعبى في منصة خاصة اونلاين و اسبوع وتجي الموافقة ويتم دفع الرسوم اونلاين وشحن الجوازات باراميكس واسبوع ثاني يرجعونها مع نفس الكاريرز

الارجنتين ترسل الطلبات بايميل ويحددون موعد مقابلة ومعقدين مرررررة بتعبئة النموذج لدرجة ان المرافقين لازم تكون اسمائهم موجودة بحجز الفندق
طبعا القنصل هو اللي يسوي المقابلة وكان يعتذر لي ويقول نعرف انها اجراءات بيروقراطية دقيقة جدا لكن يدققونها بادارة الهجرة هناك.

حتى انه صار غلط بسيط اتصل بي ثاني يوم وجيت عدلته وقال الموظف تدري اني الحين غير اعيد شغلي كلة على هالتعديل البسيط بس كانو بقمة الادب والاخلاق
اخذ الطلب حول الاسبوع او اكثر شوي واتصلو وجبت الجوازات ولزقها وانا واقف وعطونيها

الاوروغواي نفس الشي لما شافو المخطط قالو لي اول جيب فيزة البرازيل وبعدين قدم

ولما طلعت فيزة البرازيل قالو طيب والارجنتين قلت ارفقلكم ايصال دفع الرسوم ( وقتها كان الطلب تحت الاجراء)
وبعد ماقدمت كل المستندات عبر الايميل قالو انتظر اسبوعين وفعلا بعد اسبوعين اتصلو وقالوا جب الجوازات
قلت اليوم مشغول قالو عادي لو تخلي السواق يجيبها نلزق الفيزا وياخذها بنفس اللحظة



بالنسبة للتذاكر غالية شوي الدولية

الطيران الداخي اذا حجزت بدري بيكون رخيص بس كلما اقترب الموعد زادت للضعف واكثر

اضطريت اغير الخطة من مناوس لساوباولو كانت قبل السفر باربع شهور او خمس يوم اسوي حجوزاتي حول 600 ريال ويوم كنت هناك اضطريت اغير الحجز لقيتها 2200 للشخص