اقتراح لخط سير ل14يوم

تعرف احد يعرف احد يعرفني · 29-08-2023, 07:20 AM

الله يجزاك خير
اشكرك عالرد

بالنسبه للرحله خلاص حجزنا مانقدر نغير
الرياض - الدوحه - طوكيو هانيدا
والرجعه
طوكيو ناريتا - الدوحه - الرياض

الاسعار اقل من الفلبينيه لقيت سعر لؤطه
وصراحه لو مو هالطيران ماسافرت
لانه مريح اكثر لان معنا اطفال وكان السعر شامل سرير رضيع

راح ابحث عن فنادق في شيبويا
كثير نصحوني في airbnb هل الوضع امان لان حنا كثير فأعتقد يناسبنا شقق وليس فنادق
رأيك؟

بالنسبه للمواصلات
ايش انواعها وتكلفتها هل هي غاليه او رخيصه وممكن تذكر لي الاسعار التقريبيه لان دايم اسمع المواصلات عندهم جدا غاليه
وهل يوجد شرح طريقه استخدام المواصلات

كذلك وصولنا لطوكيو بيكون اخر الليل .. هل مواصلاتهم شغاله على مدار الساعه؟

Boarding Passمعجبون بهذا.

Boarding Pass · 29-08-2023, 08:34 PM

اقتباس : المشاركة الأصلية كتبت بواسطة تعرف احد يعرف احد يعرفني

الله يجزاك خير
اشكرك عالرد

حيّاك الله

بالنسبه للرحله خلاص حجزنا مانقدر نغير
الرياض - الدوحه - طوكيو هانيدا
والرجعه
طوكيو ناريتا - الدوحه - الرياض

الحمدلله ، خيرة إن شاء الله

الاسعار اقل من الفلبينيه لقيت سعر لؤطه
وصراحه لو مو هالطيران ماسافرت
لانه مريح اكثر لان معنا اطفال وكان السعر شامل سرير رضيع

راح ابحث عن فنادق في شيبويا

إذا حسيتي أسعار المنطقة غالية ، غيريها و لكن أهم شيء قريبة من المحطة

كثير نصحوني في airbnb هل الوضع امان لان حنا كثير فأعتقد يناسبنا شقق وليس فنادق
رأيك؟

شوفي airbnb حلو و الأسعار مناسبة ، و لكن الموقع ما يظهر بشكل دقيق إلا بعد الحجز ، أذكر كنت أبحث في شيبويا و يطلع لي كذا شقة ، بس لمّا أقرأ التعليقات أو أقرأ الوصف اللي كاتبه المضيف ، ألقاها بعيدة عن المحطة جداً ، و في اليابان أهم شيء السكن يكون قريب للمحطة أو فعلاً بتبلشين !

كذلك مو كثير أحب أتعامل مع الأفراد

ممكن تتواصلين مع المضيف و تسألينه عن المكان بالضبط ، بعضهم يقولك و بعضهم لا !

و أهم شيء اختاري المضيف يكون ( متميز )

بالنسبه للمواصلات
ايش انواعها وتكلفتها هل هي غاليه او رخيصه وممكن تذكر لي الاسعار التقريبيه لان دايم اسمع المواصلات عندهم جدا غاليه

أسعار التكاسي مرتفعة جداً ، السيارة من هانيدا إلى فندقنا في شيبويا ( سيارة صغيرة و ما معي عفش ) كانت تقريباً 350 ريال ، و المسافة مو من بعدها ، نصف ساعة

وهل يوجد شرح طريقه استخدام المواصلات

موجود في اليوتيوب شروحات كثيرة ..

كذلك وصولنا لطوكيو بيكون اخر الليل .. هل مواصلاتهم شغاله على مدار الساعه؟

أتوقع بعض الخطوط الرئيسية تشتغل 24 ساعة ، و الصدق ما قد طلعنا في الليل جداً ، عشان كذا مو متأكدة لأي وقت يشتغلون ! حملي أبلكيشن المترو تبعهم و شيكي ، ممكن حاطين الأوقات

رحلة ماتعة