اسعد الله اوقاتكم بكل خير يا اخوان استفسار بخصوص مطارات امريكا نيويورك شيكاجو واشنطن
انا لغتي الانجليزيه ضعيفه جدا ورايح سياحه لوحدي بالنسبه للأوفيسر اذا وصلت عنده وجلس يسألني هل بتوهق ولا لازم اتعلم ولا بيمشي اموري وعارف الوضع وش الحل عطوني رايكم للي راح وجرب الوضع وهو مايتكلم انجلش او احد عنده معلومه وشكرا لكم جميعاً

يا هلا ابو مهند ... و الله ما أخفيك نحنا كنا في مطار نيويورك في أكتوبر
في الجوازات أخذ معانا حوالي 20 دقيقة أسئلة كثيرة و طلب عناوين الفنادق
تذاكر العودة و أسئلة ليش جايين و كم بتقعدون و كم معاكم فلوس
هذا كله رغم أني دخلت أمريكا حوالي 7 مرات من قبل
حظك كان عند أوفيسر آسيوي اللى قبلنا أغلبهم حولهم للمكتب !!
ما ودي أخوفك و لكن هذي اللى واجهنا في المطار و هذا و نحنا نتكلم بطلاقة
عموماً توكل على الله و لو واجهت مشكلة في اللغة أكيد بيوفرون أحد يتكلم عربي موجود بالمطار كثير

(بس السؤال كيف السواة إذا دخلت الديرة؟ ترا ما تمشي أنت فيه روح أنا فيه يجي )
بالتوفيق

😂😂😂😂هذي والله البلشه لا ماعليك اذا دخلنا الامور طيبه اطقطق على خفيف مكسر 😊
وسمعنا عن الاوفيسر حق ابو ظبي يقولون امورهم طيبه عاد بنشوف الله يزينها من عنده وماقصرت ياغالي ومشكور على ردك 🌹❤

السلام عليكم بالنسبة لمطار واشنطن الأمور سهلات ولا تأخذ وقت أنا كان امامي واحد من الجنسيه الهنديه كبير في السن واستخدم معاه الترجمة الصوتية في قوقل عن طريق الجوال ماعليك توكل على الله والأمور ان شاءالله طيبه ( سفراتي الي امريكا كثيره وأفضل مطار واشنطن على مطار نيويورك من تجربة الاثنين )